ضمني

ضمني ... إكسر ضلوعي
ضلع...ضلع ...!!
ياحلو كسر الضلوع ... وضمها ...!!
طاح منديلك ...
وباقي بك دموع ... ياحلو دموع البنات ... ودمها...!!
لا تسافر بي ...
انا دروبي طوال ...
والهوى أعرف دروبة ...
والجفى ... غير الوفاء ...
والشتاء برده غرام ...
والجفى دربه حرام ...!!
والبنية لو تموووووت من الهيام ما تقول إني " أحب ...!! "
سالفتها بصدرها تنبت ورود ...
بس مايقوى يجاوب فمها ...!!
ياعذاب اهل الهوى ...
ضمني موووت ... وحياة ...!!
عطني انفاسك عطر ...
وتمتم بحرفين شوق ...
وأنت ذوقك بالهوى من جد ذوق ...
ودي أشرب ... الظمأ يجرح لهاتي ...
وسال دمي من شفاتي ...!!
يا غناتي ... مابقى بالكاس صبر
ولا بقى بالقلب ما يقوى عليه
لمني ...
شمني ...
إنتفض مثلي وله ...
خل احس إن الهوى يحفر عروقك
خل اذوق الموت في لحظة اذوقك ...!!
حرك شفاهك شوي ... خلني اكتب قصيدة ...
قل كلامك ...
وإن قضى حكيك أبي تكفى تعيده ...!!
ما املك
خلني اضحك على همومي دقيقة ...
للهوى لذة ... ما عرفها غير من ذاق الجفى ...
والهوى كنت احسبه كذبة بنات ...
لعن ابوه اثره حقيقة...؟!!
يابعد كل الوصل
ودي لعيوني تصيح ... ودمعة عيونك تطيح
صح فديتك ...!!
خلها تمشي على خدك لين تنبت فيه وردة ...!!
ودي افرح في دموعك ...
ودي تتنهت وتتحرك ظلوعك ...!!
انا ماصدقت اشوفك ...!!
ياحلو ساعة رجوعك
ودي امسح دمعتك لحظة تطيح ...
ياحلو دموع البنات ... طاهرة مثل المطر ...!!
مابقى فيني دموع
ومابقى فيني صبر
والسهر مل ... وتأفف ... وانكسر
والغلا وربي جمر
وانت لو تدري بغلاك ... وربي ما ترقد شهر ...!!
وخل اقول لك شيء...!!
يمكن إنه عند غيري شي عادي ... بس في قلبي كبير ...!!
ويمكن إنه عند غيري بس كذبة ... بس انا عندي حقيقة
تدري وشهو ...؟!
وربي اللي كوّن الكون الكبير إن غلاك اكبر شوي ...
وإنك ب قلبي شمال...
وانك ب عقلي خيال...
وانك ب دمي دلال ...
وإنك ب نبضة وريدي كل شي...!!
وإنك حروفي ب قصيدي ...
وإنك الضحكة ب عيدي ...!!
وإنك أغلى من الهوى اللي وسط صدري
وإنك أحلى من سنيني ...
وإنك أقرب من شراييني لقلبي
وإنك إحساسي وشعوري ...
وإنك الناس ب عيوني
وإن سواليفك مطر
وإن عرق كفك عطر ...
وإني اقهر فيك شمس الصبح
واغيض القمر ...!!
وإني أغليك أكثر من غلا أُمك وأبوك
وإني أطرب يوم اشوفك ... وأنتشي لعينك
وإني أشهق مادريت يوم اشوفك يابعد قلبي تمر ...!!
هذا عشقي لك فديتك ...
هذا موتي ...
هذي حكاياتي قبل نومي
والهوى وربي جمر ...!!
ربي يرضى لي عليك ...!!
وربي تهبل بلد ...!!
يااااااااااااه على ملحك ...
وضحكاتك ...
وإذا تزعل
والله ما مثلك احد ...
بسم الله عليك ...!!


تذوقها .. فانها ,, رائعه من روائع الزمن

اتمنى انها تعجبكم مثل ماعجبتني

يابخت الغرور فيني

تنساب أحرفك الرائعة كموسيقى عذبة من قيثارة هادئة

تتراقص أحرفك بتناغم وتناسق غريب

تمنحيننا الدفء بكلماتك الناعمة

تبعثين الحياة بين أضلعنا بألحان عذبة تعزفين

أميرتي

عشقت متصفحك الرائع حتى الثمالة

تشدني أحرفك فأنساق دون وعي لأجد نفسي أسبح خلالها


أسلوب أنيق ... بلاغة ... رقة في البوح

سيدتي

ماجد عبد الله

اسعدني تواجدك هنا

كن بالقرب دوما,,

نهر الحب

احلى مرور

نورتي صفحتي

تقدير لروحك,,