(حمران النواظر) **انــتي وانا.. (مذكــرات أم)**

العفو محمدالشمالي

ويسلمو على المرور

دمت بود

الجزء الحادي عشــــر
(.. أهو لقاء.. ام... عودة؟؟)

الفصــــل الأول
-=-=-=-=-=-

شقدر اوصف لكم... شقدر اقول واقدر به اوفي الاحاسيس والمشاعر اللي تتخالجنا انا واختي عايشة (لسان حال موزة يكلمكم) ... آآآه.. احس نفسي مشلولة الفكــر وكأني نايمة وهذا اللي جدامي من رسم خيالي لاخوي ناصر.. لكن كل ما اسمع صوته واتحسس لنبرته اعرف انه حقيقي.. بس ليش اقدر اسمع صوته وما اقدر اسمع صوتي.. وليش احس ان دقات قلبي مسترخية داخل صدري وان معدتي في حالة من السبـات والسكون؟؟؟

وويهه... شلون اوصفه؟؟ تقطيع محاسن يوسف كسبّه بها الله في ويهه الهادئ.. بعيونه الناعسـة اقدر اشوف احلى المعاني.. وبرقه حركة يده وهو يلمــس راحة عايشة اللي مب راضية تفارجه ولا لمن يشرح لابوي رحلــته الطويــلة عشان انه يرجع لنا... ؟؟

والا بالبرق اللي يحل بنظرته لمن يناظرني ويناظر عايشة وكان هو الثاني يحس باللي انا احسه من خفة وهشاشة وبساطة... احس اني ورقة في مهب الريح لو تذرني النسمة اطيـــر.. لكن مرساتي قاعدة جدامي ومصدر شوقي واشتياقي قبال عيني.. اخوي وحبيــب روحي نــاصر...

!!! أحسنتي يا مــوزة.. احساسج ما قدرت اعبره ومشاعرج ماقدرت ابثها.. فخليــتج انتي تطنقين بهالحال وانتي اللي تعلنين للناس اللي تقرالج وتحبــج عن اللي تمرين فيه من راحة وطمأنينة...

تكلم كايد باقتضاب مع ابـوه وهو يوفر التفاصيـل لبعدين لان محمد القاعد في الميــلس لحاله شغل تفكيــره.. اما عايشة فهي تعلقت به مثل المشبـــك اللي ما يتزحزح وهو وده يظل وياها وويا موزة لطول الليل يسمع منهم احوالهم على مر هالسنين ويعرف سر نموهم الجميــل واسرار قلوبهم الصغيــرة..

حارب وهو يقنع عايشة المتكدرة بصوت حاسم: يبا عايشة فجي اخوج تراه مب طاير
عايشة وهي تهز راسها بشدة: لا.. ما بخليه.. ما تعرف له انت زين .. هذا ان فلت خلاص باااح وين ملقاه يا حبشي.. (ابتسم كايد في ويهها وهي تناظره ابتسامة مذيبة للقلب وهي مدت بعينها ببراءة) وانا مب مستعدة اخســـره مرة ثانية
قعد كايد على ركبته وهو يكلمها بهدوء ونبرة ناعمة سخية: افا عواشي انتي ما تثقين فيني؟؟؟
عايشة وهي تبتسم في ويهه بسخرية: أكيـــد...
كايد وهو يفج عيونه بحركة مسرحية وكأنه ما يصدق اللي تقوله: وليش يعني؟؟ تقدرين تقوليلي؟
عايشة بذكاء ترد وحاجبها مرفوع: خبرة سبـع سنوات.. يقول لك المثل يا صاحبي لا يلدغ المؤمن من جحر مرتين.. وانا تعلمت درسي (كملت الجملة بابتسامة حذقة)
ضحك بخفة كايد وهو يهز راسه المبلل: معليه معليه... كلنا معاج بهالنقطة.. بس انا اطلب منج خمس دقايق بس..
عايشة باحتجاج: ولا نص دقيقة.. ليش شعندك؟
كايد وهو مستسلم: معاي رفيجي اللي خاواني طول هالرحلة.. وانا اللي اعرفه انج تعرفين للأصول وتدرين ان قعدتي الحين وياج عيب دام ان الريال موجود داخل لحاله..
عايشة وهي تتغاضى عن كل السلوكيات المرمووقة: بصراحة شديدة واحترامي العظيم لصديقك الا اني ما اهتم..
موزة وهي تفقد صبرها من دلال عايشة: عواش عيب... حشمي اخوج وصاحبه.. (ناظرت كايد وهي مبتسمة بخجل) روح له ناصر.. وانا هالدلوعة اعرف دواها
كايد وهو يناظر عايشة بعجز وكأنه يتمنى رضاها: ماقدر اروح قبل ما ترضى عني..
عايشة وهي تناظره بابتسامة مرحة لعوووب: شكلك بتطول.. لاني مب راضية عليك.. (طلعت مقدمة لسانها بحركة مشاكسة)
ضحك عليها كايد وهو يغطي ويهه بيده الثانية الحرة: يا ربي..
حارب وهو يتدخل بالموضوع: خلوني انا احل الموضوع... (سحب يد كايد من يد عايشة اللي كانت ساهية شوي..)
عايشة وهي تعترض بصوت حاد: لااااااا يباااااااااااا..
حط يده حارب بيد عايشة بديل ليد كايد: خليني انا الضمانة لج ان ناصر بيرجع لج من بعد ما يتطمن على احوال خويه.. (يناظر كايد وهو يترجاه) لا تريق ماي ويهي يا ناصر... ضمانة وصرت لك..
كايد وهو وده يضحك لكنه كلم ابوه بنفس النبرة المرحة: امممممم.. ترى انت حطيت نفسك بمشكــلة كبيــرة
عايشة وهي تهدد الاثنين: يا وييييييييلك يا ناصر ان سويتها.. ترى هذا ابوك بيغبر مكانه ولاني شايلة يدي عنه... وانا عوااااش بنت ابوك..

ضحك كايد وتصاعد صدره بهالضحكة.. وغادر الصالة من بعد ما رمى موزة نظرة تعانق عيونها اللي ما فارجت ظله وخياله.. وكانها اهي الثانية بعد خايفة انه اذا غاب عن عينهم ما بيرجع مرة ثانية... حس كايد بالسعادة لان في ثنتين بهالدنيا من نعم الله عليه بهالدنيا يبونه ويودوونه معاهم جليس وحبيب وخي.. وبتسلل دخلت الفرحة والبهجة قلب كايد وحس ان قرار عودته نسبيا كان صائب.. لخاطر موزة ووعايشة وابوه..

