بسم الله الرحمن الرحيم
تعريف المقدمه:كلام فارغ ليس له معنى يوضع في بداية الكلام بحجّة افتتاح الموضوع..===وجه كاتم الضحكه
ملاحظه: اللي مايعرف يقرا لبناني يضف وجهه احسن لانه ماراح يفهم شئ
1
2
3
اكششششن
عند الساعه السابعه صباحا..الموافق الخامسه والنص مساء==العن ابو اللي علمك عـ غرينتش
...وعندما بدأت العصافير تزقزق كالعاده ماعندها لا شغل ولامشغله...ومن زود الزقزقه واحد انبح صوته..طيب من حادك تزقزق من صباح الله خير وفي هالبرد؟؟ ..ماعلينا...خلو العصافير في حالهم...
وين كنا؟؟ ايه..عندما بدأت العصافير تزقزق كالعاده ماعندها لاشغل ولامشغله...ومن زود الزقزقه واحد انبح صوته..طيب من حـ=====لا لا خلاص اتووب والله
...وعندما كنت نائمه و منسدحه على فراشي بطريقه منثنيه حالي حال اي انثى تبي تثبت انوثتها...رن هاتفي الخلاوي===عسى ماررن ابو الهش بس
اخذت الهاتف ووضعته في اذني===اجل بتضعينه في خشمك مثلا؟؟
وقلت الو؟
فسمعت صوتن كالحرير ينساب من بين فتحات سمّاعة الجوال...
فقلت الو للمره الثانيه
فسمعت صوتن كالمخمل دافئء وحنون
فقلت الو للمره الثالثه
فسمعت صوتن كالقطن ناعم ورقيق ==اخاف داق عليك محل اقمشه وانا اختك
قلت له: قسم بالله ياجعلي اموت والله منيب مرتبطه
قام يضحك ضحكته المعتاده===ليش؟ هو كم مره داق عليك؟
وبعدها قال: زريفه كتير متل ماتوئّعناك((ايقونة لابسه طربوش وشنباتها واصله لاذونها))
انا: الزريفه انت واهلك ==على بالي سبه والله
هو: شو بكي عصّبتي هالئد..انا مائصدت شئ..عم بئول عنّك مهضوومه..شو بككككي..رووئي رووئي
انا:آهاااا..قل من اول تسذا..وانا وش عرفني بلهجبتكم ...مابعد تعلمناها والله...
هو: عموما اهلا وسهلا فيك...آنسه تؤبر سبدي..بدّي حاكيك عـ انفراد
انا: ايه دقيقه اقول للاتصالات يوخرون ...العن جدفك انت شايف احد قاط معانا؟؟..
هو: طيب بلا حكي كتير..بلا مانطوّل الموزوع وبعدين ماحدا يئراه من الاعضاء
انا: اي والله وانت الصادز ..اجل ابدا يالله وش تبي؟
هو: فيه مسابئه عنّا تحت مسمى((اقوى ذبّه عاللي تحبّه))...بدنا اياكي تشتركي معنا..
انا: وكيف طريقة المسابقه؟؟
هو: روحي شوفي جريدة الشرق الاوسط. ..فيه اعلان حاطينو عالصفحه الرئيسيه...لما بتئريه بتعرفي كل شئ
انا: خلاص اوك مشكور اخوي..يالله قفل قفل لان السالفه طوّلت ومابعد ندخل لصلب الموضوع
هو: هههه بالتوفيء ..انشاء الله تشوفي ردود فوء الـ 90 ئولي يارب
انا: يارب هع..يالله باي
...
بعد ماقفّلت منّه قمت من فراشي..طبعا هالعمليه تستغرق عدّة ساعات..اول شئ ارفع راسي ربع ساعه...
