شفتو هذا الفستان !!!!!!!

شفتو هذا الفستان يقولون إنه عباية ..
يمعت كل الألوان و النقوش تقول كفاية ..
ما لها بالستر عنوان طلـــــــعت كل الخبايا..
حددت الخصور و الأجسام راعيتها يبالها عصاية..



عمرها ما تسمع الكلام تقول بعدنا صبايا..
حملت وراها الأوزار و الآثام و كانت طريج للغواية..
شكلها يروع و هي تقول يا سلام و هي تناظر عمرها فالمراية..
على بالها هندامها أحلى هندام و هي فعداد العرايا..



التبس عليها الحلال بالحرام و الشيطان يحرك إلها حياية..
مسكينة هالآنسة و هالمدام لو حل عليها غضب رب البرايا..
زينت عباتها بالحروف و الأرقام جنها لاعبة رماية..
و الشيلة كاشفة الشعر من جدام ما خلت إلا بقايا..



و الشعر مرفوع جنه سنام ضاع معنى هالوقاية..
شو بتستفيدين يا بنت الإسلام غير تجميع الأوزار و الخطايا...
تدورين فارس الأحلام و هو ما يفكر ياخذ ساذجةأو دياية...
عرفي إن شباب هالأيام ما يبون بنات م الحوايا..



خافي من رب الأنام فيوم بتطلع فيهالفضايح و الخفايا..
ساعتها بتتمنين الستر و بتقولين الله يغربل هالعباية..
الله يلعن هالصديقة الله ياخذ هالمراية..
انتي تريدين الحرام و ربي يريد لج الحماية..



امشي و صدي جدام تشوفين طريج الهداية ..
الزمي بيتج و ودري الأفلام لا تنقادين ورا الموضة و الدعاية..
ارجعي و توبي قبل ما تمر الأيام و تطلع الروح م الحشايا..
قبل ما تي ساعة الصفر و يعلن العمر النهاية..


فشتان شتان بين الثرى و الثريا ..
شتان بين كاشفة المفاتن و ساترة المحيا ..

___________________________

والله كلمات الشاعر روووووووووووووعهـ وحلوه وفيها مضحكه هههههه


يسلموو ايديك ياعذبه على اقتناء المواضيع الجميلهـ

وتقبل مروري يامبدعه

يسلمووو اختي انس الوجوود على تشريفك للمووووضع

وانت اخوي خياال الله يعطيك العاافية على المروور

وجزااكم الله خيررررررررر