دخل الميــلس ولقى عبدالله قاعد وهو يسولف ويرفه عن محمد اللي من شاف كايد داخل ابتسم بحرارة وكأنه يبارك له على هالرجعة

كايد وهو يقعد يم محمد بهدوء ويقلب عيونه يفســر سبب تأخيره: السموحة محمد خليتك هني ..انشغلت ويا الأهل شوي..
محمد وهو يقاطعه بابتسامة وعيونه تتسكر برضا: ابد مافيها مطلب للمسامح.. ابد ما عليك اهلك يا كايد.. (هالمرة عبدالله اللي استعجب هالاســم وهم محمد بالقيام ) والحين انا استأذنكم عشان اروح الحق لي على فندق اسكن فيه
كايد وعبدالله بنفس الوقت تكلموا باعتراض: فندق؟؟؟ (سكتوا الاثنين وهم يناظرون بعض ونزلوا عيونهم للارض وكايد تكلم) لا لا يا محمد شفندقه.؟؟ انت واحد منا وفينا وبحسبة اخوي.. انا ما جريتك لبيت ابوي عشان انا اتم وانت ترووح تسكن في فندق
محمد وهو منحرج من الكرم والاخلاق: أي يا كايد انا وياك بس... (بادب واضح وخجل مخفي) بس ما ابي انغص على أهل البيت بتطفلي.. I don’t want to be a burden (مابي اصير عبء) وانت اكيد تبي تاخذ راحتك ويا هلك..
قاطعه عبدالله بنبرة رزينة جدا: مثل ما قال ناصر (قال الاسم وعيونه تتقلب بشك) انت واحد منا وفينا ومب هذا العهد منا يا محمد
محمد وهو يفســر بحرارة: صدقني مب مأخوذ عنكم خلاف هالشي بس والله صدقني عادي..
عبدالله هالمرة بنبرة آمرة شوي.. ولكن فخورة: يمكن هالعادة عند الغرب برع.. وين ما كنتوا انتو.. لكن الحين انتو في بلاد العرب.. احنا نسهر لراحة أهلنا.. فما بالك بالظيــف.. وان كان هالظيــف ظيــف اخوي.. ؟؟ (ابتسم عبدالله وسط ذهول نظرات محمد وصمت نظرات كايد ) احنا عندنا ملحق استقبــال للظيوف بالحديــقة الورانية.. والبيت بيتك لحد ما تتملل انت ..
محمد وهو منحرج ومبين عليه هالمرة: والله مادري شقول لك يا عبدالله
كايد وهو يمازح رفيجه : قول شكـــرا واوعدنا انك ما راح تتملل من بيتنا.. (يناظر عبدالله وكانه يبي ينقل المزحة بينه وبين اخوه) ترى بناخذ الشي على محمل جدي وشخصــي.. (ناظر عبدالله هالمرة وعيونه شوي مشككة من ردة فعله) والا شقولك؟؟
عبدالله وهو يتصــرف بطريقة تصدم نفسه .. وابتـسم: جدا شخصي وجدا جدي..
محمد وهو يمزح من الموضوع وهو يستسلم لرغبة الاثنين: مافينا بعد تتحول المسألة الى شي جدي وشخصي.. اللي يعيبكم ترى يعيبنا... (ابتسم لعبدالله بحبوور) ها عبدالله؟؟!!
عبدالله ابتسم واسـتأذن عشان يطلع: عن اذنك الحين اروح اخلي الخادمة تفتح لك الباب..
محمد وهو يهز راسه بالايجاب: خذ راحتك...

غاب عبدالله.. واخيـــرا حان الوقت للاثنين انهم ينفردون ببعض...محمد وهو يناظر كايد بعيون متشوقة وكأننها تنتظر شي خلاف اللي شافه في الطيارة قبل ساعة وشوي من الوقت...

كايد ووهو يضحك بخفة: شفيـــك طاحت عيونك بحظني
محمد وهو يهمس ويهز راسه بحركة ارستقراطية:... اشوف الأحوال هادئة ومستتبة..
كايد وهو يتنهد بحرارة: نسبيا..
محمد وهو يهز راسه بقله صبر وانزعاج من توتر كايد المستمر : كايد شفيك انت شفت اهلك شلون استقبللوك...
كايد وهو يهز راسه: وانا وياك بهالنقطة... بس انا للحين ما تلاقيت ويا الشطر الثاني من اهلي..
محمد وهو متحير: من؟؟؟
كايد وهو يوقف ويهف الهوا من صدره:.... راس الحربااا.... مرت ابوي فاطمة..
محمد والحيرة على ويهه يوم وقف: واهي شدخلها؟؟؟
كايد وهو ممتجتف ويناظر الأرض بتفكير وماد ثمه بنفس حركة عبدالله لمن يفكـر ويتكلم بنفس الوقت: فاطمة اهي اكثر الناس اللي انا اهابهم واللي عرفوني بنفورهم الجدي مني.. (ابتسم بألم في ويه محمد) واقول لك.. نفورها مب نزهة جميــلة انا ارتاح فيها..
محمد وهو يضحك وكأن اللي قاله كايد اهو نكته: يلا عااااد.. things can’t be this bad with her (شكك محمد عاد هالمرة لان كايد مرة قال له عن اطباع هالحرمة وهو تذكرها بهاللحظة ) can they??
ضحك كايد على محمد وعلى حركاته وربت على جتفه وهو يستريح بتنهيدة: اوووووووووه.. انت بعدك ما شفت شي... الله يستر ويعدي هالليلة على خيــر..

طلع كايد ومحمد من باب الميــلس الشرقي وراحوا للملحق اللي تكلم عنه عبدالله فانصدم محمد من التعبير المستخدم له .. ملــحق.. المكان كان اشبه ببيت صغيــر له شرفتين على الجوانب وباب حديدي من الحديد المطاوع .. لقاه كايد مفتوح فدخل داخل لقى الخادمة تشيل الغطى عن الأثاث المريح والجميــل.. محمد ابدى اعجابه بالمكان بتصفيـــرة لان البيت الصغير المكون من غرفة وصالة مفتوحتين على بعض وعند الجدار ممر صغيــر مغطى بالبلاط الصخــري الفاخر وعلى جهة اليسار حمام صغيــر منعش وعلى اليمين مطبــخ صغيــر كامل الاعداد والتحضيــر.. يطل على الصالة بشباك بالستايل المصــري القديــم..

محمد وهو يبتسم برضا كبير في ويه كايد: home sweet home

دخل عليهم عبدالله بذيج اللحظة وهو يبتسم: ها محمد؟؟ ان شاء الله عجبك المكان.. صغيرون معنه بس اظنك بترتااح فيه
محمد وهو مندهش من التواضع اللي بادر من صوت عبدالله وهو يتلمس ديكور المدفآة الحجري الكائن في زاوية الصالــة: you are kidding me? (تمازحني؟) هالمكان روعة وعجبني من اول ما شفته.. (عقد حواجبه وهو يفكر) ما تظن انكم تبيعوني اياه؟؟؟
ناظره عبدالله باحراج وكايد جاوبة بضحكة: slow down buddy المكان لك اذا تبيه لكن البيع... (باستنكار مبتسم بادله) ماظن؟؟
عبدالله وهو يرد مباشرة من بعد كلمة كايد: لو تبيه لك يا محمد انت تامري وتنهي
محمد وهو يسرع لعبدالله يسكته: امزح امزح يا عبدالله صدقني مب جاد في الموضوع.. (ناظر المكان وهو يحس بالشك في نفسه انه يقدر يفرط في بيت مثل هذا) مع ان الشي صعب علي بس صدقني.. انا امزح وياك..
عبدالله وهو يبتسم وهو مب فاهم طبيعة ممحمد شوي: على كلن.. البيت بيتك ووحياك الله ودامنك موجود انت على العين والراس..
محمد وهو يصافح عبدالله : ما تقصر والله يا ريال...

ناظر محمد كايد اللي عيونه كانت على عبدالله بفخز واعتزاز وكأنه مب مصدق ان اللي واقف برجوله اهو اخووه..

