كيك x كيك -اكثر من نوع كيك .. رآقـي بالطريقة والصـورة

_ كب كيك السينابون .. أو
Cinnamon Cup Cakes



المقاير ..
3 بيضات
كاس سكر
ملعقة فانيليا
ثلث كاس زيت
علبة حليب مبخر مكثف غير محلى ( ابو قوس / بوني )
كاس دقيق منخول مع م ك بيكنج باودر
2 ملعقة قرفة ناعمة ..
نسويها عادي زي اي كيكة عادية .. ما يبي لها اي تعب
يعني السوائل بعدين الدقيق ..
ونحطها بالقوالب انا حطيتها بقوالب طويلة شوي من إيكيا أخذتها موجودة
نهاية الموضوع صورة لها ..
قعد بالفرن 30 دقيقة الى 35 دقيقة تقريباً بعد ما نطلعها من الفرن ..
تفتحا شوي من الوسط يعني نسوي فيها حفرة صغيرة ..
ونكون مجهزين شيرة ( قطر ) ونسقي كل حبة كيك ملعقة كبيرة ..
بعدها نجهز حشوة للكيك هي اللي تعطينا طعم السينابون الأصلي..





الخلطة عبارة عن ..
ربع إصبع زبدة على النار مع نص كاس سكر بني الأفضل الفاتح
4 ملاعق عسل / ملعقة كبيرة قرفة / جوز مجروش ..
نحط وسط كل كب كيك شوي من الخلطة أنا افضل نسويها وهي بالفرن
علشان لا جينا نحطها ما تكون حاره وقوامها يكون مو سائل مره لأ لزج تقريباً ..





لها كثييير طرق تقديم زي ما تحبون طبعاً تسوونها ..

















_ كب كيك التشوكلت ..



المقادير..
2وربع كاس دقيق
2 كاس سكر
ثلاثة أرباع كاس كاكاو بودرة
كاس الا ربع حليب سائل
نصف كاس زيت
3 بيضات
ملعقة كبيرة بيكنج باودر
نص ملعقة صغيرة بيكربونات الصودا
ثلاثة أرباع ملعقة صغيرة ملح
ملعقة كبيرة فانيليا سائلة
كاس حبيبات الهيرشي ( تشكولت شيب )

_ الطريـــــــقة
- في وعاء الخفق اخلطي النواشف جيداً وبخفة .. ( الدقيق .. السكر .. الكاكاو .. البكنج باودر .. الملح .. بيكربونات الصودا ) ..
- حطي المكونات السائلة عليها ( البيض .. الحليب .. الزيت .. الفانيليا ) .. واخفقيهم جيداً حتى يتجانس الخليط جيداً ( 3 دقائق تقريباً ) ..
بعدها نحط كاس من حبيبات هيرشي او زي ماتحبون

3- صبي الخليط في قوالب الكب كيك ودخليها الفرن على درجة حرارة 350 بين 20 دقيقه أو 25 بالكثير..
طلعتها من الفرن زينتها بجاناش التشوكلت ومارشملو


















_ كب كيك البرتقال







المقادير ..
4بيض
فانيلا ملعقة صغيرة
بشر برتقال زي ما تحبون (انا أحبه كثير )
ثلث كاس زيت
3/4 كاس عصير برتقال
كاس سكر
1ونص كاس دقيق منخول
م ك بكنج باودر


الطريقة ..


طريقتها زي اي كيكة السوائل بعدين الدقيق ..


التزيين ..
سويت لها نوعين
كرامل البرتقال
والثاني كاسترد البرتقال ..


كاسترد البرتقال ..
ربع كاس عصير برتقال
نص كاس سكر
علبة قشطة على النار
نتركهم على النار اذا سخنوا وإندمجوا تمام نحط عليهم 3/4 م ك نشاء مذوبة بشوووي ماء
إذا شفناه ثقل نبعده عن النار ونتركه يبرد زييين ولو بالثلاجة أكيد أفضل ونزين فيه زي مانحب ..


