يابوي هذا مو موضوع هذا صار مسلسل مكسيكي
اسمعي يادلوعه اسردي القصه كامله ولا والله
لاشبك هالاب توب بوز في الجدار قهرتيني وخليتينا نتعلق هههههههههههههههههه
هلا والله أخوي المصدر..
أجل صار فيها أكشن<< ذكرتني ببروفيسور مصري عندنا دايم يقول حآخد أكشن ضدكوا <<طيب وش دخلنا فيه تكفين << هاه مدري مدري :p
القصة تقريبا 10 أجزاء بس بصير أنزل في اليوم جزئين أو ثلاثة عشان ماتطفشون مني ومن القصة اللي جايبتها..
تسلم أخوي ع التثبيت مشكوووووووور ماقصرت..
المشاركة الأصلية كتبت بواسطة توتي روما
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
يابوي هذا مو موضوع هذا صار مسلسل مكسيكي
اسمعي يادلوعه اسردي القصه كامله ولا والله
لاشبك هالاب توب بوز في الجدار قهرتيني وخليتينا نتعلق هههههههههههههههههه
على هونك على هونك بشويش وإلا ترا بعلم أبوي عليك << يقالها مسوية تهدد :p
خلاص خلاص ولايهمك كلش إلا اللاب توب المسكين يروح فيها بعدين << خافت البنت
خلاص بصير أنزل كم جزء في نفس اليوم عساس مايجي اللاب توب شي << راحمة اللاب توب ..
ثواني وأنزل جزئين ورا بعض..
نكمل القصة ياترى وش صار مع خالد هل راح وشاف البنت وخطبها رسمي وإلا وش صار عليه؟؟
نشوف الجزء الثالث وش يحمل معه من أحداث << مايمديني ع أسلوبي أنا :p الجزء الثالث:
يوم الاثنين العصر جاني للبيت!! خفت يكون صاير شيء...خير خالد عسى ما شر...وبتوتر واضح في صوته.. ابد والله احس اني متوترشوي... ابتسمت له... يابن الحلال شده وتزول زي غيرها... ابتسم وقال...وشرايك تجي معي!! ...قعدت اطالعه ابي اتاكد انه جاد ...انت صاحي!!وين اجي معك؟؟! ...طيب تعال وخلك فالسياره بس... شديت على يده وحطيت عيني في عينه وقلت:يابن الحلال رح لحالك وانا بستناك في بيتنا طيب!!..كان يطقطق اصابعه... ادع لي يالرمت... ما يحتاج قول الله يوفقك ويسنع دربك انشاءالله, يالله عاد الحين رح وحلق وتكشخ تلقاك شهر ما دخلت الحلاق على هالوجه... كنت احاول اضحكه لانه واضح انه متوتر...طيب اجي عندك عشان تشوف شكلي قبل اروح لهم...كتمت ضحكتي...انا لله وانا اليه راجعون؟!!انت وبعدين معك ياعمي اصلا البنت اول ما تشوف عيونك بتوافق لا تشيل هم وتوكل على ربك ...الله يستر ما ادري وش فيني خايف ياعمي؟!...(كلمه ياعمي معروف اني دايم اقولها فاذا قالها خلود لي يعني خلك معي او افزع لي زي ماتقولون كانت كلمات بينا)...عادي كل العالم يتوترون في هالموقف بس انت شد حيلك ولا تتأخر على الجماعه...طلع من عندي, وبعد العشاء كنت انا اللي ما ادري وش اسوي بعمري من التوتر وكل شوي ادق عليه لدرجة ان ريم اختي حاولت تهديني...ما صارت يابندر يمكن انت متوتر اكثر منه...ياريم هذا خالد تعرفين يعني وشو خالد هذا اقرب لي من نفسي... والله عارفه بتعلمني فيكم بس اذكر الله وهد الوضع شوي...ما بقى عندي صبر وطلعت للشارع استناه,بعد حوالي الساعه شفت سيارته مقبله بسرعه جنونيه كالعاده لدرجة انه بغى يدخلني تحتها لولا اني بعدت بسرعه,نزل وشوي ويناقز من الفرحه.. وبرعب صرخت فيه ..خلووووود!!!انت خبل بغيت اروح تحت سيارتك..ناظرني نظرات جديده علي وابتسم..سألته..