وبعدين ابدا اتمغط<<((اتمغط = اتمدد واشد على عضلاتي بكل ماؤتيت من قوه..تمت الترجمه ))..المهم..بعدين ارفع ظهري واصير بوضعية الجلوس...واطالع في الغرفه عشر دقايق...وبعدين انزّل ررجولي..وهكذا..ايه..اجل تبوني افاجأ نفسي انّي صحيت من النوم على طول ؟؟ لازم استوعب قبل
عموما...بعد مااقوم من فرااشي ..تبدا العمليه رقم 2..البحث عن النعال...طبعا كل مره اشوفها تحت السرير..يعني مكانها معروف..لكن لابد من البحث عنها كل مره والا شلون احس اني توني صاحيه بالله عليكم؟؟
بعدها امشي وامشي وامشي وامشي
((تؤبر سبدي..بلا ماتوطوليها خلاص كفّي الموزووع شوو بكي))
انا: بسم الله من وين طلعت لي؟ مو توني مقفّله منك؟
هو: ايه بس حبّيت انبّهك لاني حسيت انك عم تمصخيها ..يالله تشاو
انا: تشاااو ولاعاد تطلع فجأه كذا ..البيت له نساء===تقصد حرمات ==نضحك مثلا؟
الموهييييم
رحت على طوول عالصاله اول مادخلت الصاله اشوف اخوي الصغير يصفّق..قلت له خير ياابو الشباب فيه شئ؟؟...ورحت عطيته كف خليت رقبته تلف 3 مرات ===مشكلة اللي فيهم وسواس
اجل من قال له يصفق اثناء دخولي الصاله..الواحد ماعنده احاسيس ومشاعر؟؟ مايشك بنفسه؟؟
عموما
تناولت جريدة الشرق الاوسط..ورحت المطبخ اجيب لي مويه عشان لااغص فيها===فاهمه التناول غلط ===برضو نضحك؟
فتحت عاصفحه الرئيسيه مكتوب
((اعلان: مسابقة اقوى ذبه للي تحبه...
اختر اي شخص تريده واستلمه ذب لمدة نصف ساعه..وادخل التصويت وبعدها اربح خمسين الف ريال كاش..اشترك الآن ولاتتردد))
واقوم اشاهق من الوناسه وشقّيت الصفحه ومن الحماس في الشق ماوعيت الا وانا مسويه قارب
المهم..رحت لابوي طيراااااااان حتى وانا اركض اقول((بيب بيب))..((صورة للثعلب مع التحيه...ياخي قسم بالله انك زلابه ))
المهم..نطّيت في وجه ابوي ومن زود هيبته قلت السلام الوطني بالغلط
تعالوا لنرى ماحدث بيني وبين ابي===مشكله اللي يتابعون برامج بزياده
انا: يوووبه...ابشرك...
هو: خير وشو؟ اكيد سواد وجه ..انتي عمرك مارفعتي راسي
انا: ((رحت ومسكته من كشّته وسحبته لفوق))
هو: كسر في يدك يالبقره وخررررري
انا: وش فيك عصّبت؟؟ توك تقول اني ماعمري رفعت راسك..ابثبت لك وش فيك ياخي
هو: الله يصبرني يااارب..العن جدفك انتي من طالعتن عليه
انا: ((وبكل ثقه))..عليك يوووبه
هو: تخسسسين والله.. المهم وش تبين؟
انا: يوووبه
هو: هااه
انا: يوووبه
هو: هاااااه وجع
انا: يوووبه
هو: حطووبه..وش بلاتس
انا: فيه مسابقه لاقوى الذبات بروح واشترك فيها وانشاء الله افوز واقوم اصرف على نفسي احسن من اني اذل نفسي لك كل يوم===حقيره
هو: اييييييه..انطر ياحمار لين يجيك الربيع
انا: والله ودي ارد عليك بس اخاف الموضوع يطول وانا ودي ادخل بالزبده الحين ..برجع لك انشاء الله
.
.
.
ماشفت الا قطرة موية كبيره لونها نص شفاف ونص ابيض.. جايه بقوه على وجهي===قولي تفله واخلصي
هنا انتهى المقطع الاول...حياكم في المطقع الثاني===صورة وحده فاتحه ايدينها وتمشي قدّامكم بسرعه
*******************
انتوا مصدقين بكتب لكم الجزء الثاني الحين؟؟
اقول ضفوا وجيهكم بس ..
الناس ماوراها اشغال؟؟ ماتنام؟ والا بس انتوا يعني؟ ==طيب هدّي اعصابك مااحد قال لتس شئ
نشووفكم بعدين انشاء الله بالجزء الثاني.
((ملاحضه هذا اول موزوع لي فيذا لاتفشلوني عاد!))
برب
طحياطي
تؤب تسبـــــــــــــــــــدي
اقولا ذبه ع اللي تحبه 
