المساجله الشعريه

|| حرفِك عِصــــــــام ||
\
/
\
قالت وش البدر؟ قلت البدر نجماً طلوق
يغمر سواد الليالي نور خافت سكون
قالت وش الليل؟ قلت الليل هماً وشوق
وطيف به كل ذكرى في سجل السنون
قالت وش الطيف؟ قلت الطيف شئً يعوق
سكينة الروح ويبدد نعاس العيون

\
/
\

حرفك مديرتنـــا

نامت عيوني على حسنك وشفتك حلم
يازايـر الليـل ليل البـارحة عدني
متى تجيني مثل مـاجيت حـلم عـلم
يازايـد القلب خفقه بالـهوى زدني
ترى البخل من كريم الاصل مثلك ظلم
ياظـالم اللي يـودّك ليه تـجهدني
سـوّيت في قلبي اللي قـد عطيتك ثلم
يامـاخذ القلب تاخذني وتـجحدني
ماهوب عند العرب وأهل الجمالة سلم
إنك بـما تاخـذه مـني تـهددني
وكاد مـحدٍ تعـرّض للعيـون وسلم
لا شـك أنا بالـوفا قلبك معاهدني

|| وحرفك : ) ||
\
/
\
يا كبر غلاتك بالضمير ومقامك..
ابيع لجلك كل مخلوق واشريك..
كني بطير من الفرح لرضاك..
لاسرت مستانس وهلت طواريك..
تعجبني البسمة ولهجة سلامك..
احبها لا قلت وأفز أحييك..!

\
/
\

كل قلبٍ فـى ذراه الحـب عـاش
فيـه طيبـه زايـده عـن حدّهـا

زى لون الطيف وألوان الفـراش
الهنـوف اللـى شغلنـى صدّهـا

إن بكت جا دمعها مثـل الرشـاش
وإن تبسّـم ثغرهـا مـن قـدّهـا

وإن حكت كن بشفايفهـا رعـاش
الخجـل عـن سالفتـهـا لـدّهـا

القصـيـد لمثلـهـا ولأّ بــلاش
لو تبى عمـرى حشـى ماردّهـا

|| هلابِك ابوفيصل وابشر بحرفك ||
\
/
\
انا ماهمني الماضي ولا ايامك قبل ما القاك
انا عندي بدايتنا بداية عمرك وعمري
اخيرا جيت يا وجه قضى عمري وانا ستناك
وجيت بصورة فاقت خيالي وحلمي العذري

\
/
\