عبدالله وهو ويستأذن منهم.: اخليك الحين يا محمد.. اكيد انت تعبان وتبي ترتاح.. بخلي الخادمة تييب لك العشا
قاطعه محمد: لا والله ما تييب لي شي... انا واحد مني بسبح وبنام على سرير ي المريح هناك (يأشر على السرير اللي كان على جانب) لباجر الصبـــح.. انت ما عليك مني

مرة ثانية اجبر عبدالله نفسه على الابتسام وتجاهل وجود كايد وغادر المكان بعد ما ودع محمد وتمنى له ليلة طيبة.. طلع من المكان وهو عارف انه بينفجر بس ما يدري متى.... ما فكر انه حتى يدخل البيت وبهرب دخل سيارته وشغلها ودار محركها الساخن بعده بسرعة وطلع من البيت بصهلة الكفرات على الطريج..

كانت عيونه مغرقة بالدمع والسخونة تلفح ويهها واسنانه مشتد على بعضها لحد ما ابيضت شفايفه من الضغط.. حاول انه يتنفس لكن عبث لان اللي فيه اكبــر من الوصف..

ناصر رجعــ؟؟؟

لحد هاللحظة اهو مب مصدق هالشي.. ويتمنى احد يصفعه عشان يرجع للواقع.. ناصر رجع وكاهي موزة وعايشة نسووو وجوده تماما ومتعلقات بأخوهم ووناسين انه مجرد اخوهم من طرف ابوهم

عبدالله وهو يهمس بانفاس متلاحقة وكأن خيل الدنيا تعدي وراااه: وانا اللي من لحمهم ودمهم....؟؟ (تنهد بعمق وبحرارة وكأنها لهيب من نار جهنم.. كست ملامحه تعابير الانهزام والخسارة وهو يهمس بهالككلمات.) وين انا بوقف الحين؟؟؟ ويـــن؟؟؟

صعبة اهي ظروف عبدالله... اولا خسـر المزرعة اللي روحه متعلقة بذرات الغبار الي تجول فيها فما بال العيش والراحة والسخاء اللي كان متنعم به فيها..

والحين.. رجعة ناصر اللي اهو كان ناسيها ومب عامل لها حســاب.. هل رجع عشان يصفي حسابات الماضي معاه؟؟ الماضي اللي طمره حارب لحد ما صار وكأنه مجرد اسطورة تتوارثها الألسن.؟؟؟

عبدالله وهو يهمس بملامح منكسره وتفاحه أدم تسقط وترتفع بابتلاعه لريجه المر: شبصير فيني الحين؟؟ من بكون وسط هالأمور..؟؟؟ من؟؟؟

ومن شدة الاندفاع اللي فيه قاااااد السيارة من غير أي وعي او يمكن فكرة عن السرعة اللي وصل لها بمحركه... وكان يعرف ان الدرب اللي اهو يسلكه بيوصله لاثنين..

يا الموت..
يالمزرعة...

مع ان الأول بدى افضل له لكنه سلك الثاني.. وراح للمزرعة يتخبى بين قش السقيفة ولا يطلع للعيان ويواجه احد...

وصل الى عند بوابة المزرعة لكنه وقف فترةقبل لا يدخل.. ما بيدخل بسيارته بيكتفي انه يوقفها برع...
فتح الدريشة اللي كانت جاماتها مغطية بالمخفي الداكن.. وبدى وكأنه قاتل مأجور ينتظر فريسته تظهر من بين الجدران... سوى الكاب اللي على راسه وسحب الجاكيت اللي يحمله في السيارة احتياطا عن البررد.. والجو كان بلا شك مجلجل للداخل من شدة برودته.. فلا انقى ولا اصفى ولا انسم من الهوا بعد سقوط المطر...

نزل من السيارة وهو يحس بقطع ملابسه بارده وهي تلفه.. وهو بعده بملابس الفروسية وما فصخها والجاكيت الجلدي اللي عليه الحين يوفر له الدفئ في الجزء العلوي لكن السفلي فكان عرضة للتيار البارد من الهواء..

الهندي عرف موعده ففتح له الباب من غير أي كلام... عبدالله ما كان يمشي بهدوء وراحة ككل ليلة كان يتسلل فيها لان هالليلة خطر شوي.. علي في بيته ومب بس اهو حتى مرته موجودة.. فالخطر اصبح خطرين ولازم ينتبه لدربه... فمشى على طول السور الخلفي المغطى بالأشجار والخزاين المصفوفة.. وراح لعند الاسطبل وهو يناظر المصباح المولع على ساحة التدريب...

دخل داخل السقيفة من بعد ما ركض بسرعة عشان ما يلفت الانتباه في حال ان اكو احد يراقبه من شرفات البيت العديدة والكبيـرة..

دخل وهو ينفذ الهوا ويعلن عن وصوله فما كان من الفرس اللي معتاد على وجود صاحبه انه يلخط صهيلة ببعضه ترحيــب لهالصاحب..

رق قلب عبدالله لهالتحية الجميــللة وابتسم غصبن عنه... لكنه التفت الى الخيال اللي كان عند الباب الخارجي المطل على البيت من جدام... وتقرب هالخيال الى ان وضح في باله رسم جسم ضئيل بطول الخمس اقدام و7 انشات تقريبا وطاقية جلدية على الراس وعقصين يتدلون على الجتف والاهم.. لمعة عدسة النظارة والنظرة التهكمية المخالطة بالسخط الشديد... بدور..

ضمت شفتيها وكأنها تبي تقول شي ومانعه نفسها من الكلام.. ما راح تكون الموجهة الأولى للضربات.. خله اهو يتكلم..

عبدالله وهو يزفر بظيـج لانها موجودة في المكان الغلط والوقت الغلط.. التفت عنها وهو يدخل سقيفة الفرس الحامل: شتسوين انتي هني؟؟؟؟

سكتت بدور ورفعت حاجبها... شتسوي اهي هني... ؟؟؟

بدور ووهي واقفة مكانها تتكلم وواقفة على ساق وهادلة الساق الثاني بتراخي بتكبر شديد: انا في بيتي.. انت اللي مالك سالفة شتسوي هني؟؟؟

وقف عبدالله بعد ما كان منحني وهو يحس ان الشياطين تحوم على راسه وتقول له شي واحد.. اقتلها وارتااح...

عبدالله وهو يطلع من السقيفة وويهه مبيض من الغضب اللي فيه.. لكن نبرته يات مهددة وهادئة ومثيرة للأعصاب في نفس الوقت: احسن لج.. ولي... تطلعين من هني...
بدور وهي تهتز بضحكة ساخرة وقصيرة جدا.. وترفع الكاب اللي على راسها عشان يبين ويهها وعيونها لعبدالله: والا شنو؟؟؟؟؟

وقف عبدالله بمقابلتها وهو يحس انها الليلة بتموت.. اهو وايد تحملها.. ووايد صبر على مذلتها.. مب ولد فاطمة اللي ينذل على يد وحدة ياهل سخيفة مثيرة للأعصاب مثلها..

عبدالله وهو يبتسم ولكن الشر في ويهه يوم تجدم منها خطوات قليلة: انتي ما تدرين انتي شيالسة تلعبين به..
بدور وهي تسخر منه: قول والله؟؟؟
عبدالله وهو يرد عليها بجدية: والله... لاني الحين اقدر اشقج بالنص (اختفت السخرية من على ويه بدور تدريجيا) واقدر ادفنج وانتي حية.. واقدر اخلي هالفرس تهيــج عليج وتخليج سجادة تدوس عليها بحوافرها واطلع من السالفة بريء...

كمل هالجملة وهو على بعد قدمين منها ولكن بدى قريب لبدور لدرجة ان شره مثل اليني اللي يتلبس روح الانسان.. فبالخوف اللي سيطر عليها من كلام هالمينون المنحرف تراجعت خطوتين زيادة لتوسع القرب بيناتهم... لكنه كان اسرع منها ومسك ذراعها بشدة لو بغى فيها جان خرق اللحم للعظم..

