النحيف : وينك فيه يا الدب سمعت انك متنكر وموقف في الشارع
والعالم يدورن حواليك يحسبونك دوار .ــــــــــــــــــــــــــــــــــــــ
الدب : لا يا جنط انا اللي سمعت انك متنكر وخاش بمكتبه وقاعد
على اساس انك قلم رصاص .ــــــــــــــــــــــــــــــــــــــ
النحيف : يا رجال كل تراب والله لو تصبغ جوانبك اسود وظهرك اصفر
صرت كنك حراثه .ــــــــــــــــــــــــــــــــــــــ
الدب : الحين من زين جسمك والا نسيت يوم طلعنا البر ونمت على
طعس بغى يدعسك ونيت يحسبك حية ( أم جنيب ) .ــــــــــــــــــــــــــــــــــــــ
.النحيف : احلف بالله .. انت وجسمك والله لو تنسدح على جنبك الايسر
وترفع يدك اليمنى صرت كنك عفريتة قلابي
ــــــــــــــــــــــــــــــــــــــ
الدب : قوووووويه هاههاهاهاهاه لكن شكلك نسيت يوم تمرض وتروح
الدكتور وقال نبي نسوي لك اشعه(x) قال مايحتاج وخذاك وحطك على
لمبة المكتب وشاف وش اللي فيك .ــــــــــــــــــــــــــــــــــــــ
النحيف : يارجال من شفتك لين جيت تركب السياره دهنّت جوانبك
بفازلين علشان تزرق في السياره وانا غاسل يدي منك .ــــــــــــــــــــــــــــــــــــــ
الدب : ايه ولين ركبت جنبي قمت اعشق فيك احسبك القير من نحفك .ــــــــــــــــــــــــــــــــــــــ
النحيف : أقول أهااا بس أهااا عنبوك من سمنتك صار الواحد يشوف
خدودك وهو واقف وراك صايره خدودك كنها مخابي (جكيت شتوي)
فيه فصفص .ــــــــــــــــــــــــــــــــــــــ
الدب : اقول الحين متميلح نفسك انت وعصاقيلك اجل تبيني اصير مثلك
لين جاء هواء طقو اهلك في ثوبك مسمار في الارض يخافون عليك تطير
ــــــــــــــــــــــــــــــــــــــ
النحيف : تدري كل ماشفتك ياالنفيخه تذكرت رجل كفرات ميشلان اللي
في الدعايه .ــــــــــــــــــــــــــــــــــــــ
الدب : تصدق بالله لو تمر من جنب جيب الدوريات أنك تشوش على
جهازهم .
ــــــــــــــــــــــــــــــــــــــ
النحيف : مسكين والله لو افصخك ثوبك وفنيلتك واجلسك على الارض
جوك التايلنديين يعبدونك يحسبونك بوذا .ــــــــــــــــــــــــــــــــــــــ
الدب : ماشفت نفسك وانت واقف ترى رجليك ساق بدون ركبه .
ــــــــــــــــــــــــــــــــــــــ
النحيف : اقول سمعت ان اهلك يروّشونك في الحوش بمكانس من كبرك .
ــــــــــــــــــــــــــــــــــــــ
الدب : انا سامع انك تتروش في المغسله .
ــــــــــــــــــــــــــــــــــــــ
النحيف : انا سمعت انهم صوروك يبون يطلعون لك جواز وحطو صورتك
وكتبو تحتها تتبع في الصفحه الاخرى .ــــــــــــــــــــــــــــــــــــــ
الدب : انا سمعت انهم صوروك 4 في 6 طلعت كلك
ــــــــــــــــــــــــــــــــــــــ
النحيف : انا سمعت انك اذا بغيت تركض تنسدح وتتدربا على جنبك ...
أسرع لك .ــــــــــــــــــــــــــــــــــــــ
الدب : اقول رح بس وراك انت ووجهك كنه مكان بريك سيكل .
ــــــــــــــــــــــــــــــــــــــ
النحيف : ههههههههه ضحكتني انت وخدودك اللي كنها دف طقاقه .
ــــــــــــــــــــــــــــــــــــــ
الدب : اقول شف شكلك كنك مرت بباي تاكل علك .
ــــــــــــــــــــــــــــــــــــــ
النحيف : اقول شف خشمك كنه مراجيح متعلق بها بزر .ــــــــــــــــــــــــــــــــــــــ
الدب : لا من زين خشمك اللي كنه أصبع بزر .
ــــــــــــــــــــــــــــــــــــــ
النحيف : اقول قم بس قم انت وشكلك كنك وايت مياه
(غير صالحه للشرب) .ــــــــــــــــــــــــــــــــــــــ
الدب : هههههههه ضحكتني انت وشكلك كنك فأر طايح ببالوعه .
ــــــــــــــــــــــــــــــــــــــ
النحيف : شف سنونك كنها طلاب ثالثه جيم واقفين عند مقصف .
ــــــــــــــــــــــــــــــــــــــ
الدب : عاد من زين سنونك كنها ضغاطات مسجل صناعه صينيه
حوار بين دوبى ونحيف 
رد: حوار بين دوبى ونحيف 