كرامل البرتقال ..
كاس سكر بني
ربع كاس برتقال ..
نص إصبع زبدة
ربع كاس ويبنق كريم
على النار لحد ما إندمجوا تمام بعدها
حطيت عليهم مغلف كريم كرامل وبعدتهم عن النار وحركتهم شوي
وتركته يبرد راح يعطيكم قوام روعة وطعم يجنن بالذات لو حطيتوا فيه بشر برتقال صغير مررره


للتزين إستخدمت بشر برتقال وغليته على النار مع سكر وشوي ماء .. بعد ما يلين نبعد المويه لأنها تكسب مراره
وناخذ فقط القشر طعمه مررره يجنن بالكب كيك






بشر البرتقال اللي غليته بالماء والسكر ( الشيرة )
حطيت بنفس الكيك منه وللتزين برضو ..
















_ كيكة الكاروهات ..






ممكن أن تعملي أي كيكة تفضلين أو متعودة عليها دائما وتقسميها قسمين قسم يترك أبيض كما هو وقسم تضيفين له شوكولاته ...


وهذه مقاديري لكيكة الكاروهات << طبعاً أكثر من اي كيكة ثانية لأنو 3 صياني . .


4 بيضات - ذرة ملح - 4/3 كأس زيت - 2/1 1 كأس سكر - ملعقة طعام فانيلا


تخلط جيدا في الخلاط ثم نضيف لها بالتدريج ...
2/1 3 طحين أبيض منخول - 2 ملعقة بكنج باودر - 2/1 1 كأس حليب سائل ( يمكنك زيادة الحليب حسب نوعية الطحين للحصول على قوام الكيك المعروف )



تخلط المقادير جيدا ثم تقسم قسمين نضيف لأحدهما 3 ملاعق شكولاته باودر مذابة في قليل من الحليب


تدهن الصواني بالزيت وترش بالدقيق ونضع القالب في الوسط ثم نبدأ صب الخليط بالتدريج وكما تشاهدين في الصور التالية نضع شكولاته في الوسط ثم الخليط الأبيض ثم شكولاته نرفع قطعة البلاستيك بحذر ثم نضعها في الصينية الأخرى على أن يكون صب الخليط بالعكس ...ثم الثالثة مثل الأولى ويساوى جيدا بالملعقة ...
تدخل فرن هادي حتى تستوي ...












زينتها بين الطبقات بالنوتيلا وغلفتها كلها فيه ..





التغطية النهائية كانت ..





علبة حليب نستله مغليه على النار لحد ماصار عندي صوص يسمى دولتشي دي ليتشي قريب للكرامل بس شخصياً أعتبره أطعم
حطيته بزبديه وخففته بشوي ويبنق كريم وحطيت معه حبيبات هيرشي وبندق مجروش عموماً هو ما تتقيدين بشي معين زي ما تحبين
ممكن تخلينه هو تغطية كيكتك ..













_ كيكة السمسم





المقادير
2 بيض دافئ بحراره الغرفه
- ثلاث أرباع كاس سكر
1 ملعقه صغيره فانيليا
نص كاس زيت
– 1 علبه زبادي نضع عليها شويه زعفران مفروك باليد ويترك خارج الثلاجة
1 ونص كاس دقيق
- 1 ملعقه كبيره بيكنج باودر
- نص ملعقه صغيره هيل مطحون - ربع ملعقة صغيرة زعفران
3 ملاعق يانسون / 3 ملاعق سمسم اي شي تحبونه ممكن تحطونه بالكيكة يعتمد على ذائقتكم ..
سمسم لتبطين الصينية

الطريقة ..
توضع جميع المواد السائلة مع بعضها ثم تضاف عليها المواد الجافة بالتدريج
توضع بصينية مبطنه بالزيت ثم السمسم
حطيتها أنا على 350 درجة لمدرة 30 دقيقة الى 40 تقريباً وكانت جاهزة

ذوبنا الزعفران بالزبادي وتركناه وقت عشان يكون بحرارة الغرفة ..