ها بشر؟؟ ...لمني الرجال وعرفت انها دخلت مزاجه لدرجه انه ما عاد يدري وينه فيه,المشكله انه يتكلم ولا فهمت من اللي قال ولا حرف, كنت اعرفه عاطفي بس ما توقعت انه يتعلق لهالدرجه وبهالسرعه,فرحت له لما شفت كل هالسعاده فيه لكني بديت اتخيل وشلون بيصير حالنا بعد هالتغير اللي ما طرى على بال, يمكن تستغربون ليش كنت متخوف كثير بس صدقوني لما يكون عندك انسان موجه لك كل ذره في كيانه وكل فكره معك ولفتره طويله من عمرك وفجأه يجي من يشاركك فيه ,صدقوني تتلخبط حياتك ولو كانت المشاركه بسيطه وشلون لو جا الانسان اللي بيصير منافس لك؟! مو حب تملك لكنها عاده وغلا كبير...قطع حبل افكاري خالد وهو يقول: على فكره بندر في شي ابي اقول لك اياه...وجهه وهو يقول هالكلام ذكرني بوجهه لما جا يعلمني انه سرق شاهي وحليب من غرفة المدير واحنا صغار،قلت بأبتسامه..وش مسوي بعد هالمره؟؟... مسكني بيدي وجلسنا على رصيف بيتنا حسيت الموضوع جد قال: صراحه يابندر انا ما قلت لهم اني ادخن؟!!لحظه قبل لا تقول شيء اصلا هم ما سألوا الا اليوم وانحرجت وقلت لهم لا ما ادخن خبرك خفت يرفضون...افا ليش يا خالد تبدى حياتك بكذبه تافهه؟!.. ومن قال لك انها كذبه؟! اصلا انا نويت اني اوقف زقاير...انا لما قال لي كذا ضحكت!!تذكرت السنين اللي كنت احاول فيه انه يوقف وكيف انه حاول كم يوم ولا قدر وفالاخير لما اشوفه يعاني نستسلم, لكن من عيونه واضح انه كان مصر ومصمم هالمره على هالشي والله العالم.
بندر اكيد بيجون يوم ويسألونك انت بالذات من بد الشباب عشان كذا حبيت اعطيك خبر..مو شرط يا خالد بالعكس كثير ناس مايفضلون يسألون الاصدقاء المقربين وطبعا واضح السبب,لكن لو جاني احد وسألني عنك ماراح اكذب عليه بقوله هالكلمتين يالرمت: خالد صديقي من سنين والف النعم فيه بس انا متفق معه لما نتزوج محد يعطي معلومات عن الثاني عشان الإحراج لان زي ما الواحد يقول الحسنات لا زم يقول السيئات مافي كامل فهالدنيا هذا زواج مو لعبه وحنا ما نبي نضطر لهالشي, بس اذا تبي العلم باختصار لو طلبني اختي عطيته اياها وهذا كل اللي عندي..
لما انتهيت من كلامي ربت على كتفي وقال ريحت بالي ماخاب ظني فيك يالرمت انا اشهد اني عرفت من اخاوي،توادعنا وركب سيارته, دخلت البيت وانا احس بضيقه شديده صحيح دخلنا ال26 ذاك الوقت يعني طبيعي اللي قاعد يصير لكن ما ادري وش اللي كان صاير معي.
كان يكلمني كل يوم عن المستجدات اللي صارت ويسألني اذا كان احد جاني من اهل البنت وانا اقول له للحين ما شفت احد وحتى لما نتقابل طول الوقت يتكلم فهالموضوع,بيني وبينكم بديت اطفش صار كل كلامه عن زواجه لكن اللي معجبني في هالسالفه كلها اصراره على ترك التدخين صحيح حالته كاسره خاطري يعني الصداع ماتركه ابد وعيونه دايم حمر ونفسه في خشمه طول الوقت والربع كلهم يحطمونه يقولون اول ما تتزوج بترجع لا تتعب نفسك، بس في تقدم قعد اسبوع وشوي بدون ولا زقاره,كان مصر على هالبنت ومايبي شي يوقف في طريقه وخالد صديقي واعرفه زين اذا حط شي في باله يجيبه. طيب ياترى أهل البنت هل كلموا بندر وسألوه عن خالد وأخلاقه وإلا لا؟؟
تابعوا الجزء الرابع وتعرفون وش صار..