عبدالله وهو يبتسم وكأنه واحد فاقد مخه: من الاحسن لج انج تبطلين حجي المذلة هذا... خصوصا وانتي في موقف جدا ضعيف بهاللحظة..

انفرجت عيون بدور مثل دائرة البدر من شدة الخوف والاعياء وعبدالله ظل ساكت في نفس الوقت في حالة صدمة بدت مظاهر الوعي تظهر عليه... فانصدم مخه من شدة الكلام اللي واجه به هالبنية وانه بهاللحظة ارتكب خطأ فااادح جدا راح يعرضه لخساير كثيــرة... اهو الحين القى تهديــد شديد الخطورة والجدية عن سابق اصرار وتصميم يمكن او يكون وليد الموقف والصدفة.. وفوق هذا ابدى هالقرار بمسكة يدها اللي اهي محرمة عليه.. فنفض يدها وكأنها جمرة من نار جهنم..

همس لروحه بصوت غير مسموع: شيالس اسوي..

لكن اللي لمع في مخه وبين في عينه اللي يراقب به ويه بدور اللي كان اشبه بالملائكي بهاللحظة اهو ثقته بقدرته على قتـل هالبنت في هالليــل المعتم بس عشان ... يشبع نار الغضب اللي فيه..

يوم تبدلت ملامح عبدالله هدأ الخوف اللي في بدور.. فهي ما حاولت انها تركض او انها تستدير او انها تبين له ارتاجف الخووف عشان ما يشكل هالشي حافز له انه يستمر في اللي بداه بالكلام .. كل اللي سوته اهو تراجعها لخطوتين وتحافظ على ثباتها لكنها كانت ابطئ من سرعته اللي مسك بها يدها ... كانت تعرف ان ركبتها واهنة وعلى شفير انها ترميها على الأرض.. لكنها واصلت على الثبات والحفاظ على وتيرة الخوف منخفضة..

شهق عبدالله وهو يقطع صمت الجو السلبي.. وصدر انه خفيفة وقصيرة من ثمه والتفت بحيوية وهو يبتعد عن المكان اللي اهو واققف فيه.. وقف عند احد العواميد اللي تفضل بين الكباين وحط يديه اللي سند بهم جبينه وهو يتعوذ من بلــيس بالله العلي القدير.. وجال الأسف في لسانه مثل در الريـق بثم الجائع..

بدور تمت وواقفة وحاولت تحبس انفاسها قد ما تقدر لكنها لازم تلبي للحاجات الوظيفية في جسمها.. فما كان منها الا انها تتنهد براحة مكشوفة لعبدالله وسرعان ما حبست هالتنهيدة يوم التفت لها عبدالله بهدوء..

ناظرته وهي مشككة وعيونها بعدها متلمسة بالخوف: انت انسان مريــض... (تداخل الصوت بهمسها) انت لازم تسوي حل لنفســك... (وبدى صوتها يظهر اقوى من الهمس وارتجف فكها معلن حالة الصدمة اللي اهي فيها وتغرقت عيونها بالدمع) لانك ان تميت وسط الناس والمجتـمع... بتكون مصدر قلق وخوف...

مسكت ذراعها اللي مسكها عبدالله قببل شوي بحركه دفاعية وكأنها تبي تمسح اثار يده الشيطانية عنها.. وعيونها ما زالت مثبته عليه وما كانت تدري ان دمعات الخوف اللي فيها تهادرت على خدها من غير اشفاق...

عبدالله بصوت حالم جدا ونظرة البكاء علىو يهه مثل الياهل الصغير.. تعلثم بالكلام وما طلعه زين: انا اسف.... انا... ما كنت بوعي.. ارجوج (وهو يتقرب وهي تبتعد هالمرة بخوف واضح وشديد فانصعق وهو واقف مكانه لاحساسه بهالته المخيفة بهالوقت.. فترجاها بصوت يخالطه الانين) سامحيــني.. تعرفين أني
فاطعته بدور بصوت اجش وعينها بعدها متوسعة: انك وحش وما تنتمي للانسانية بخلق او خلفية... الظاهر انك لكثرة تواجدك يم البهايم صرت واحد منهم معدوم الاحساس... (وظهر شبح الغضب فيها لاول مرة بحيــاتها بمثل هالصورة وعلى صوتها وتجدمت بخطواتها جدامه) تظن انك الانسان الوحيـد اللي يعاني بهالعالم ولك الحق باي شي(صرخت) انت غلطـــــــــــــان..

سكتت وهي تتنفس بشدة وكأنها عادية وادي سحيق وراكبته مرة ثانية... وبكل شهقة كانت تذرف دمعة غزيرة تسقط من غير أي احساس لها على خدها لانها تتطافر من جفنها لشدتها..

سكت عبدالله وتابعت هي كلامها:.... انت لازم تعالج نفسك.. لازم تدبر لنفسك حل.. عشان تقدر تعيش مع نفسك.. لانك بهاللحظة خطير على نفسك وعلى الناس...

وقفها عبدالله من بعد ما التفتت عشان تطلع بنداء اسمها اللي لاول مرة يمكن ينطق فيه بالجهر : بدور انتي تعرفين اني ماقدر اسوي أي شي من اللي قلته..

ما مزقها كلامه قد نبره صوته اللي نطق فيه باسمها.. فالتفتت له وهي مشمئزة من وجوده على الكرة الارضية..

بدور وهي تتراجع وتطلع من السقيفة: لا تنطق باسمي مرة ثانية.. ولا تفكر اني اعرفك أو اني اهتم لمعرفتك.. انت مجرد مريض بالنسبة لي.. والمريض يبعدون عنه لحد ما تنكشف علته.. (تراجعت لمن وقفت عند باب الاسطبل الامامي) اتمنى لو ا ني ما اشوفك للأبد... للأبد..

وطلعت وهي تمشي واول ما نزلت من العتبات وهنت ركبتها وانحنت ريلها بشكل فظيـع وكأن قيد الخوف انزاح وتركها من غير حماية.. طاحت على ركبتها فوق الارض وعبدالله تجدم خطوة يوم شاف حالتها.. الا انها تمالكت نفسها وبفزع كملت خطواتها بريلها اللي كانت مثل خيوط قش تنحني لاقل حركة شديدة.. لكنها تابعت مسيرها ودمع خوفها يجري بشدة ..

تمنت لو انها سمعت كلام ابوها وامها وما طلعت.. تمنت لو انها ما عرفت عبدالله فيوم.. تمنت لو انها ما يات لهالبلاد عشان لا يصير لها اللي صار اليوم..

همست بصوتها: اكره الرياييل.. اكرهه واكره الرياييل اللي اهو منهم.. اكرههم.. اكرههم...

تمسكت بشدة بالخيط الجلدي المعلق بالعملة فيدها.. وتمنت لو أنها ترجع الى مدرستها والى الموجودين فيها وتكون بدور اللي اهي ترتاح بكونها اهي.. يا ليت بس .. يا ليت..

اما عبدالله فصرخ قلبه بشدة باسمها عشان ترجع ويستسمح منها.. وناظر يده اللي لمسها به وتم يستغفر ربه بشدة وعصبية فوارة.. تم يفركها ببانطلونها وكأنها مدنسة وكأنها قطعة من نار جهنم...

تساؤل في باله ليش اهو سوى فيها هذا؟؟ اهو عمره ما مد يده على أي بنت.. حتى خواته.. شلي سمح له انه يمد يده على بدور...

