في الحفلة البسيطة اللي كانت عامرة بيت علي ووالجازي بالناس.. مختلف الجنسيات والاعراق كلهم كانو داخل.. ومحمد وكايد قاعدين في زاوية مع الياندرو وفنسنت يسولفون... كايد كان متحسف ليش انه ماياب كاميرته.. اشياء كثيرة فيه المكان يقدر يصورها واشياء كثيرة تتجسد بها الحياة.. وطبعا اشياء مثل هذي ما يفهمها الا الفنان او المبدع مثل كايد وحور...
حور نزلت وقعدت معظم الوقت ويا اختها في المطبخ ترتب وياها لاشياء عشان يحطونها على الكاونتر ويهتمون الباجي بمهمة التوزيع... طاولة البوفيه اللي كانت في الحديقة الخلفية يتكفل بها ابوهم والجازي....
دخلت الجازي البيت من بعد ما استبردت وسحبت شال راسها الى المقدمة عشان تخبي الشعر الي ظهر... وهناك داخل الصالة لقت كايد قاعد على جنب الكرسي بصمت وهو يستمع الى المتحدثين اللي يحايطونه... كانت عيونه ضايعة في وسط الزحام الا انها بينت مدى وحدتها حتى وهي وسط الناس...
وقفت عند كاونتر المطبخ وهي تناظر كايد وشلون يتسامر مع الشباب وشي في ملامحها احضر اخوها في مرحلة شبابه لانها ما شافته وكل ما ذكرت حارب ذكرته وهو شباب...
دخل علي البيت يدورها لانها اختفت مرة وحدة عن عينه... ولقاها قاعدة عند كاونتر المطبخ وهي تناظر كايد... دبت الغيرة الخفيفة في قلب علي على كببر سنه وتجدم من زوجته ووقف في ويهها بطوله الفارع...
علي: YOU LIKE WHAT YOU SEE?
الجازي وهي تبتسم في ويه زوجها واوتوماتيكياا تمسك يده: ناظره يا علي وشوفه... WHAT IS NOT TO LIKE لو كان لي ولد بعمره جان طلع مثله.. وانا لو كان لي ولد مثله.. كنت بفتخر فيه شرايك؟
علي وهو يقعد يمها بنظرة الغرور العبيطة: مادري.. ماظن ان فيه شي لذاك الزود.. .الا انه يقلب المواجع ...
الجازي وهي تناظر زوجها: انت بعد نفس الشي..
علي وهو يبتسم وويشرب من كاس العصير: يعني بتقوليلي انه ما يشابه اخوج؟؟؟ بتقوليلي ان حركة يده اللي (يناظره علي وكايد يسوي نفس الحركة اللي كان بيعلقق عليها) نفضة الاصابع مو مثلها؟؟؟ سبحان الله ما قط شفت شبه
الجازي وهي تناظر كايد بحسرة: لو كان كايد ولد حارب معانا بيكون نفس العمر صح؟
علي وهو يناظر عيون زوجته الحزينة: أي تقريبا....
مسك يد زوجته وانتبهت له بعيون محمرة...
علي: لا تسوين في نفسج جذي يالجازي... تراج رايحة لهم جريب... لا تناظرين هالشاب بعيون حزينة ترى اللي بتلاقينه مختلف..
الجازي وهي تهز راسها وتمسح جفتها من الدمعة: ادري ادري.... بس مادري ليش عندي احساس يقول لي ان هالشاب له علاقة ... شي في خاطري من داخل يخبرني بهالشي....
علي وهو يمسك زوجته ويوقفها وياه:... دامنه في خاطرج اتمنى من رب العالمين انه يحققه لج...
---------------------
حور وهي تناظر اختها اللي من دريشة المطبخ اللي تطل على الصالة تناظر محمد بابتسام وهو بالمثل.. كان شي في نظرات محمد تبين مدى اهتمامه بسرور اللي ما تقدر تصدق مثل هالمشاعر اللي راح تكون يمكن موجهه لها من ريال مثل محمد...
حور وهي تغمز لاختها: no need to hide any thing my sistaaa… we see every thing
سرور وهي تكتم الابتسامة لكن غمازتها فضحتها: مادري شعنه اتحجين..
حور وهي تنحني وهي تناظر من الدريشة وتناظر محمد اللي كل شوي عيونه اتيي للدريشة: ماتدرين؟؟؟ عيل علامه بو جبين عريض دون جوان دو ماركو يناظر كل شوي لهني وكانه النفس؟؟؟ هااااا؟؟؟
سرور وهي تتصنع الغضب: حور ما عندج شي احسن تسوينه من التنقرش فيني...
حور وهي تبتسم : لا والله ولا شي انا فاضية تماااااااااااااااما....
سرور وهي تنفجر بالمرح: من صجج يعني اهو يطالعني... بس انا متينة شلون بينعجب فيني؟؟؟
حور وهي تناظر اختها: من قال لج انج متينة.. ان فيج كرش وجتوفج نازلة شوي ولج بدل الحنج حنجين مو معناته انج متينة.. انتي مليانة وبس...
سرور وهي تغمز : قولي هالشي للميزان اللي كل ما وقفت عليه صدمني
حور وهي تتسند على الكاونتر: اظن سرور ان الوقت يا عشان تتبعين ريجيم صارم
سرور وهي تلحس صبعها اللي اصطبغ بالكاكاو: ومن قال لج انا مب على دايت صارم...
حور وهي منقرفة: مادري اصلا انا ليش ما فكرت بهالشي قبل....
راحت وسحبت من يدها الصحن اللي كانت ترش عليه الكاكاووو السائل وبعدته
سرور: خلييييه ترى بيخترب...
حور وهي تجابل اختها بقرف: هالكاكاو اهو ريجيمج الصارم؟؟؟ ولا الخبز اللي ما يبين انج تشبعين منه..
سرور وهي تبعد اختها: ماقدر حور.. دامني اطبخ هالأكلات الحلوة ماقدر اقاوم من اني اجربها
نظرة الشك بعيون حور خلت سرور تهز جتفها..
سرور باستسلام: انزين اكل منها..
زادت نظرات حور شك..
سرور بعصبية: زين زييييين... اكلها كلها... بس هالشي مب معناته اني لازم احرم نفسي من الحلاوة لانها تييب النشاط اللي انا دايما اتمتع فيه..
حور وهي تلم اختها: تدرين سرور.. احلى ما فيج اهو متونج.. ونشاطج هذا...
سرور وهي تناظر محمد بحالمية جميلة: ويمكن هالشي اهو اللي مخليه ينعجب فيني...
حور وهي تتخصر : والله انتي تعرفين شيقولون...
ناظروا الثنتين محمد اللي كان يضحك وويا كايد
حور وسرور في نفس الوقت:... الطريقة للوصول الى الرجل اهي من خلال معدته...
حور انفراديا: عليج بالقوة...
سرور: ادعي لي..
حور وهي تطلع من المطبخ وتضحك: الى الاماااااااام سررررر...
رد: (حمران النواظر) **انــتي وانا.. (مذكــرات أم)** 