نكمل القصة تتوقعون أهل البنت كلموا بندر؟؟
وإلا ماكلموه؟؟
خل نشوف الجزء الرابع ومايحتويه من مفاجأت صيف دبي << وش صيف دبي أنتي بعد << ماعليكم هسترت :p الجزء الرابع:
يوم الخميس زي عادتنا كنا مجتمعين انا والربع فالاستراحه وخالد للحين ما جا صار دايم يتأخر لكن عمره ما تركنا,كنا جالسين بعضنا يلعب ورقه والباقين يسولفون,انا كنت العب وسمعنا صفقة الباب اللي برى وبما ان خالد اللي ناقصنا عرفنا انه هو,وبدى التعليق اللي يقول جانا العريس والثاني يقول الله يعينا عليه من اول ما وقف زقاير وهو نار شابه,قلت لهم:كلش الا خويي عاد لحد يغلط عليه وانا موجود ...وقعدنا نضحك ,فتح باب الغرفه والتفت اسلم عليه ماحسيت الا واحد يرفعني من القلابي ويلزقني عالجدار بقوه,لما حاولت اعرف من هو الا هو خالد كان معصب ويصرخ في وجهي ويدفع جسمي عالجدار بطريقه عنيفه, كنت مصدوم واطالع فيه مو فاهم شاللي صاير حتى ربعنا يطالعون بتعجب ولما استوعبوا ان السالفه هوشه قاموا يفكونه عني, في هاللحظه انا للحين ما بعد استوعبت الموقف بس يوم شفتهم يسحبونه عني حسيت انهم اوجعوه بديت ابعدهم معه واحاول احميه بيديني كنت خايف عليه وجسمه صار احمر من تسحيبهم الشديد وانا لهاللحظه ما ادري وش صاير لكنهم كانوا اكثر منا وقدروا يمسكون كل واحد في جهه,سامي كان يسأل خالد بعصبيه: انت صاحي؟!! وش جاك انهبلت؟!وش صاير؟!ورد خالد بصوت انسان ثاني ما عرفه وياليته ما تكلم: اسأل هالجبان اللي قدامكم وش سوى لا تسألوني انا.. في هالوقت بديت استوعب الموقف...خالد قدامي في حاله عمري ما شفته فيها,معصب والكلام يطلع مقطع منه بسبب تنفسه السريع,نظرته ماغيرها تطل من عيونه بس الحقد حل محل البراءه؟؟كان كل شوي يحاول يتخلص من يدينهم عشان يضربني!! تصوروا!!بعد كل هالعمر وهالعشره يضربني انا بندر صديق عمره ورفيق دربه,قلت له وانا احاول اقرب عنده اهديه:وش بلاك ياخالد انا وش سويت ياخوي؟! رجع يحاول يتهجم علي وابعدوني عنه بسرعه..لا تقول ياخوي انا لاني اخوك ولا اتشرف اكون اخوك وبصوت تخالطه البحه من شدة الصراخ وهو يمسك راسه بين يدينه بعصبيه..وبعدين لا تقول وش سويت ياحقير لا تنرفزني زياده...خفت عليه كان يصارخ ما يتكلم ويطلع كلامات زي السم...لما ما تكون قد الكلام اللي تقوله لا تقعد تتفلسف علي يا اكبر كذاب..قال سامي..خالد وش هالكلام؟!! كبر عقلك وخلنا نفهم القصه...صرخ فيه..انتم لا تتدخلون ورجع يطالعني وهو يضرب على صدره بقهر واضح..انت ما شفتني اموت فاليوم عشرين مره وانا احاول بكل ما فيني اني اوقف زقاير ليش تقولهم اني كنت ادخن ليش؟!...كنت هاللحظه زي الغبي وعيوني بتطلع من مكانها رديت.. خالد انا قلت لك محد جاني ولا احد سألني--..كلامي زاد ثورته وقام يتحرك زي المجنون..هذا اللي يبي يذبحني، بندر لا تكذب لا تكذب ما ابي اسمع منك ولا كلمه صحيح انهم رفضوني بس ما يهم البنت بدالها الف وبدت نبرة صوته تخف حدتها..لكن انت ليش سويت كذا يا بندر ليش؟! الكلام اللي قلت لي ذاك اليوم كان كله كذب وتمثيل؟!!