عندي دروس خطيره لا تفوتكم يا بنات .. (موضوع خاص بالبنات ممنوع دخول التماسيح )

السلام عليكم ورحمة الله وبركاتــه



عندي دروس خطيره لا تفوتكم يا بنات ..
شوفو اللي مقهوره, واللي تبي تنتقم , واللي تبي ترفع ضغط اخوها تتبع هالخطوات والله يقويكم ....

(هذه دراسة سويتها)

*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟!
انا اقولتس ..

شوفي اذا صار مبقق عيونه وماهو جنب احد يعني لو تجيبين صاروخ تفجرينه قدامه مالتفت لتس اعرفي انه منسجم ,

هنا بس تقومين بشغلتس.. وتسوين نفستس بنت سنعه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

اذا قال: ابعدي. قولي لا انا مو فاضيتلتس بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمتس احد..

واذا قال: ابعدي لااصقعتس على وجهتس بالكاس قولي لا بيجون ضيوف . . العبي عليه حتى لو مو جايكم احد , والا سوي نفستس جالسه وتذكرتي ان الكيك بالفرن احترق نطي لين توصلين للفيش وفكيه برجولتس ولا تلتفتين وراكتس..وحطي رجلتس.


*** عند النوم ***

لا صار اخوتس (التمساح) يشخر.. خربي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ ,,,,,

والا تعالي وهو في سابع نومه قوميه بصرخه قويه اللي يفز مايدري عن نفسه الا وهو جالس وبكل برود قوليله نبي نطلع ..


*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتتس تنتقمين منه يعني تحرشي فيه خلي دمتس ثقيييييييييل بالمزح ,,,,,,,

بس انتبهي في هاللحظه راقبي حركات يده لان ممكن يصك أي شيء قدامه بوجهتس ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى ماني رايق ابعدي عني , انتي لا تسكتين قوليله واذا ماابعت وجهي وش بيصير

عاد هو بيقوم ويوريتس وش بيصير على سنع انتي في هالوقت اقضبي اول درجتين توصلتس لغرفتتس وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك



عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق هههههههههههههههه

+:.+:.+:.+:.+:.+:.+:.
بس خلاص هذي كل الدروس
+:.+:.+:.+:.+:.
ملاحظه ::
إذا صار شئ لاسمح الله ترى مالي شغل

متلثمة عيب عليك

هذا وهو اخوك وشلون لو عدوك

وبعدين شكلوا اخوانك مشيبين راسك

هههههههههههههههههههههههههههههههههههههههههههههههههه هههههههههههههههه
>>>جاري التجربه..
اسمعوا اذا فقدتوني من المنتدى خلال اربعه وعشرين ساعه اعرفو اني ميته واقبل تعازيكم في بيتنا اللي جنب البقاله في مقبره النسيم
وهالله هالله با المنتدى لاتنسوني وتذكرو ان في وحده اسمها هس هس تموووت فيكم ... طيب>>>من التصفيق الالي بيجيهااا
مشكوره يا المصرقعه

ههههههههههههههههههههااااااي

ابشررررررري يا هس هس بس اذا تبين الفزعات

انا بيتي ورى بيتكم بشارع <<<<< يلعن أم النصب انا في الدمام هع هع

تسلموووووون عالرد

يا فارس حرام علييييك ما عندي الا اخو واحد بس شحليله <<<< مطلع عيونها هع هع

احلى النصايح

بس اخاف يرفع ضغط امويمتي ماعندي الا هي الله يخليها لنا


وتصلمين خيتو

ولا تحرمينا من جديدتس

سلامي : النايفه