الفرق بين مهند والشباب الخليج هع هع

الفرق بين مهند و شباب الخليج


- مهند -


يرجع من الدوام في الشركة .. يروح لـ نور .. يبوس راسها .. وبحنان يحضنها .. الللله يا حلاتهم عصافير الجنة .. يقولها :


( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )


- شباب الخليج -

يرجع الخليجي من الدوام .. يروح لـ زوجته .. ويهه مكشر صايدته الشمس .. يدش على زوجته لا سلام ولا كلام .. يفصخ هدومه ويحذفهم على السرير او على الشماعة .. ويزيد على برودة المكيف ويقول لزوجته :


( بسرعه حطي الغدا ميت يوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابي اكل وانام ؟؟ )


.
.


- مهند -


نور حامل .. يا الله على الدلع ! خايف عليها من نسمة الهوا .. ويقولها :


( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب )


- شباب الخليج -


مرت الخليجي حامل ! ومسكينه الحرمه متنسيه بـ تفاح اخضر .. عاد يقولها :


( اووووووووفففف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر ! اهو كله تفاح .. لا اتفلسفين علي )


.
.


- مهند -


مهند طالع مع نور السوق .. يشترون لهم هدوم .. ودار الحوار التالي :


نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !


- شباب الخليج -


الخليجي طالع مع زوجته السوق .. ما دار بينهم حوار .. ليش ؟!
لان اهو يمشي قدام .. وهي وراه تركض ..


وكل اللي قاله ( بسرعه خلصي .. ابي ألحق على ديوانية الربع ) !


.
.


- مهند -


قام من النوم نص الليل .. ما شاف زوجته يمه .. جان يخاف .. راح يدورها ويحاتيها .. ويوم لقاها رايحه تشرب ماي بالمطبخ .. قال لها


( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )


- شباب الخليج -


قام من النوم نص الليل .. ما شاف زوجته يمه .. فتح الليتات .. قام يصارخ :


( فطووووووووووووم ويهـــــــد .. فطووووووووووووم وطاعون .. فطووووم وايدز .. فطووووم كنسر ان شاء الله .. وينج انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمج بارد .. الله ياخذ اليوم اللي فكرت اخذج من اهلج فيه )


.
.


- مهند -


قاعد يقرا كتاب .. وفجاه ياته نور .. لابسه فستان يديد .. وصار هالحوار ..


نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..


- شباب الخليج -


قاعد يطالع مباراه ريال مدريد وبرشلونه .. خو شبابنا مو مال كتب وثقافه !
و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار :


الخليجي : قوووووووووووومي قامت ركبّج وما اقعدت ! ما تشوفيني اطالع المباراه ؟!
الزوجه : حبيبي شفيك .. كنت ابيك تشوف فستاني اليديد .. شرايك ؟!
الخليجي : وجذي تخربين علي المباراه .. ما شفت حركة رونالدينهو الحين طافتني كله منج !
الزوجه : انزين عاااد .. شرايك بالفستان ؟!
الخليجي : شالموضة الخايسه اللي طالعين فيها انتو يالبنات ؟! هذا فستان بذمتج ؟! لو لابسه خيشة البصل وايد احلى .. مخصره خيشة البصل ما تفرق !!!.


انتظر ردودكم الحلوه

اولا يااختي الغالية


هذا تمثيل لو يخلونهم على كيفهم كان شفتي اشد من شباب الخليج على قولتك



على الاقل حنا مسلمين ولسنا كفار


هذولا كل شي عندهم حلال

وشباب الخليج مو طبعهم واحد فيهم من لا يعرف حقوق الزوجه

صححي معلومتك



ومشكوره على هذا الموضوع


تقبلي مروري

لوووووووووووووووووووووووووووول
مشكوره خيتوه على هالطرح الجميل
والله من جد فرق اصلا مافيه مقارنه بين مهند وشباب الخليج ماتشوفين نور زعلت من مهند الظاهر هذا من عيون الخليجات الي ماشافو خير هههههههههههههههههههههههههههااااااي

تقبلي مروري وتحياتي....

بصراحه رومنسيه زياده في المسلسل..مافي رومنسيه بهذا الشكل..يكذبون على العالم..والناس مصدقه

ودخله جو..

اما الخليجيين يازينهم وش حلاتهم..والسعوديين فوق راسي..

تحياتي

ايلاف

والله كلو تخرييييط

على قوول صريح هادا بس عشانوو مسلسل بس من وراالمسلسل بلااااي لليييل

وعلى الاقل احنا مسلمين وهما كفار

عالعموم يسلمووو على الطرح

تقبلي مروري