من ملاهي الرقص جابوا فكر تخصير العباة

عــذب الكــلام · **حالة المزاج اليوم**


	العبايه عولموها وانفثو فيها السموم من ملاهي الرقص جابو فكر تخصير العباة ظيقوا صدر العباة ووسعوا طرف الكموم ونزلوها لين وصلت آخر أكتاف الفــــــــتاة بانت نحور الصبايا وانكشف شكل الهدوم والغبيه تحسبنها زايده زين وحــــــــــــلاة والبراقع دلعوها لين عام الخد عوم لازم القرضه توسع والكحل يلقى الحــــياة طوروا شكل النقاب وصارت الدعوه علوم صار شفاف(ن)يوضح خدها ويا الشـــــــفاة وآخر الصرعه لثام(ن)يفتن الرجل العزوم والفتن قالوا ضلاله للقلوب المؤمنـــــــــات وش علامك بنت حوى تستبيحين السلوم أو مع خيلك ياشقراء بعضكم جنس البنـــات قاهرتهم هالعبايه مايبون الستر دوم جدهم علمان يعني لاصيام ولاصــــــــــــلاة حطوا إن البنت سلعه وغلفوها بالهموم وارفعوا شعار(ن) ينادي للحقوق الضايعــات من ظلمها والبدو لاصاحت الحرمه تقوم قايمه تحت المعادي لجل عين الشامخــــــات من ظلمها يوم قام المعتصم من عز نوم قال وين الكافر اللي يستبيح المسلمـــــات ثم ذبح لجل شعرتها من العدو كثر النجوم قال هذا حق منهو يستذل الطـــــــــــاهرات نكسوا ذاك الشعار ولملموا باقي السهوم يكسر الخاطر سهمكم لاضرب في مدرعـــــــات بيتكم لاصار مبني داخل البيت مهدوم وبيتنا صوم وصلاة وحج وأشهد والزكــــــــــاة إتركيهم يابدويه وخلي اللايم يلوم وسعي خصر العبايه واكرمي بالمكرمــــــات وإن رفعتيها لراسك أصبح الراس محشوم العبايه فوق راسك حشمه وطيب وثبـــــــات وماعليك من اللئيمه تحاول تقلدك يوم لبست البرقع ولكن حن عرق الماجـــــــدات بحنكها ألفين دقه مدري ألف من الوشوم أو تراه ألفين هكري يكتبون الذكريــــــــــات ولابغت تكتب قصيده قافها هو قاف يوم (يوم يابا)(يوم يابا)جاك عرق الراقصــــــــات جت تقول إني بدويه قلت أنتي وجه بوم إعقبي منتي بدويه أنتي جزء من الحـــــصاة يابدويه لايغرك بعض غربان(ن) تحوم أنتي فوق الكل أنتي فوق روس النايـــــــــفات أنتي يوم الحرب دارت والمعارك (قوم)(قوم) عانقت عزوات أخوك صوت ضرب المرهفــات إن حدوا من بيننا أو طولوا حد العقوم يابدويه طبعي أرقى فوق كل الطايــــــــــــــلات إحذري يابنت منهم طبعهم نفث السموم عولمتهم لو أعرفها طلع معنى الشـــــــــــتات ظيقوا صدر العباة ووسعوا طرف الكموم وبيجي يوم(ن) نشوف شقوق في وسط العبــــاة

للشاعر : ناصر البراق

مـــــرح · **حالة المزاج اليوم**

إتركيهم يابدويه وخلي اللايم يلوم
وسعي خصر العبايه واكرمي بالمكرمــــــات
وإن رفعتيها لراسك أصبح الراس محشوم
العبايه فوق راسك حشمه وطيب وثبـــــــات

صح لسان الشااااااااااااااااعر

واشكر لك اخي حسن انتقااائك ....

تقبل مروري

قمـــ14ـــر · **حالة المزاج اليوم**

يا سلااااام علييك يابو فيصل والله انك تسذا :11:
واللهـ بصرااااحــــهـ داااايما اختيااارااتك بالقصاائد تعجبني واللهـ انك ذوووق
وصح لســــــــــانك ولســاان الشااعر ناصر البراق ^_^
ويعطييييييييك الع ــــــــاافيهـ خيووو
ولا تحرمناا من جديدك المميز ^_^

عـاشـقـة الـزهـور · **حالة المزاج اليوم**

إعقبي منتي بدويه أنتي جزء من الحـــــصاة
يابدويه لايغرك بعض غربان(ن) تحوم
أنتي فوق الكل أنتي فوق روس النايـــــــــفات
أنتي يوم الحرب دارت والمعارك (قوم)(قوم)
عانقت عزوات أخوك صوت ضرب المرهفــات
إن حدوا من بيننا أو طولوا حد العقوم
يابدويه طبعي أرقى فوق كل الطايــــــــــــــلات
إحذري يابنت منهم طبعهم نفث السموم
عولمتهم لو أعرفها طلع معنى الشـــــــــــتات
ظيقوا صدر العباة ووسعوا طرف الكموم
وبيجي يوم(ن) نشوف شقوق في وسط العبــــاة

قصيدة رااائعه ومميزه

يعطيك العافيه ابو فيصل

لك صادق الود ,,,,,,

عبيرالورد · **حالة المزاج اليوم**

روعه معانيها

يسلموايدينك ابوفيصل على النقل الرائع

وصح لسان قايلها يعطيك العافيه


الرئيسية	ماسنجر	المفضلة	مركز تحميل	SMS	تسجيل	بلوتوث	قرآن

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم

الذين يشاهدون محتوى الموضوع الآن : 1 ( الأعضاء 0 والزوار 1)

من ملاهي الرقص جابوا فكر تخصير العباة

قصائد غزلية - اشعار حزينة - ديوان الشعراء