كان ماعطي ظهره الى باب الاسطبل ولكنه يوم طرى اسمها على باله مرة ثانية التفت وهو في حالة يرثى لها ونادى باسمها: بدور.. بدور...

طلع من الاسطبل وهو يمشي بشدة ومخه مقفل.. ما يدري وين بيروح... البيت وانححجز عنه.. المزرعة وانحجز عنها..

همس ودمعته تخر من عينه اليسااار بانتحار وملامحه هادئة وكأنه يرخي العنان لويهه من بعد ما قعد في السيارة: وين تروح يا عبدالله..؟؟ شبقى لك عشان تروح له؟؟؟

وانطلق بسيارته اللي اختفت في مدى الشارع المظلم...

(بيت حارب)

قعد كايد ويا موزة وعايشة اللي صعدو الى غرفته من بعد ما حمل عايشة على الدري وخلى كرسيها على الأرض.. اهي كانت متشققة وكانت حالتها حاله وهي فرحانة لانها محمولة على يد اخوها الحبيب.. كايد كان هادئ وموزة تروي نظرها بهالشخص الخيالي اللي ظهر لهم من بطن القصص الخيالية اللي يقرونها وهم صغار.. مب عارفة ان هالبطل اللي جدامها مجرد انسان له مظهر قوي ولكنه هش مثل الرقاق بداخله..

عايشة من بعد ما قعدها كايد على زاوية كرسيه وهي تصفق بيدينها: واااااااااااااااااو وناسة حملوووني اليوم.. (تغمز لكايد) كل يوم نااصر احملني اوكي... ما احتاج للكرسي..
ضحك كايد بخفة وحب لهالبنت المرحة: ولا يهمــج اصير لج الكرسي لو تبين
عايشة وهي تنط مرة وحدة بانفعال: تونا نقول ما نحتاج كرسي شكو تصير انت كرسي.. (مرح ويهها) صير حمالة.. ههههههههههههههههههههههههههههههاي

ضحكت موزة وكايد مع بعض وتقابلت عيونهم بمودة..

سألته موزة سؤال يمكن ما خطر على بال كايد ان احد يسأله إياه.. وهي تحط يدها على زنده: شلونك ناصر؟؟؟ شأخبارك... (كانت نبرتها عميــقة وكانها تسأل عن السبع سنوات المفقودة) وشلون قظيــت هالعمر وبأي حالة؟؟

ابتسم كايد وكأنه يرثي حاله ويسليــه.. شلون قظى هالسبع سنين؟؟؟ ما يقدر يكون مأساوي ويقول جحيم.. بيكون انسان عادل وويقول..

سكر جفونه وهو يأكد بهزة راسه لموزة والابتسامة مصاحبته:... لا باس..

اكتفت موزة بالابتسامة وهزة راسها برضا على هالاجابة..

الا وكايد يسألها بنعومة وهو يمســك يدها: قولولي انتو (وهو ينقل عيونه بين الثنتين) شلون قظيــتوا هالسبع سنين ؟؟
عايشة وهي تصفر: واااااااااااااو.. (ورجعت تمزح) بلمح البصر
موزة وهي تضحك: واقصر من ذلك.
كايد وهو يضحك عليهم: مبين.. لاني تركتكم يهال صغار رديت لكم حريم كباار..
عايشة بزهو وهي ترفع جلابيتها من الاجتاف: عشان تعرف انت شنو فوت على عمرك..
موزة تشاركها الزهو وهي توقفف على ركبتها من بعد ما كانت قاعدة على الارض يم ريل كايد: احنا ظهرنا من الشرنقا وطرنا كالفراشات..

فراشات مرة ثانية... اهلا وسهلا حور تداخل طيــفج الحين مع كايد وهو يتخيــلج تطيرين مثل الفراشة مع عايشة وموزة.. فضحك بالسر مع نفسه وناظر خواته بفخر

كايد بنبرة فخورة وابتسامته مصاااحبة له: فخور بكم انا.. ويا ليتني كنت في موضع ثاني والا شاركتكم هالنمو..
عايشة وهي تسطر زنده بخفة وكأنها تأنبه: وانت بعد؟؟؟ شلي غيرك جذي؟؟ انا اذكرك هلفووت وطويــل من غير لحم وويهك كان كلش غير (ضحك كايد) وشعرك هذا شطوله؟؟؟ (ترفع له حاجب متساؤل ومتشكك) لا يكوووون بس اميــركا ظهرت فيك الميول الانثوية ترا هااااااااا اعلمك انا اعلمك... اهني السالفة فيها شق بطووون
كايد وهو يناظر موزة بحيرة: شقصدها
موزة وهي منحرجة من انفلات لسان عايشة: مادري فيها والله.. (تناظرها) عواشي.. خفي الله يهديج
عايشة وهي تهدي روحها: سامحوني خذاني الحماس...
ابتسم لها: يا عوااش سبع سنين مرت وهالسبع سنين كانت اكثر مراحل نمووويي.. يعني انا يوم كنت معاكم كنت مراهق على طور الرجولة.. رحت هناك وصرت جذي..
عايشة وهي تضحك بمرح وخبث: ها؟؟ قول لي؟.. حبيت وحدة؟؟
موزة وهي تسكتها: عواااش..
عايشة وهي تسكت موزة: خلينا نعرف مواز اكيد انتي ميتة تبين تعرفين

ضحك كايد وكشف لهم عن هالسر..

موزة اللي نطت عليه هالمرة ولكن بهدوئها: اهااا.. ضحكت.. يعني في وحدة (ابتسامة مشرقة) اكيــــد حلوة؟؟
عايشة تسكتها: سكتي انتي لا تشجعينه
كايد وهو يتخصر لها بمرح: وليش ان شاء الله؟؟ ما تسد عينج حبيبتي؟؟
عايشة وهي تمسح على زند كايد مثل ما يمسحون على الياهل: لا يا نصووور مافيها شي على العين والراس.. بس بصراحة انا حاجزة لك وحدة وبصراحة بصراحة بصراحة
كايد وهو يتبع عليها ونظرته حذقه في ويهها: قولي الصراحة الصراحة الصراحة يام الصراحة انتي
عايشة: ههههههههههههههههههههههههههههاي.. ألصراحة الصراحة الصراحة... مااااظنك تليــق بوحدة ولاظنها تليق بواحد غيرك.. سبحاااان الله.. الصورة الكاملة والكامل الله

ضحكت موزة وكايد تنهد.. حتى هني اهو محجوز لبنت.. ولله حالة

ناظر موزة باستجواب: اشفيج تضحكين؟؟ اكيد تعرفينها من؟؟ تكلمي مواز
موزة وسط ضحكها: انا مالي شغل...
كايد وهو يمسك زند عايشة بخفة وونعومة: تحجي انتي يام لسان.. من هاي اللي حاجزتها انتي لي.. ترى اقول لج من الحين ماني مهتم..

خاف كايد ان عايشة تتكلم عن عذرا اللي دايما كانوا يقولون له عنها ولكن اهو من شدة عدم اهتمامها ينسى وجودها معظم الاحيان وينسى عضويتها في العائلة

عايشة وهي تمد ببصرها وملامحها وكأنها بتعلن الجائزة الكبــرى. وقصدت..

ما شفت مثلها بالخلق مثيــل.. حسنا وبالزين لها نصيب..
خد تجلى بويه محسنن.. والجبين منها بالعرق نضيــب
الحور (يوم قالتها عايشة دق قلب كايد بخفة) تخجل لشوفها وتتمنى لو كانت لها حسيب..
بنت عمتي الجازي هي... وانا لها جعلت اخوي حبيب..

