إلحاقاً للموضوع الذي تم إثارته قبل فترة بين شركة الخطوط السعوديّة ومطار مصر والذي تسبب في مشكلتها (( فأر )) ولم يتم تحديد جنسيته <<< أبوووك من فأر :)
وهذا الرابط http://www.3kalam.com/vb/t16098.html
وصلني عبر الإيميل مقتطفات من الردود حول القضيّة .. وطبعاً كان الفأر قد أثار الذعر على رحلة الخطوط الجوية السعودية رقم 302قبل إقلاعها بربع ساعة، عندما صرخت راكبة بعد أن اكتشفت أن فأرا يسير علي جسد ابنها الذي يجلس بجوارها، الأمر الذي تسبب في وقف تشغيل الطائرة لأكثر من 24 ساعة، وإلغاء رحلتها وعودتها من علي ممر الإقلاع وعلي متنها 368 راكباً، وحدوث خسائر للشركة- التي اتهمت سلطات مطار القاهرة بالإهمال والتسبب في هذه الخسائر- بلغت نحو 3 ملايين جنيه لقيام الشركة باستدعاء طائرة أخري .
-----------
لكن الاظرف كانت تعليقات المصريين علي الخبر ومنها :
(1) حتى الفيران عايزة تهاجر وتسيب البلد
(2) الفار مصرى ابن مصرى ،بس زى حالة كتير من المصرين زهقوا من وضع البلد فكر يسافر يلقط رزقه فى السعودية، الله يعينه عنده اسرة وعياااااااااااال مش لاقى يأكلهم
(3) يا جماعه انا الى عرفتوا عن الفار ده انه ابوه مصري وامه سعودية
(4) اكيد مش مصري لان الفار المصرى اخره يوم ما يكون فار صايع قوى كبيره يطلع ماسوره مجارى ده لو قلبه ميت.
(5) اهم حاجة اوراق الفار سليمة ولا لا ؟
(6) مش يمكن الفار دة كان بيفكر يسافر على ايطاليا بس خاف يموت والمفتى يقول عليه مش شهيد فقال اركب طيارة احسن واسافر على بلد عربى وربنا يفتحها فى وشى واسيب البلد دى ويمكن ارجع بعد 50 سنة والاقى السيد الرئيس زى ما هوة اسلم علية وارجع على هناك تانى .
(7) يا بخت الفار دة والله العظيم انا بحسده انه فكر يسافر السعودية بس كان من الافضل بالنسبه للعملة انه يسافر الكويت او الامارات
و كمان عشان ما يقعدش في ايد كفيل فار سعودي معندوش ضمير يسلط عليه قطط المملكة.
(8) حتى الفئران عايزة تهاجر جتنا نيلة فى حظنا الهباب والنبى لو تعرف يا سيد فار تجبلى عقد عمل ابعت لى.
(9) صعب نحدد جنسيته و انا رأيي يسيبوه لغاية ماتش ((مباراة)) مصر مع السعوديه.. ويقولوله يومها ان مصر كسبت ونشوف رد فعله.. لو فرح يبقي مصري.. ولو اتضايق يبقي برضه مصري بس نفسه المدرب حسن شحاته يمشي...
(10) تعليق من السعويه: انا اقول يا جماعه نحط له صحن كبسة و صحن فول ووين ما ياكل نعرف انه مصري والا سعودي
مشكلة بين السعودية ومصر 
رد: مشكلة بين السعودية ومصر 
