هذا الحب و هذي جمرة عذابه..."رواية سعودية اقرأوها و لن تندموا...

السلام عليكم...
هالرواية قريتها بأحد المنتديات و اعجبتني...
انا الرواية كامله معاي...
بس ابي تفاعل منكم عشان اكملها...
.........................
.........................

هذا الحب و هذي جمرة عذابه...
للكاتبة:"الدلع مغرور(White Soul)"...
عايلة بوسلمان:
عبدالعزيز..
سلمان:26:سنه مدير المالية فشركة عمامه اللي رئيسها عمه بوخالد...مره مفرفش و مهبول...بس احيانا يلاحظون عليه انه غامض...
احمد:24سنه...
سلوى:18سنه بثالث ثنوي و خبله حبتين...بس مره حبوبه...
نجود:كبر ساره و ريما بنات عمها و مع بعض بالجامعه20 سنه...
نواف:دايم مع فراس ولد عمه و توأم روحه...

عايلة بوناصر:
محمد...
ناصر:صاحب شركه كبيره بالخبر و ساكن فبيت لحاله...انطوائي و هادي و حساس بدرجه كبيره و عصبي...26سنه...
وليد:24سنه مع احمد ولد عمه...
ريما:20سنه طالبه فجامعة الملك سعود هندسه ديكور...
رنا:كبر سلوى و دايم مع بعض...
فراس:19سنه بأول جامعه...

عايلة ابوفيصل:
سعد...
طلال:24سنه...و مصرقع درجة اولى...و دايم مع احمد و وليد و حمد...بس مره حنون و طيب...
فيصل:دايم مع سلمان ولد عمه...و خبل زيه...26سنه...بس الغموض شخصيته...
ساره:كبر عليا و ريما و نجود وهم دايم مع بعض...بس طويلة لسان و شخصيتها قويه...بس حساسه بدرجة فظيعه...
مي:مع شلة الانس سلوى و رنا...