وسلامتكم

موزة صفقت لعايشة اللي تمت تهز راسها بزهو وكأنها تسمع تصفيق جمهور نزار قباني يصفق لها..

عايشة لموزة بغرور: شكرا شكرا.. . التواقيع بعدين
موزة وهي تصفقها بخفة: مالت عليج..

هذي كانت موزة وعايشة... لكن كايد اللي سمع اسم حور وفوق هذا عرف من بيت الشعر انها بنت عمته الجازي ترك هالشي رجفة عميــقة في قلبه... معقولة صدفة؟؟؟ معقولة اللي قالته عايشة صدفة... يا رب خلها صدفة.. خلها صدفة يا ربي لا تحتضر في داخلي الأماال اللي ازرعها بالشووك للعمــق..

موزة وهي تراقب شحوب كايد وتفسره على انه تعب: عواشي خلينا نروح ننام الحين ونخلي ناصر
عايشة وهي تتذمر: ننام؟؟ ألساعة توها تسع..
موزة وهي تأشر لها بعيونها على كايد: ناصر اكيد تعبان الحين سفرته كانت طويلة وخليه يرتاح شوي عاد لا تصيرين لزقة جذي..
عايشة وهي تصغي للمنطق: انزيــــــــن.. ياحبج للشتايم وقت العزاايم.. (مسكت زند كايد وحطت راسها عليه) ياحبي لك ياخوي والله انك فرحتني اليوم مادري شلون بنام
انتبه لها كايد والارتباك اللي فيه خلاه بحاله من النرفزة ولكنه قاوم الاحساس براس عايشة على زنده ومسح على شعرها: فديتج عواشي.. يلا خليني انزلج الحين لدارج
عايشة وهي تضحك وتصفق بيدينها: اللاااااااااااي بيحملني مرة ثانية كشخة.. (رفعها كايد وكأنها ريشة بيدها وهي تفاخرت بهالشي جدام موزة اللي تتبعهم وهي تضحك) مثل ما حمل عمي علي عمتي الجازي اليوم في المزرعة... واي وناسة..

احتضار ثاني صاب قلب كايد.. علي والجازي؟؟؟ مب كأنها هالاسماء اهي اسماء ابو وام حور... ؟؟؟ توقف مكانه دقايق وهو يفكر وحواجبه منكســره بحيــرة شديدة

عايشة وهي تناظره باستغراب: ناصر بلاك واقف ؟؟؟
موزة وهي تمسك زند اخوها يوم طول صمته: الغالي تعبان من شي؟؟
التفت لها كايد وهو يحس بنبرة الخوف بصوتها .. تلاقت عيونه بلمعة الاهتمام بعيونها: لا مافيني شي سلامتج.. بس... بس.. (لاحظت الويهين الضاحكين تحولوا الى مستغربين وخائفين شوي فحاول يخفف من هالشي ويبعد عنهم التفكيــر فلجأ الى المزح) بس هالدبة خنقتني شوي .. شوفي عواشي لا تتعودينها تبين تركبين من يوم ورايح لداري سوي لج مصعد
عايشة وهي تشهق من الصدما: شوف اسود الويه؟؟؟ معليـــــــــه يا ناصر ان ما وريتك ثمن كلامك.. نزلني اشوف خلني انا بروحي بنزل يلا..
كايد وهو يضحك بخبث في ويهها: ان نزلتج نزلتج بشرط؟؟
عايشة وهي مكتفة يدينها بحظنه وتبين مثل الياهل الصغيرة: شنو شرطك؟
كايد وهو يناظر موزة بمحاولة لابعاد الهم من ويهها اللي بعده مستحله: انج تتزحلقين على الدرابزين..
ناظرته عايشة بغير تصديق وتمت تصفقق في زنده وبكل صفقة تشتد الضربه: اسود ويه من زماااان وانا اقول

ضحك كايد على عايشة وهو ينزلها اما موزة فظلت واقفة مكانها محل ما تجمد كايد للحظات وما فاتتها الصدمة اللي علت ويهه يوم يابت عايشة طاري عمتها الجازي... على ما تظن اهي خبرته انها ردت.. ولكن اهو كل ما حاولت تتكلم وياه عن هالشي يقاطعها ويبعد الموضوع ويغيره...

موزة وهي تهمس لروحها: شسالفتك يا ناصر؟؟؟ لازم اعرف..
--------------------------

بدارهم انسدحت حور على سريرها الحالي وهي مسترخية.. يدينها معقودتين على بطنها وريلها ممدوده على زاوية السرير وشعرها منشور مثل الهالة على راسها وبيجامتها البيضا تبينها مثل الميتـة بشكل مضحك..

دخلت سرور وانصدمت لشوفتها بهالحالة: بسم الله الرحمن الرحيــم.. شفيج منسدحة جذي جن ملك الموت زايرج؟
حور من غير ما تلتفت لسرور: وايد خفيفة... زيت العربي على ماظن؟
سرور وهي تقعد على طرف السرير ضحكت: لا والله.. سر الخفة.. الريش..
حور وهي تتصنع ضحكة: ها ها .. بس لا تعيدينها..
سرور وهي تصفقها على ريلها: يا طوالة لسانج.. (وانسدحت على طوله ولكن على بطنها مواجهه ويه حور) الحين قوليلي يا عفريتة الأرض السابعة.. شتفكرين فيه؟
حور وهي تتنهد وتنفذ الهوا:... وايد اشياء
سرور وهي رافعة حاجبينها : سمي شي واحد!!
ابتسمت حور: ولكن الشي الواحد مرتبط بهالاشياء
سرور وهي عاقدة حواجبها: عزليه عشان تقولينه وتبينين لي هالاشياء الوايد
حور وهي تتكلم وكأن مالها أي عقل: بس هالشي ما يفترق عن هالاشياء والاشياء ما تفترق عن الشي.. واذا تكلمت عن الشي من غير ما اذكر الاشياء بصير الشي من غير معنى واذا تكلمت عن الاشياء من غير الشي..
قاطعتها سرور وهي تخبي راسها في السرير وتصرخ باستغاااثة: ohhh god make her stop
حور ووهي تضحك على حاله اختها وتواصــل: بس هالاشياء كلها تدور حول هالشي وهالشي يتعلق بهالاشياء
مدت يدها سرور وغطت ثم حوراللي بدت تهتز بضحكتها الشديدة: بس خلاص حووور مابيج تقولين شي عسااااني ياربي البين لاني يبت لج هالطاري او سألتج.. (ناظرت عيون اختها النايمة الضاحكة) زين؟؟؟

هزت راسها حور ويد سرور بعدها على ثمها..

بعدت سرور يدها وهي تقوم من على السرير وتتذمر: والله انج مشكلة الواحد ما ياخذ منج حق ولا باطل..

