المساجله الشعريه

حرفك مشرفتنــا


تدري وش ابيض من خفوقك , عباتك
وتدري وش اللي غرني نظرتي فيك

كان ودك بالفراق .. ابشر عسـى عمـرك طويـل
لاتـردد وانـت لـك كلمـه ولـك امـر ٍ مطـاع

لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع

حرفك ابو فيصل

عـلـى ذاك الطريق اللـي يسـمـونـه غـرام أحـبـاب
وطت رجلي على دربه ولا أدري وش نوى فيني

تبـعته لآخـر دروبــه إلين ان الـقـمـر قــــد غـاب
تـعـب قـلـبـي ولا تـعـبـت مـســـــافـات توديـنـي

لقيت الليله الجردى هدب ظــل وسـمـاء وأعشاب
بــــعـد ذاك الـظـلام اللــي يـتـوهـنـي عـنـاويـنـي

صـدفـتـك مـعـجـبـه فـيـني وياليت الغرام أعجاب
وتـراك أنـت الـغـرام الـلـي هـقـيـتـك تـسـتـحقيني

عطيتك عشق من قلـبي وسـلـمـت لـغـلاك أرقـاب
وغـيـرك يـحـتـرق قـلـبـه ولا يــقـدر يـحـاكـيـنـي

ابشر بحرفك : عصــــــــــــام :


ياليتني مخلوق من غير تفكير


أوليتني مجنون مانيب صاحي


او ليتني طير على كيفي اطير


على هوى بالي يرفرف جناحي

يانديم الجرح واللي وصتّـك بأرقامهـا
عارف انّك ما تعرف الا شذى يشمومها
لا تعلمني عـن آخـر ما حصل فأيامها
من رسالتها عرفت اليوم كـل علومها
أدري إن الوقت شمّـر عـن يديه وضامها
وأدري إن الحظ الأقشر صار مثـل هدومها
وأدري إن الهم وقّف فـي طريق أحلامها
لين صار الحزن أثرها .. والشقى مقسومها
بس تستاهل .. هي اللي طاوعت مـن لامهـا
وباعت اللي كل ذنبه .. مادخل في سومها
خلهـا تدفـع ثمـن غلطاتهـا مــا دامـهـا
همّّلت قلبي .. وراحت .. وأسرفت في حومها