][®][^][®][يـــــوم فــــــي حياة عضـــــو][®][^][®][

اشكرك اختي

اممم .. نمت عند الساعه 6 صباحاً وماصحيت الا عند الساعه الخامسه عصراً
وثم صليت الظهر والعصر وجلست اتغدى وثم اخذت لي شور ع الطاير وثم اخذت لي كوب شاي
وفتحت النت وجلست اتصفح الجرايد وثم دخلت موقع النصر وشفت اخبارهـ وثم جيتكم هنا
حيث المتعه العارمه ( الا يأذن المغرب ) طلعت اصلي وثم رجعت البيت اكمل الإستمتاع في عذب الكلام
بعدها بنص ساعه طلعت لصديق لي اعطيه غرض له وثم وانا راجع مريت السوبر اشتريت كم غرض للأهل
وماوصلت الا مأذن العشاء .. انتظرت قريب الإقامه رحت المسجد اصلي وثم رجعت للبيت عشان بروح بأهلي لعمتي رحت فيهم لعمتي ورجعت للبيت وقبل لا ادخل اشتريت ( 2 ديو ) << مشروبي المفضل
وفتحت النت وخذ انواع الشغلات وانواع التتنيح لين وصلت 12 ونص .. طلعت من النت نزلت اقلب في التلفزيون ما اعجبني شي رجعت النت وفتحت الفيتو وجلست اصمم واحوس لحد الساع 3 طلعت من النت
رحت اشتري عشاء << مزلبينه اهله اشتريت عشاء ورجعت وافتح الجزيره واشوف اخبار العالم
ومافيه غير استقبل ودع قلت مالها الا النوم << الشيطان انسدحت ( انواع الطفش ) لحد ما اذن
طلعت وصليت الفجر ومريت صيدليه وثم طياران ع اهلي اجيبهم رحت وجبتهم وجيت للبيت حطيت راسي ياولد نوم مافي نوم .. قلت بخش النت اصرف لي .. وللحين معكم وبعد نص ساعه بطلع انام (( طبعا مستحيل برنامجي يكون متكرر ))


بتلاحظون اكثر وقتي بالبيت .. لي 5 سنوات صاير بيتوتي مليت الهجوله


اختار اممممم مدري اختاري انتي يادلعي

والله من جد عاشق كل وقتك بالبيت ترى يكون احسن

تعــــــــال لحظهـ ليش جايب دي من لهـ الثاني------<<< ملقوفهـ



ع العموم الله يجعل ايامك كلها خير وبركهـ وسعادهـ


اشكركـ على تفاعلكـ


وتــــــــــــامر بكتب يومي الحين

اشكرك عاشق على اختياري

وهذا يومي يجيب العلهـ


الفجر كنت بالمنتدى الا الساعه 6 رحت للمدرسه اجيب النتيجه

طبعا جلست هناك الى الساعه 8 طلعت الوكيله الله لايبارك فيها


وقالت النتايج يوم الاثنين طبعا رجعت البيت اخلاقي واصله حدي من الطفش


لما رجعت جاتني الفاجعه ان الكهرب طافي خلاص بوقتها خنقتني العبره وابكي


طبعا نص ساعهـ اشتغل الكهرب ودخلت المنتدى الى الساعه 12 كان وقت وصول اخوي من السفر


صليت الظهر وجلست مع اهلي وتغديت ونوووووووووووومه الى الساعه 11


جوني بنات اختي وصحيت وجلست وياهم سوالف وسهره اذن الفجر راحوا من عندي

وجيت جلست ع المنتدى احوس فيه الى الحين الساعه8 و8 دقايق اكتب يومي لكم

وبطلعالحين افطر وانام


وتوته توته وانتهت الحتوتهـ



وأختــــــــــــــــــــــــار الحلا كــــــــــــلهـ

...
يسلم قلبك يابعدي عاالاختيار



...
ونبدا

اممم
يومي بدا بعد ماقمت من النوم التاسعه صباحا وماامداني الا وانا بالسياره
تحت لهيب الشمس الحارقه انطلقنا للسوق وصايره دوام رسمي معهم
اول مره اكره طلعه السوق كثر هالمره
المهم رحت وانا مغمضه عيوني وفيني النوم وامشي بدون هدف وامي تقول شوفي هنا هذا حلو
وذا مدري وشو وانا لا لا لا مايناسب وربي مادريت وشو بس ابي ارجع
بس طار النوم من شفت البقاله وشريت ميرندا برتقال ---<< الله يهديها من علمتك ادمانها
ورجعت خاويه اليدين الا من كيس البقاله
اممم
عقبها نمت لين وحده تغديت ورحت اشوف المودم حقنا
احط ايدي على قلبي اخاف اشوف لمبه حمرا
على فكره وش تشكي منه زجول
عشان فتره خبصوا تخلينا عنهم وتنكرنا لهم
ولجهودهم السابقه في سبيل توفير تصفح سريع
انا ساظل معهم حتى النهايه وبكون وفيه
ولابروح لنسمه ولا غيرها
--<< نصابه تبي تغيره بس محد عطاها وجه

المهم لقيت اللمبه حمرا يعني نت مافيه رحت اتصل على صديقتي تطلع لي نتيجه اخر اختبار
وطلعت بعد ماطلعت ارواحنا
وبعدها رحت السوق
---<< يومها كله بالسوق
ومارجعت الا العشا رجعت لبيت خالتي نتبادل اطراف الحديث ونتسامر لين رجعنا وحطيت راسي ونمت
وحلمت كان تبون اكمل الحلم واقول وش كان ماعندي مانع


امممم
بشوف المتواجدين واختار من بعدي..!

...


...
اختار عبير الورد