قدمتها مع كاس متّا ولا أحلى ..pb189




--------------------------
-----------------------------

5بيضات مفصول الصفار عن البياض
ربع م ص بيكربونات الصودا
ربع م ص ملح
كوب سكر
اصبع زبدة 100 غم مذوب ولكن بارد غير حار
يعني اول شي تسونه تذوبون الزبده عشان لا جيتوا تستخدمونه اثاريه بارد
كوب الى كوب وربع دقيق منخول تماااام..

علبه حليب مركز
نص علبة حليب مبخر مكثف (غييير محلى ) مثل بوني أبو قوس
نص كاس كوب كريمة خفق تخلطينهم زييين..

1كوب كريمة خفق
ربع كوب سكر مطحون
قرفه مطحونه للتزيين أو بودرة كاكاو
شخصياُ أفضل القرفة مع الحليب تعطي طعم

.

هالكيكة طعمها روووعة صراحة وسهلة وسريعة جداً
لأنه ممكن تتسوى بالكيك الجاهز وساعات كثير اسويها الكيك الجاهز وتطلع
طعمه جداً ..

سويته برضو مره بدقيق الدخن وطلع رووعة جداً وعارفين وش كثر الدخن مفيد
فيعني تكسبون شوي صحة مع طعامة ..

4بيضات
كاس وربع دقيق
1 كوب سكر
نصف كاس حليب سائل
نص كاس زيت
شوي ملح
م ك فانيليا
م ك بكنج باودر

خلطة الوجة
أو شي علبة قشطة نسخنها شوي على اساس نقدر نوزعها على الكيكة
انا سخنتها ثواني بالمايكرويف وخلطتها شوي وبديت اوزعها على وجة الكيكة فوقها
حبتين تفاح مبشور << على طول تبشرونه وتحطونه على الوجه
لوز مبشور نرشه برضو على وجه الكيكة وقرفة << روعة مع التفاح زي ماهو معروف ..

وندخلها الفرن على حرارة متوسطة لحد ما تنضج
بعد ما نطلعها نرش على وجة الكيكة كرامل ( توفي) عشان تتشربها
ونقطعها ونقدمها زي ما نحب أنا رشيت عليها شوي نستله

اي نوع كيك جاهز تفضلونه سواء فانيليا او شوكلت
أنا هنا بصراحة سويته بالبيت بكيكة الزبادي ..

سويته بالميني كب كيك
بعد ما بردت قطعتها من الوسط وحطيت جواتها حشوة التشيز
اللي هي ..
ويبنق كريم
جبن ماسكربوني
شوية فانيليا
وسكر بودرة ..
وحشيت كل حبة فيه بالقمع << اسرع لأنو الشكل ماراح يوضح
بعد ما غطيتها ..
سويت جاناش تشوكلت ..
ذوبت تشوكلت خام بحمام مائي وحطيت عليه ويبنق كريم
وقطعة زبدة عشان اللمعة وبعدها صبيته على الميني كب كيك
وزينتهم بنوع تشوكلت عليه حبيبات سكر..
القطع اللي تشوفنها بالتشوكلت كنت جايبه نوعية بالكورن فليكس المجروش فطلع معي كذا..

إقتراحات للطبق .. ممكن تقطعون الكيك بالنص بدال الحفرة
ممكن تنحشى نوتيلا / كاسترد / او جاناش ثقيل / مربى

.

إسمه كيذا لأنو نستخدم فيه نوعية جوز هند رطب ومحلى غير جوز الهند العادي ..
بحط لكم صورته نهاية الموضوع ..

المقادير ..
1 ونص إصبع زبدة غير مملحه بحرارة الغرفه
2 كوب سكر5 بيضات كبار أو 6 عادية ..
1 و 1\2 م ص فانيليا
3 كوب طحين
1 م ص بيكنج باودر
1\2 م ص بيكنغ صودا
1\2 م ص ملح خشن ( انا حطيت ملح عادي )
كوب حليب..
2 كوب وثلثين جوز هند محلى ..
الطريقة ..
سخني الفرن على حرارة 180 درجه ... صفي اوراق الكب الكيك بالقوالب

