أنواع السحالي في الماسنجر..

هاي شلونكم شخباركم المهم بنات حبيت أقولكم عن أنواع الشباب بالماسنجر!!

في تماسيح ياجماعة الخير اخذين بأنفسهم مقلب يعني رايحين فيها وبدون ما نظلم تمساح ونفضل واحد على الثاني حبيت بس انقل لكم بعض من
أنواع التماسيح على الماسنجر وهم وايد وإعدادهم فاقت كل التوقعات وكل الافتراضات اللي حطوها منظمة ( البنات أحلى وغيرهم يبلى ) ما أطول عليكم أول نوع:

1- التمساح المستخف:هذا الله يعينك عليه لو انك أضفتيه عندك مثل الجني ليل على نهار موجود وتوك ياهادي عملت تسجيل دخول نط لج كأنه قطوة وكلامه
ما يخلص كل ما تبي تكتبي شيء كلمك عن شيء ثاني ما يعطيج وقت تتنفسين يعني( ماعندة وقت )

2- التمساح الثرثار :هذا لو أضفتيه يعني جنيتي على نفسج ييييييييه كلامه ما يخلص رحت السوق الفلاني وبنت شافتني أعجبت فيني ، ضحكتلي ،
طلبتني الرقم ، بس أنا ما أعطيتها وجه والأخ في الله مأخذ مقلب كبيييييييييير في نفسه

3- التمساح المغرور:اما هذا عايش في كوكب ثاني بروحه ومن كلامه ،، بنت خالتي تحبني ، أنا أحلى ولد في العايلة ، أنا وحيد ماما وبابا ،
أنا راح أسافر في الويك أند لبنان ( قووية هذي الويك أند) وبنت عمي خطبتها واهيه رفضت ولكن اهيه الندمانه والوالد جبرني عليها وأنا ما ابيها
وأنتي يالمسكينة دماغك كبيرت من هالهرج وهذا لما تعملي تسجيل دخول يتركك نص ساعة وبعدين يقلك (هاي .. وينك ..توج داخلة ؟؟ تصدقينن اني ما شفتج )
وهاتك يا هرج ............

4- التمساح الجدي:
هذا يخليج تعتزلين النت بكامله هرجوا هو و كلامه هوهو ما يتغير ويكلمك عن قصة زواجه الفاشلة ومديره في العمل وانه إنسان مضطهد
وإنسان كتوم وإنسان متفاني وانتي اللي اخرجتيه من وحدته ويييييييييه تنامين وتقومين وهو للحين يتكلم في نفس الموضوع

5- التمساح العربجي:
هذا تموتين ولا تفهمين من كلامه شيء إلا لو كنتي بنت حواري عاد ساعتها وافق شن طبقه هو صج في بعض كلامه يضحك
لكنه سوسة مثله مثل غيره من التماسيح يشتمك وانتي تضحكيله .......


6- التمساح الطفولي:لو تكلمين نونو كان ابرك لج من انج تكلمينه كل ما تقولين له كلمة يزعل ويقول للماما وعلى طول بلوك وديليت ويقولج كل كبيرة وصغيرة
في حياته كأنج أمه وانتي ما تدرين

7- التمساح الرومانسي
هذا الله يعين كتفه اليسار من كثر الكذب وتفليت الكلام الفاضي وكلماته معروفه وقاموسه واحد ومعروف
(عمري وينك) و (قلبي واحشاني موت) و (حبيبتي) و (يا بعد هلي وطوايفي) ولو مزحتي معاه واعطيته وجه (اموووووت انا) و (عسل والله عسل)

لو كان من أهل الرياض رح يقلك ( بعدي)
لو كان من أهل جدة رح يقلك (أحبُـــك) بضم الباء
لو كان من مصر رح يقلك ( يا حبيبة البي بحبك أوي)
لو كان من سوريا رح يقلك (تــءــبشيني وتــءـــبري) البي ان شاء الله
لو كان من حضرموت رح يقلك (أحبش)
لو كان من الأمارات رح يقلك ( يا غنااتي)
لو كان من الكويت وقطر والشرقية رح يقلك ( أحبج )
لو كان من البحرين رح يقلك (أحبــٍّج)
الدول الثانية للحين ما توصلنا له


هههههههههههههههههههههههههههههههههاي

قرات اول شي بس

لانو مامداني اقرا الباقي

فــ برب