عايلة بوخالد:
عبدالله...
خالد:كبر فيصل...و دايم معاه...وهو عصبي درجه اولى...و وجوده بالمكان له هيبه حتى بالبيت الكل من اخوانه يخاف منه...
حمد:كبر احمد ولد عمه و دايم مع بعض...انسان حساس و حنون...عاشق الاخ و يموت على ساره بنت عمه وهي نفس الشي...
جواهر:كبر رنا و سلوى و مي و دايم معاهم...
عليا:كبر ريما و دايم معها...
روان:4سنين...
العايله هذي عايلة رجال اعمال معروفين بالسعوديه و من الاكباريه...
الجد ابوعبدالله...حنون و متفاهم بس عصبي:
مشعل:كبر طلال و حمد و وليد و دايم معاهم...وهو حنون و عصبي "العصبيه وراثه بهالعايله"و متهور...
نجلا... 23سنه...متزوجه و عندها ولد اسامه عمره4سنين و بنوته عمرها4شهور اسمها رهف...
يوم الاربعاء فبيت بوخالد:
خالد:علياااااااا...علووووي قووووومي من النوووم و صمخ باذن العدو ان شالله...
عليا...لا حياة لمن تنادي...
خالد:انا اعلمك يا ام السعف و الليف...حمووووووووود..
حمد:هلا خالد؟؟
خالد:روح قوم اختك لا اقوم الدنيا عليها...
حمد:ان شالله"لان خالد محد يقدر يقول له لا والا كان قلب البيت على راسه"...
ام خالد:هد بالك يا ولدي وراك معصب؟
خالد:تأخرت عن الدوام يا يمه و بنتك نايمه...يبي لها وقت على ما تلبس...ان تأخرت اليوم بحصل لي تهزيء عدل من ابوي و عمي...
رن جوال خالد و كان المتصل سعود:الوووو
سعود:بسم الله علينا من ذا الالو...وش ذا الاسلوب يا شيخ عدله شوي؟
خالد:سعود الله يخليك لا تزيدني من الصبح...
سعود:هههههههههههههههههههههه اكيد مع ست الحسن عليا صح؟
خالد:هههههههههه شدراك؟
سعود:بدون ما اسأل باين عليك و انا حاس فيك يا ولد عمي عندي نفس الحالة بالبيت مع الاستاذه ساره...
خالد:هههههههههههههههههه شكلهم متفقين...بس هين يا عليوه...انا اعرف اسنعها...
سعود:المهم لا تنسى تمر جرير اليوم...جيب اللابتوب اللي وصاك عليه مشعل...
خالد:اوكي زين انك ذكرتني ولا مع الاخت عليا احد يتذكر شي؟؟؟
عليا من وراه:اييييييييه عندك مااااااااااانع؟؟؟
خالد نقز:بسم الله علينا...اعوذ بالله من الشيطان الرجيم...من وين طلعتي؟؟
عليا:من بيت الجيران...يعني من وين طلعت بالله عليك؟؟
خالد:هين يا البقره السوده..سعود عن اذنك بتصرف مع عجوز القايله!!
عليا:اييييييييييش؟؟؟عجووووز القااااايلة؟؟اجل انت وشو؟؟ دراااااااكولاااااااااااااااا...
سكر خالد من سعود و التفت لعليا:انتي و بعدين معاك...متى بتعقلين ان شالله؟؟
عليا:انت وش تبي من صباح الله خير تصارخ و شايل البيت شيل؟؟؟
خالد بعصبيه:بترووووووحيييين عن وجهييييييي والا ادفنك حيه بهالبييييييييت؟؟؟
عليا:يبااااااااااااا...شوووووووف ولدك...
بوخالد:انتي عقلي اول بعدين تكلمي...يلا لبسي ماتبين تروحين الجامعة؟
عليا:لا ما بروح اليوم...ماعندي الا محاظره وحده...لا و تبدى الساعه12...
ام خالد:اجل وش بتسوين بالبيت لحالك؟؟انا و ابوك رايحين البحرين بعد شوي؟؟؟!!
عليا:عادي اروح وياكم...
جواهر:مابي علوي بتروح و انا لا؟؟؟ليش؟
عليا:و مين قال اني بروح معاهم...بروح بيت عمي محمد"بوناصر" شلة الوناسه متجمعه هناك...
ابوخالد:أي شلة؟
عليا:انا و ريما و ساره و نجود...
ابوخالد:خلوووووووووود...الدوااااااااااام يا ووووووولد...
خالد يمسك شماغه الابيض...و حالته حاله:يا ويلك يا خالد...عزة الله رحت فيها...طلعت يبه طلعت...
