اذكر يوم كنا صغار ماعندنا سيارات...واذا نبي نروح مكان نركب في باص النقل ونروح المحل اللي نبيه
مرة كنت انا وصديقي طالعين ننتظر الباص... نبي نروح نتفسح شوي...
قلنا نروح الحديقة المائية...
انتظرنا في المحطة وكان ويانا ريال عود شايب...تقريبا في الستينات من عمره... بعد ينتظر الباص...شفنا الباص من بعيد ياي واستانسنا...
بعد ما قرب كان مليان حده... وفي ناس يالسين وناس واقفين...بنات... اولاد... شياب وعجايز من مختلف الاعمار مخلوطين...
قال صديقي : ما نبي نركب وايد ازدحام... لكن انا ما رضيت... وانا ما صدقت وصل الباص... قلت لازم اركب معاهم ما اقدر انتظر... لاني كنت متشوق للحديقة ابي اوصل بالسرعة... ولأن ذاك اليوم كان الجو حااااار وصعبة بعد انتظر لين يوصل باص غيره...
المهم... نزلوا بعض الركاب... وخلينا الريال العود اول شيء يركب الباص... بعدين ركبنا معاه... وقبل ما يتحرك الباص سمعنا هذا الريال يصرخ حده ويقول :
شباب...شباب...اسمعوا كلامي...وكل واحد يطالعه مب دارين شنو صاير.. بعدين قال : ليش هالخربطة؟؟؟ اتقوا الله حراااام...
انا الصراحة خفت لاني صغير وما ادري شنو صاير...
وصديقي بعد مب عارف شنو صاير...
وبعدين واصل كلامه الريال وقال :
يا الله يالله تحركوا...الرياييل جدام والحمير وراء ههههههههههه
والكل معترض ما يبون حمير وياهم...
والناس مستغربة شنو يقصد هالريال...مافي حمير...
واليهال يصيحون خايفين من الحمير...
انا كنت صغير مستغرب واسال صديقي هو كان اكبر مني شوي اقول له : وين الحمير...؟ بتروح علينا اذا ركبوهم...خلنا ننزل احسن لنا
قال لي لاااتخاف... لحظة بنشوف...
بعد شوي
السائق وقف الباص... يبي يعرف يمكن الريال مخرف لانه كبير في السن..راح له السائق وقال له حجي شنو تبي الحين...
قال : ابي الرياييل يصيرون جدام والحريم وراء هههههههههههه
بعدين عرفنا السااالفة...
مسكين ريال عووود اول مرة كان يبي يقول " الحريم" عكسها و قال " الحمير"
وذبحنا من الضحك
طول الوقت نتذكر ونضحك ونردد كلااامه....
الرياييل جدام والحمير وراء...
تحياتي...
@@ اتحدى اي واحد يدخل ما يضحك@@ 
العرض الشجري