ضحكت حور لهالحقيقة لكن هالمرة اهي كانت تبي تعطي وتاخذ الحق.. مع سرور .. لانها اكثر انسانة تنفرج نفسيه حور لمن تتكلم معاه

قامت حور من على السرير وتربعت بدل ما كانت منسدحة وهي مايلة براسها على جهة: سرور؟؟ تظنين أن امورنا بتستقر هني على طول؟؟
سرور وهي ترفع حاجب وتطلع لها بيجاما من الكبـت اللي رتبت فيه اغراضها: هذا الشي من الاشياء ولااا
ضحكت حور: أي أي.. هذا شي من الاشياء...
سرور وهي تناظر اختها وفيها الضحكة على حالتها ولكنها قالت: اول ما يينا فكرت ان الوضع هذا مؤقت.. بس احس اننا بنطول هني...
حور وهي تناظر اختها بعيون ظيجة: شكثر بنطول
سرور وهي تفج عيونها دلالة على طول المدة:بنطول بنطول... امي وايد مرتاحة واليوم انتي شفتيها وخالي حارب جن الروح ردت فيه على قولة موزة وابوي بعد مرتاحة نفسيته لانه مريح زوجته.. وانتي ادرى بابوج الرومانسي يا حور
ميلت حور بثمها علامة على الظيـــج : بس .. مادري ليش احس ان ... ورى هالمكان شي اكثر من كوننا قاعدين فيه...
سرور وهي مستغربة : شي مثل شنو
حور وهي تفرك عيونها وشعرها: مادري.. شي بيصيب كل واحد منا بهيئة او شكل من الأشكال..
سرور وهي تستجيب للفكرة بناحية عقلانية: بس ان صار شي ترى كل هذا قسمة الله ونصيبه ومقدره علينا..
حور وهي تستجيب لكلام اختها: true بس بعد... (حركت قبضتها بشكل دائرى على صدرها وهي متظايقة) احس ان هالشي بيأثر سلبا علينا... احنا كخوات وعايلة!!
سرور وهي تبتسم لخوف اختها المبرر .. راحت لها وحيطتها بذراعها: ما عليج يا حور... اللي بصيبنها مهما كانت قوته صدقينه بنتغلب عليه...
حور وهي تسخر من اختها: نسيت اننا the charmed ones ( الساحرات الثلاث)
سرور وهي تضحك بمرح: اهم ثلاث واحنا اربع
حور وهي تستزيد في سخريتها: نورو على الهامش.. انا هذي بعدين اعتبرها في بطن امي ما طلعت
سرور وهي تضحك بشدة: ههههههههههههههههههاي.. مسكينة نور.. بس عيل.. انتي فيبي وانا بايبر وبدورو النحسة برووو
حور وهي تحتج: وليش بدورو بروو.. انا بروووو
سرور: شفيج انتي؟؟ خلج فيبي لانها دايما تحصل الشباب الحلوين
حور وهي تفكر بمخ مفتوح: صحححححححححح.. .خلاص انا فييبي..
ضربتها سرور على جانب جبينها: مينونة انتي...

ضحكت حور مع اختها ومرة وحدة سكتوا ... وكأنهم يفكرون في نفس الشي...

ودلالة على المواساة مسكت حور يد اختها وحطتها بحظنها: سرور انا مادري شبسوي لو انتي تبتعدين عني... مهما كانت ماما اهي ماما.. تتمين انتي الماما الثانية...(وهي تحط راسها على جتف اختها) انتي العقل اللي ابتعد عن جسمي...
سرور وهي تمسح على يد اختها بحنان: شعليج ياحور.. دامني بتم جذي معزبة بلا زواااج صدقيني بتم وياج طول عمري
حور وهي ترفع راسها وتناظر اختها وكانها تنشد عمقها: بس انا ما ابيج تتمزين معزبة... سرور انتي بنت ما صار مثلها ولا استوى بالعالم.. لج اخلاق عالية يشهد لها الجميــع
سرور بزهو مصطنع: شكرا شكرااا..
حور وهي تستمر: ولج قلب لو عطوه ربعه لبوش جان العراق خلصت من الحرب
ضحكت سرور: اظن شكرااااا.. بس ماظن اني اتبرع له بشي غير الجوتي..
حور وهي تبتسم ولكن تواصل في مدح اختها: ولج في العقل الدرر والموهبة انج تخلين الصعب سهل.. والسهل صعب.. انا افتخر فيج بصراحة يا سرور..
سرور وهي تشهق بتأثر: بس عاد حور بتخليني اصيـــح وتدرين فيني اصير مثل الطماااط لمن اصيـــح
حور وهي تضحك: طماط خايس..

سرور ووهي تبتسم لاختها بحب وكأنهاتبي تقول شي.. لكنها ترد تبعد عيونها وما خفت النظرة عن حور الي شكت باللي يمكن ودت اختها لو تقولها..

فاجاها صوت سرور اللي لقت الشجاعة بالنظر لجهة ثانية عشان تقدر تقول اللي في خاطرها: يا ترى شخباره الحين؟؟؟ وشلون عايش...؟؟ تظنينه يروح الكافيه؟؟
حور وهي تناظر اختها بحلم: ماظن... لانج مب هناك.
ضحكت سرور وهي بعدها تناظر الجهة الثانية: اشك بهالشي... ترى فنسنت والياندرو يخزبون ببراعة..
حور وهي تشكك: مب كل يد يد سرور.. ولا كل نفس نفسج...
سرور وهي تناظر حور ولمعة الدمعة واحمرار ويهها كشف حالتها: ما ظنيت اني بكون هالكثــر متعلقة في انسان مثله... (ناظرت للجهة الثانية من يديد) كل ما اظن اني ابتعدت عنه بالمسافة كل ما يدق قلبي اكثر وأكثر له.. احاول اقنع نفسي بفكرة انه انسان لا انا اناسبه ولا هو منا سب لي.. لكن بعد.. (تأِشر على قلبها) هذا ما فيه عقل ولا يبي العقل يتقرب صوبه...
حور وهي تلم اختها وتبوس خدها: ما عاش اللي يزعلج يا سرور.. تراج تسوينه هذا بو جبين وتسوين غيره...
سرور وهي تتنهد: أي والله... توم كروز اقرب لي من هالانسان
حور وهي تدير ويه اختها لويهها وهي تكلمها بثقة: شوفي سرور.. ان جان هالمحمد ذي اللي ما غسل ويهه ووعى على جمالــج وعلى اخلاقج وطيبة قلبج اللي تتعدى ملايين البشر في هالعالم يظن انج او خلاج تظنين انج اقل منه فصدقيــني.. الانسان مب بفلوسه
سرور وهي تضحك وتمسح دموعها: تتكلمين عنه وكأنه قال لي شي بيوم... بس اذا صار شي بيناتنا انا ما كنت بسمح فيه لاني اعرف اهو من أي طبقة وانا
قاطعتها حور وهي تستنكر هالشي بكلمة: rubbish (هراء) ولافلس بهالدنيا يقدر يشتري لانسان سعادة حقيقية وكاهو خالي حارب مثال جدام عينج.. كل هالفلوس وكل هالاملاك وهالاسم اللامع في هالعالم الا انه ما قدر يتهنى الا بهاللحظات اللي رجعت فيها امي... وشوفي ولده كايد اللي تغرب وعاش في جزء ثاني بالعالم لا فلوس ابوه ولا فلوسه ولا أي مبلغ بالعالم يقدر يشتري له الأمان اللي اهو يتمناه.. (خفق قلببها بشدة وهي تتمنى لو انها تكون مصدر أمانه)...

ناظرت سرور حور اللي تأثرت ملامحها بشدة يوم يابت طاري كايد على لسانها وكان هالموضوع يلمسهااهي شخصيا...

تمت سرور تناظر ويه حور المتحمس والمستثااار واللي كان يحاول يخبي نظراته المجرمة بشتى الطرق لكن وين عن عيون سرور..