على الأقل ليش توعدني وتخلف لو قلت انك بتعلمهم كان تفهمت الموضوع, انت حطيتني في اصعب موقف، معقوله استخسرت السعاده اللي انا كنت عايشها ولا قدرت تستحمل فكره اني ابعد عنك شوي!! معقوله يابندر انت من بد هالعالم كلهم تسوي فيني كذا هذا جزاي اني عزيتك؟؟!..رجعت النبره العاليه.. ما توقعتك كذا ابدا انت انسان اناني تعرف يعني ايش اناني؟! حاولت اتمالك نفسي ورديت بصوت هادي قد ما اقدر...بس لا تكمل لا تقول كلام تندم عليه بعدين يا خالد لا تظلمني وانا اخوك... ضحك بسخريه..اندم!!اندم على ايش والا ايش؟! على العشره الحلوه اللي كانت بيننا والا على16 سنه اللي ضيعتها من حياتي على واحد مثلك والا عالانسان اللي توقعته صديقي وما طلع----وقبل ما يكمل كلمته هالمره انا اللي تخلصت من يدينهم وهجمت عليه ورميته عالأرض, ولما ثبته تحتي رفعت يدي لكنها وقفت وكل عضله فيني ترجف رجفه فظيعه,لان اللي تحتي كان خالد,خالد الرفيق !! خالد الغالي !! يارب انا وش قاعد اسوي معقول امد يدي عليه؟! صرخت في وجهه...اسمع يا خالد كل الكلام اللي قلته ممكن اتغاضى عنه عشان المعزه اللي لك بقلبي ولاني متأكد انه فيه سوء فهم فالموضوع اما انها توصل فيك انك تقول اللي بيننا ما كان شي فهذا اللي ما راح اسمح لك تقوله فااااهم؟!...خلص يدينه من يديني ودفعني من فوقه.. اقول ابعد عني بس... وقف وانا للحين على الارض...اسمع يا بندر هي كلمه و رد غطاها ما عاد ابي اشوفك ولا عاد ابي اسمع صوتك او حتى طاريك وكل اللي كان بيننا اليوم انتهى, الانسان المخادع اللي ما يقدر الصداقه ماله مكان في حياتي ابد, واذا كنت سويت هالحركه خايف انك تفقد جزء مني يا طفل ابيك تدري اللحين انك فقدتني للابد.. <<يالله ليش كذا ياخالد ..!! وبندر ليش سوا كذا بعد؟؟
ألحين وش بيصير عليهم؟؟
خلاص صداقتهم إنتهت للأبد وإلا فيه أمل ؟؟
تابعوا الجزء الخامس..
:: إن كان تبوني أكمل علموني وأكمل لكم الجزء الخامس اليوم :)
المشاركة الأصلية كتبت بواسطة توتي روما
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
لاحول ولا قوه الا بالله
مافيك فايده وشت الاب توب
وطلع مع الدريشه والحين رحت ووجبته
من عند الجيران بس ياحرام انفلق ولدهم هههههههههههههههههههههههههه
أولا ماشاء الله على لاب توبك أصلي شته وماإنكسر ماشاء الله اي ماركة:p
ياحرااااااااااااااام ولد الجيران وش مسوي لك تفلق راسه ياعمري عليه رح تأسف منه << وأنتي كنك مصدقة ألحين :p
المشاركة الأصلية كتبت بواسطة خيـــــــــآل
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
هههههههههههههههههههههههههههههه
حتى انا عند بيتنا توتي منجا بشارع عنيزه
خخخخخخخخخخخخخخخخخخخخخخخ
8
8
يحب يقلد هعهعهع
المهم خلونا بهال القصه والله انه روعه
هههههههههههههههههههههههههه
بسـ تدرين انا زعلان عليكم وراه ماعلمتون عنه من زمان
بس والله انه تحزن مسكين بندوره مايستاهل
يالله عاد نبي الجزء الخامس مدري السادس ^_^
هه لا يكون أنت ولد جيراننا وأنا ماأدري ..!!! << قامت تحكم على كيفها :p
لا لا ليش الزعل خلاص آسفين المرة الثانية أنت أول من بيدري إن شاء الله :)
خل أكمل لكم القصة ..
رد: صديق الروح 