و يطلع بسرعه و يركب السياره...
جواهر وهي شايله شنطتها:حمود يلا..
عليا:اناااااااااااا؟؟ميييييين بيييييوديني بيييييت عمييييييييي؟؟
حمد:والله دبري عمرك...
رن تلفون البيت:
حمد:هيلو؟
ساره:السلام عليكم...
حمد ابتسم:و عليكم السلام...شلونك ساره...
ساره بحيى:الحمدلله انت شخبارك...
حمد بحب:بخير الله يديم عليك الخير...
ساره:حمد ممكن تعطيني عليا...
حمد...آه يا حلاة اسمي على لسانك:افا عليك...اكيد...
حمد:علوييي...تعالي ساره تبيك...
عليا:يااااي حبيبتي بنت عمي...
حمد:يلا جواهر انا طالع...
جواهر:يلا...باي ماما...
ام خالد:باي حبيبتي...انتبه على الطريق يا ولدي ولا تسرع...
حمد ضحك:هههههههههه يمه حفظت هالكلمة من 6سنين من اول ما بديت اسوق سياره...
ام خالد:هههههههههههههه بس انت تعرف اني تعودت على هالكلمة... المهم حبيبي و انت جاي من الدوام مر محل حلويات و جيب تشيز كيك...
حمد:تامرين امر...
و راح باسها على راسها و طلع هو و جواهر...
عليا:هلا سوسو؟؟؟
ساره:عليا...نقدر نجيك احنا البيت؟؟؟لان عمتي عندها ضيوف الساعه9 من الرياض و استحي...
عليا:واااااااو اكيد حياكم الله...متى بتجون؟؟
ساره:الحين انا طالعه مع طلال رايحين بيت عمي محمد ناخذ ريما و بنمر بيت عمي عبدالعزيز عند نجود...
عليا:اوكي ساره بقول لامي و بقول للطباخ يسوي لنا كيك...
ساره:و انا بروح اتجهز...
عليا:اوكي باااااااااي...
ام خالد:شتبي بنت خالتك؟؟
عليا:يمه...ريما و ساره و نجود بيجون عندي...بخلي الطباخ يجهز لنا الاكل
ام خالد:حياهم الله...المهم انا و خالتك نوره"ام ساره"رايحين البحرين مع عمك و ابوك...بنرجع العصر...اذا شفتونا تأخرنا روحوا بيت عمكم محمد...
عليا:ان شالله يمه...
في مدرسة شلة الانس بثالث ثنوي علمي...
رنا:استاذه...بدي روح الحمام هلأ...
استاذة الفيزيا:انرظي مكانك...بلا حمام بلا خرابيط...
سلوى:بليز استاذه البنت معاها السكر و تبي تروح الحمام...
رنا فبالها:حسبي الله على شيطانك يا سلوى...تمرضيني و انا مافيني شي؟؟بس حسابك بعدين...:ممكن؟
الاستاذه:دامك مريضه تفضلي..
سلوى غمزت لرنا وهي تضحك...
مي:استاذه...رنا ماتقدر تروح لحالها الحمام بعدين يصير لها شي و احنا ما ندري؟
الاستاذه:و المطلوب يعني؟
مي:الفزعه...
الاستاذه:اوكي روحي معاها بس يا ويلكم ان تأخرتوا...
رنا و مي:ان شالله...
و يطلعون من الفصل مستانسين...
دخلوا الحمام:
رنا طلعت الكحل من جيب جاكيتها مع البودره و بدت تعدل:
بعد ما خلصت:ميوه كذا عدل؟
مي:لا زيدي الكحل اكثر...
رنا:اختك راحت الجامعة اليوم؟؟
مي:لا شلة الوناسه متجمعين فبيت عمي عبدالله"بوخالد"...
رنا وهي تعدل الكحل:جواهر تقول ان امها راحت البحرين شلون تخليهم بالبيت؟
مي:ايه حتى امي معها...يقولون بيروحون يشترون فساتين حق زواج بنت صديقة امي...
جواهر دخلت بسرعه:مي مي رنوووووش...تخبوا الوكيله جايه...
مي:يا ويييييليييي...امس ماسكتني بالحمام...شسوي...
جاتهم سلوى:بسرعه على مخرج الطوارئ...
و يطلعون كلهم...
اول ما طلعوا دخلت الوكيله الحمام تشوف مين فيه:
رنا وهي تتنفس بسرعه:يمه...قلبي...ههههههههههههه بموت...
مي:هههههههههههه المصيبه الحين شلون بنرجع الفصل؟؟
سلوى:انا عندي حل...تعالوا انتو معاي و انتو ساكتين...
