اصعب ماقرأت وسمعت من الشعر..في الخيانه بجميع اشكالها..

حقيقهـ هالقصيدهـ لا اعرف لمن ولكن اعجبتني جداً

لا ردك الله لا ولا اطلـب ترديـن
ادعي عليـك بعثـرة فـي صلاتـي

عثره تشلك مـا بعدهـا تقوميـن
يا قاتلتنـي يـوم صرتـي حياتـي

خدان لك بالقلب كانـت بساتيـن
وريضـان وغصونـا بهـا يانعاتـي

كنتي مناة القلب والـروح والعيـن
واليوم عينـك يعلهـا مـا تباتـي

كنت أحسبك للعهد والحب توفيـن
قلتي الغدر بالحب ماهـي بسواتـي

وحلفتي يمين الله مـا منـك اثنتيـن
وانـك مـلاك دون كـل البناتـي

وانك على عهـد المـودة تسيريـن
ولا تسمعين أهل الحسد والوشاتـي

وصار اليمين ستار خلفـه تواريـن
ورماح غـدرك بالخفـا مشرعاتـي

وبان الغدر سم جـرى بالشراييـن
الله عسى يسقيـك سـم الفعاتـي

كلي سقيتك حب واليـوم تنسيـن
تقولين حلـم ايـام واليـوم فاتـي

خذتي الهوى لعبه على مـا تحبيـن
لين عصفـت بالهـوى عاصفاتـي

من زينك يا بنـت بالشعـر تزييـن
.مـن صـورك بابياتـه الطايلاتـي

انا من غرامي قلت كانك تذكريـن
قلت الخجل صاب البدر من مناتـي

وصرتي بشعري في العذاري تباهيـن
تقولين انا شمس العصر فـي حلاتـي

زينتك بشعري ولا غربـك الزيـن
ما زانتك صبغـات حمـر الشفاتـي

صورتك بالشعر حـزام ورياحيـن
واثرك هضاب وشوك ما به هداتـي

رسمتك سحابه خيـر قطـر تنفيـن
فزت لك الصحراء زهـور ونباتـي

رسمتك مهـاه للجميلـه تقوديـن
واثرك قطيعـه وضيعتهـا الرعاتـي

واثرك غراب يوم سـدل الجناحيـن
كنت احسب اني شايف لي قطاتـي

بالشعر غليتك علـى كـل غالييـن
واثـرك دنيـه وتعشقيـن الدناتـي

وبالشعر عاتبتـك عتـاب المحبيـن
انا من يسوم الروح لك يـا غناتـي

توسلت لك خايف على حب عامين
عامين لكـن فـي حسابـي مئاتـي

ناديت لكن لي ابـد مـا تسمعيـن
عمري وروحي فكري فـي ثباتـي

حذراك للشينات عمـري تماشيـن
عديمات اصـل اخلاقهـن دانياتـي

غاب الولي عنهـن ولعبـن بحبليـن
يا خس واليهـن وخـس الولاتـي

ما همهن في الناس زيـن ولا شيـن
وقلوبهن مـن حقدهـن مظلماتـي

وقلتي وربك لـو يكونـا ملاييـن
ما غيرن بالطباعهـن مـن سماتـي

تحسبيـن انـك بالمهافـه ترقـيـن
كيف الصعـود يكـون للهاوياتـي

وخنتي وبعتي كل عهـد واياميـن
ما عاد يفرق بيـن ماضـي واتـي

وصرتي مثل غيرك برخـص تبيعيـن
يا مرخصتني ما بقى لـك غلاتـي

صبري نفذ واليوم ثـارت براكيـن
مظلوم انا وباكـر تحـل ادعواتـي

سمعي عسى من بعدها ما تسمعيـن
سمعي دعا من صار قلبـه حصاتـي

ادعي عسى من ناضرك ما تشوفيـن
وتطحن بك الايام طحـن الرحاتـي

وعساك عوق منه مـا عـاد تبريـن
عوق تشافق لـه قلـوب العداتـي

ويالله عسى يحتـار فيـك المداويـن
تبين الممـات ولا يجيـك المماتـي

ويالله عسى كف الندامـه تعضيـن
تندمين يوم انـه يفـوت الفواتـي

وتبكين دم يسيل من مقلـة العيـن
وتحتار امك عـن عنـاك وتحاتـي

عسى ما تلاقي من له القلب تهديـن
وان حصل ادعي عسـاك الشتاتـي

يا بلوة اللي وسـط بيتـه تعيشيـن
ساهي وحوله شب جمـر الغضاتـي

عسى بعمـرك ساعـه مـا تهنيـن
وتمضي حياتك بين هـم وشقاتـي

يا بنت قلبـي ويـن مثلـه تلاقيـن
قلبا عطاك الحب مـا قـال هاتـي

جيتك وروحي شلتها لك بكفيـن
وفي التاليه رمـح الخيانـه جزاتـي

يالله عساك النـار يـا أم وجهيـن
كله انكشف لا مـا تفيـد العباتـي

ويالله عسى تلبسك جن وشياطيـن
وتكونين مدعاة الحكـي والشماتـي

يـا حيـة رقطـا تقـود الثعابيـن
باكـر تحـن ايامـك المعتمـاتـي

وباكر على فعلـك بمثلـه تجازيـن
ظلم المشاعر مـا تحكمـه قضاتـي

بيني وبينك تحكـم ايـام وسنيـن
وانا شاهدي قلبا من الغـدر ماتـي

ويا دمعـة التمسـاح لالا تذرفيـن
العيون رغـم ادموعهـا كاذباتـي

لا ما عرفتي الحـب لا مـا تحسيـن
وغدرك تعدى غدر ذيـب الفلاتـي

الذيب يعوي قبل يغـدر بمسكيـن
وانتي غدرتي خافقـي فـي سباتـي

لو كان غدرك في كفوف الموازيـن
لكان رجـح كـل غـدر البناتـي

انتي السبب سقتـي علـى القلـب
جرحين غدر الغرام وموجع الذكرياتي

وانتي السبب واليـوم لالا تلوميـن
وان جاك باكر شوفي اشلون يأتـي

والله لاكتب وافضحك في دواويـن
وارقص واغني يـوم خبـر الوفاتـي

وارسم لاهل العشق قلبا وسهميـن
وقصة خيانه مـا روتهـا الرواتـي

ويمين لانشر فوق اسمـك عناويـن
واشهرك من قاصي اليمـن للفراتـي

ومن غرب هالدنيا الى قاصي الصين
ديوان غـدر فيـه كـل اللغاتـي

والبادي اظلم سنـة العيـن بالعيـن
والا فـذي لا عادتـي ولا صفاتـي

ويا شبه انسانـه بـرأس ورجليـن
اعـوذ بالرحمـن منـك بصلاتـي