سرور بحواجب معقودة تناظر اختها بتساؤل: حور .. انتي
قطعتها حور عشان لا تكمل وهي تصم اذنها: لا لا لا... (ناظرت سرور بحدة وكانها تبي تصدق اللي اهي تنطقه) لا سرور لا... مابي.. مابي..

سكتت حور وانفاسها مرتبكة من اللي كانت اختها على وشك تقوله.. مستحيــل.. مستـحيل تقر بواقع انها تحب كايد... او انها مغرمة فيه او انها ودها لو تلاقيه من اقصى العالم عشان ترجعه الى موطنه الأصلي وتعلمه من الحنان والاهتمام والامان اللي اهو يحتاجه..

انصدمت على الفكرة والكلام اللي اهي قالته الحين في مخيــلتها... لا مستـحيل.. ما ييصير.. اهي ما تصدق باللي قالته من شوي.. مستحيــل اهي ..

حور وهي تهمس وكأنها تبي تسمع صوتها: احب كايد... مســتحيل.. (رفعت عيونها لسرور وهي تردد اللي قالته) مستحيل اني احبه.... مستـحيل..

سرور ما قالت شي وتعجبت من اختها اللي انعجبت في انسان اهي كانت تحتقره في البداية.. فهي ما تنسى الزوبعة اللي خلقتها بخصوص السلسلة اللي ضاعت منها... معقولة ان حور تقدر تقلب مزاجها ومشاعرها بهالصورة؟؟؟ والا هالكايد يحمل سر معين يخلي من حور منصاعة للي اهو يحركه فيها من مشاعر.؟؟؟

طبعا.. ما هنت الليــلة بعيون حور ولا اختها سرور وهم يفكــرون بحل للي اهم فيه.. سرور توعدت بنفسها قبل لا تنام انها اذا قدر الله ووعت باجر الصبــح بتتناسى محمد نهائيا.. واسعدها هالقرار ومنحها النوم الهادئ.. لكن حور اللي تمت قاعدة عن الدريشة (مكانها المفضل) تراقب تلبد السما دعت في قلبها ان هاللي تحس بتحركه أي شي غيــر الحب...
حور وهي تناظر السما وتكلم الله سبحانه وتعالى بويه متضرع: انت ادرى بحظي بالحب يا ربي.. انت ادرى فيه... ارجوك.. خله يكون أي شي الا الحب.. الا الحب..

------------------------------------

وصل عبدالله لعند باب بيت سيــف وتم قاعد لدقايق غير محسوبة في السيارة وهو مريح راسه على مسند الراس بكرسي القيادة.. مسكر عيونه لكن هيهات تغيب عن نظره ويه بدور الخايف... لام نفسه بذيج اللحظة وتمنى لو انشلت يده ولا لمســها ولا ارتكب معصية بهالحجم...

عبدالله وهو ينكمش من الخوف اللي صابه:.. يارب عفوك ورضاك... يا رب عفوك ورضاك...

طلع جهازه ودق على سيـف باصابع مرتجفة من البررد والفزع جميـع.. انتظر لمن شاله سيف

سيف بصوت مرح: هالااااااااااااااااا بشيخ الشباب
عبدالله وهو يبتسم لالفة سيف الدائمة وحمد الله عليه بهاللحظة : هلا حبيبي.. شلونك؟؟
سيف وهو ياكل من سلطة لطيـفة اللي كل ما مد يده لها ضربته: اااااخ ابخير الله يسلمك..
عبدالله وهو مستغرب من الأااخ: علامك ؟؟؟
سيف وهو يقرص يد لطيفة: لا ولا شي بس عيوووزنا تطبـــخ اليوم؟
لطيــفة وهي تمسد ألم القرصة بخفة: عيوووز نار تشب في عدوينك قول اميــن
سمعها عبدالله وتعوذ من بليســ : بل بل.. لطفوا يمك؟؟
سيف وهو يضحك :ايه يمي.. تبي تسلم عليها.. (يهمس للطيــفة بمزح ثقيل: عبــدالله) كاهي واقفة مثل شجرة المعمرة
لطيــفة اللي فرحت بان عبدالله اللي متصل في سيف: عطني اياه خلني اسلم عليه
سمعها عبدالله ودعى في قلبه ان سيف ما يسويها ويعطيها التلفون: سواف والله بخليك تندم ان سويتها
سيف وهو يهدد عبدالله في نفس الوقت: لا تسوي اللي براسك وما بسويها انا...
لطيـفة تنازع: عطني اياه بسلم على ولد خالتي... (الله اكبــر)
سيف وهو يسكتها: اوووش مالج خص يلا كملي العشااا..
عبدالله وهو عارف باللي قصده سيف وتنهد بحرارة: لا تحاتي... ما بصير اللي في بالي.. ما بصير اكثر من اللي صار واللي زاد عنا عن اللي في بالي..
تصلب سيف بجدية: شقصدك
لطيـفة وهي تنازع: سواف عطني التلفون
سيف يزجرها: لطــفوو بلا ملاقة يلا... (وهو يطلع من المطبــخ) عبوود وينك الحين؟؟
عبدالله وهو يتنهد وراسه على وسادة الراس بالكرسي: عند باب بيتكم..
سيف ووهو يطلع من البيت على عيــل: شكيــت.. يلا انا طالع لك الحين...

سكر عبدالله عن سيف اللي طلع من بيتهم وهو لابس ثوب خالي من غير أي جاكيت ودخل سيارة عبدالله اللي انطلق من غير ما ينتظر شي ثاني..

لطيــفة ظلت محوسة الثم من القهر والعذاب لحد ما دخلت عليها ام سيف ووشافتها بهالحالة: يمة لطيـفة بلاج قاعدة هني ؟؟؟ (تناظر ثمها وويهها الجميـل الزعلان) ومحيسة الثم بعد.. علامج حد مزعلج؟؟
لطيــفة وهي تتذمر بصوت مرفوع: حد مزعلني؟؟ انا العالم كله مزعلني ولا اظن ان فيه احد مهتم... (وقفت وبان قدها المياس الرشيق وحايط ويهها الحزين شعرها الكستنائي القصــير) لو احترق واصير رماد محد درى عني ..

قبل لا تقدر تقول لها كلمة طافت لطيـفة من جدام عيون امها وراحت لدارها تسكرها عليها وتبجي مثلها مثل أي ليــلة.. استغربت ام سيف حالة بنتها وتأسفت.. اهي مهما كان قاعدة تكبـر بالسن وتتمنى اشياء في الوقت الحالي ماقاعدة تجري... ففكرت ام سيف ان اول ما ترد اختها من السفر يتكلمون مع بعض عن سالفة لطيــفة وعبدالله اللي صار الوقت انها تتباشر.. جذي لطيـفة بيخف ونينها وعبدالله بيلاقي له المستقر..

لكــــــــــــــــــــــن...

عبدالله اللي وصل الى الحدود الغير مسموحه له... هل راح يقدر يسامح نفســه؟؟
كايد اللي شم ريحة الشك... هل راح يقدر يتناساه ويمضي في الي يا عشانه ويرفض الصدمات؟؟؟
حور وسرور.. ورجعة كايد ومحمد السوية.. هل راح توصلهم لنقاط تطور.. او بتكون مجرد محطات لمشاعر ألم واحتجاج وندم؟؟؟

بدور.. هل بتقدر تسامح عبدالله في يوم؟؟
عايشة... هل بتحافظ على تهديدها وتبقي كايد معاها للأبد...
حيــأة.. شنو اللي ورى صمتها. واختفائها... هل هو الهدوء قبـل العواصف..؟؟

انتهى الفصــل الأول من الجزء الحادي عشـــر