اول شي بالخلاط الكهربائي اخلطي الزبدة والسكر لمدة خمس دقايق لحد مايصير خفيف وهش ومنفوش
ونبدأ نزيد البيض حبة حبة ..
بعدها نضيف الفانيليا وبعدين بالتناوب الدقيق والحليب ..آخر شي تزيدين جوز الهند وتقلبينها بالسابتيولا " المبسط "
وزعي الخليط في قوالب الكب كيك واخبزيها لمده20 الى 30 دقيقة << على حسب الأفران ونوعية الصواني ..
بعد النضج خليه يبرد في الصينيه وشي بعدها انقليه على الشبك وخليه يبرد تمااام

الفروستنق ..
1 و 1\2 علبة فيلادلفيا في حرارة الغرفة
نص إصبه زبدة
3 - 4 كوب سكر مطحون
1 م ص فانيليا
اخلطي الزبده والجبن مع بعض ويعدين ضيفي السكر شوي شوي
آخر شي تضيفين الفانيليا
توزع الكريمة بعد تبريها قليلاً على الكب كيك تم يرش عليها جوز الهند
المحمص زي ما نحب على الوجه او الأطراف ..

نسويها زي اي كيكة .. ونحط نص المقدار بالصينية
بعدها نسوي الحشوة اللي هي ..


كيس بسكويت مكسر << بسكويت شاهي الحجم الكبير مو المني
إصبع زبدة مذوب ..
جوز مجروش / ممكن لوز او بندق اي شي تحبونه
إصبع زبدة مذوب
سكر بني 3 ملاعق كبيرة


الحشوة بشكل عام تعتمد على ذائقتكم لو تبون تشوكلت او كوفي
او كريم كرامل او اي شي تحبونه ..


نحطه الخلطة طبقة كاملة فوق الكيك بعدين
نرجع نحط النص الباقي من الكيكة ..


ملاحظات على الكيك : تطول بالفرن لأنها محشية
ولا تطولون على الفرن خلوه على درجة حرارة متوسطة تنضج براحتها ..


بعد ما طلعت من الفرن زينتها بجوز بيكان وكرامل وبقيت شوي من الخلطة اللي حطيتها وسط الكيكة وزينت فيها

1 كاس تمر
1ونص كاس ماء حار
تخلط مع بعض عشان يذوب التمر
بعدها بخلاط الكيك إصبع زبدة بدرجة حرارة الغرفة
مع كاس سكر نخلطهم ونحط عليهم 2 بيض وشوي فانيليا وشوي ملح ..
بعدها ننخل 1 كاس دقيق 1ونص ملعقة بيكربونات الصودا 1 م ك شوكولاته بودرة
بعد ها نبدأ بالتناوب بين التمر اللي ذايب بالماء والدقيق لما نخلط كل الكيمة ..

نحطها بصينية الفرن ونرش عليها سكر خشن على الوجه ..
بعد 25 دقيقة نطلعها ونرش على الوجه هيرشي شيب ( الحبيبات ) مع جوز أو بندق مجروش أو لوز مبشور
ونرجع ندخلها الفرن 25 دقيقة ثانية ..

نطلعها نقدمها مع الأيسكريم أو الكريمة وتزين بهيرشي التشوكلت
الطعم لا يفوتكم بنات شي قاااتل

الحين بوريكم أشياء ممكن تسونها يعني مو كيك لأ مجرد أفكار سويتها وقلت
أعطيكم فكرة عنها .. تراي ماعرف حيل للكب كيك وبكل صدق ولا لي بالتزيين بشكل قوي
بس أمشي حالي وشوي شوي بإذن الله كلنا نتعلم ..
بوريكم صور لكيكة زبادي سويت منها مقدارين ولونتها وحطيتها بصينية الكب كيك عشان
العجين يكون ملون والكريمة ملونه مرره حلوة لحفلات الأطفال وكيذا ..

هذا هو جوز الهند الرطب المحلى اللي قلت لكم عنه موجود فقط بالسيفوي للأسف
بس سعره حلو ترا مو غالي ..

هذي أنواع الحليب الثلاث اللي قصدت اللي هي
ويبنق كريم .. حليب مكثف غير محلى
وحليب مكثف محلى ..