رنا:وش السالفه؟
سلوى:انا قلت للأستاذه انه معاك السكر صح و الا لاء؟
رنا:ايه حضرتك فشلتيني قدام الناس و العالم...
سلوى:خلاص نقول لها انك تعبتي و رحنا نشتري لك ماي...
الا يجيهم صوت المراقبه:يا بنااات...ع الفصل بسرعه و الا الاداره تستناكم؟؟!!
رنا:لا لا خلاص بنرجع...
مي:ايييه...اخيرا جاء الفرج...
رنا:ايه والا اليوم كانت بتكون نهاية سلوى و بلاويها على ايدي بس ابله هنادي انقذتها...
اما فبيت بوخالد:
بجناح عليا:
نجود...عليا...ساره..:
عليا:لو انكم ما مسكتوني كان ذبحتها السخيفه...متفقين نغيب و نسهر ويا بعض و آخرتها تقول ماقدر اجي؟؟
ساره:هههههههههههههههههههه انتي تعرفين ريما و عادتها...يعني مو اول مره تسويها فينا...
الا يسمعون احد يدق الباب:
عليا:ميييييييين؟؟
الا يجيهم صوت كلب...
ساره و نجود:يمااااااا كلللللب..علوووي عندكم كلب؟؟؟
عليا:لا والله ما عندنا...بس بروح اشوف مين...
فتحت عليا الباب بشويش بس ما شافت احد...
عليا:ما في احد..."الا تصرخ"يماااااااااااااااااااااااااااا...
ساره و نجود ركضوا لها:شفييييييييك علوووووووي؟
عليا وهي تصيح:كلب...كلب وخروووه عنييييييي...
الكلب كان يلاحق عليا وهي تصيح و تصارخ و البنات يصارخون وياها بس ماحد سامعم مايدرون من وين دخل الكلب...
الا يدخل عليهم حمد:
عليا ركضت تدور صوت حمد من وين جاي:حمووووووود الحقنيييييي يمه وخررره عنييييييي؟؟؟
تعلق الكلب ببنطلونها و كان كبير و يجنن لونه ابيض و كله شعر...
عليا وهي تصيح:يا ربي من وين دخل؟؟
حمد:عليا..."ضحك فجأة"هههههههههههههههههه شفيك تصيحين؟؟
عليا رفست الكلب و وخرت له و ركضت لحمد وهي تشهق:حمد...شيل هالكلب عني حمد وخره الله يخليك وخره...الله يخلييك حق مين هذا؟؟؟...
حمد:هههههههههههههه هذا حق نصور...
عليا:حق ناصر؟؟
حمد:هههههههههههه ايه جايبه من لبنان...بس مخليه بالاستراحه ولا احد شافه...خلي البنات يتحجبون بروح آخذه
عليا:اوكي...
عليا راحت عند البنات و جا حمد و خذ الكلب وهو يطالع ساره بحب كبير...
ساره خلاص حمرت من كثر ماهي مستحيه...
طلع حمد وهو ماسك الكلب و يغمز لساره:
انتبهت له عليا و سحبته بره:انت شفيك؟؟
حمد:اقول هديني علوي مالك دخل...حرام الواحد يحب؟؟
عليا:اجل خلاص بقول لك شي...
حمد متحمس:وشو؟؟
عليا مسويه نفسها مستحيه:انا احب...
حمد عصب:ايييييييييييييش؟؟؟
عليا:انت قلتها بنفسك...حرام الواحد يحب؟؟؟
حمد:تسكتين لا ادفنك هنا بالبيت؟؟
عليا:هههههههههههه لا اصبر ما قلت لك مين احب...
حمد:خلصينا انتي و بلاويك اللي ما تخلص...ميييييين؟؟
عليا بحب:مستعد للمصيبه؟؟
حمد طفش:علوي بتقولين و الا شلون؟؟
عليا:هههههههههههه خلاص بقول...احبك انت...
حمد..هذي شقاعدة تقول استخفت؟؟:علوي ماما مصخنه انتي؟؟
عليا:ههههههههههههه انا ماااااا امزح...اتكلم من جد...
و حبته على خده:
هنا حمد صار وجهه تقل طماطه:علوي عن اللواته؟؟؟قولي شتبين؟؟
عليا:والله ما امزح حمد...
ضحكت و ركضت داخل...حمد مستغرب من اخته شجاها فجأة؟؟:
طنش الموضوع و طلع من البيت وهو ماسك الكلب:

تتوقعون شراح يصير؟؟؟
ساره وحمد...شتتوقعون يصير معاهم؟؟؟
هذا كبداية شرايكم فيه؟؟؟؟
اكمل والا لاء؟؟

ليش ما احد يرد؟؟؟؟؟؟

غاليتي
(غرشوبة)
مشكورة على الطرح وانتظر جديديدك