بـيـحت ســـدي

ياطير انا بسئالـك ياطيـر ياطيـر
ابسئلـك ياطيـر وانتـه تــردي
ياطير وان كانك تبي تجلب الخيـر
الخيـر عنـد الله ولا لـه مـردي
ياطير انا بسئلك عـن وارد الغيـر
وانا اعرف انك باللـوازم تسـدي
لي صاحب(ن) غالي ولا فيه تقصير
رجلآ على الطولات دايـم يشـدي
مدري علامه صايرآ كنـه الصيـر
متغيـرآ حالـه وحـالـه يـلـدي
شدتني الفزعه على حامـي الكيـر
والنفس ما تطاوع هواء من يكـدي
سمعت انا كلمات هو قالها عصيـر
مدري صحيـح العلـم ولا تحـدي
حاولت انا اجـذب كلامـه بتعبيـر
حتى عطاني من صميمـه مـردي
ثـم قـال هـذي يا........تدابيـر
هي دبرة الخلاق في كـل عبـدي
جتني عواصيف ورياح ومعاصيـر
يتبعهن الاهـوب مـن كـل حـدي
بشرحلك الاوضاع من دون تقصير
وقول لك كل شـي صايـر ولـدي
هـذي حياتـي كلبوهـا تناكـيـر
قالوهـا الشيبـان جـدك وجـدي
انت تعرف وش مقصدي بالمعاصير
اللـي يفـرق بيـن يـده ويــدي
يامسندي وان كان فيكم صعاطيـر
المسرع اللـي جـاك لازم يهـدي
عطني حلولك كان بالراس تفكيـر
تقوللـي وقـف وتسمـع مــردي
ترى بقلبي يضـرب(ن) المساميـر
والعقل طـار ولابـه اللـي يقـدي
وان كان مزيد يعرف الشور ويشير
شوره على راسي وعينـي وخـدي
وان كان مابه حـل مابـه معاذيـر
خلوني اسـوي سـوات متحتـدي
والله يلولا خالد انـه فـلا يصيـر
شيآ علـى الدنيـا يسمـى يتـردي
هذا كلامـي اسمعـه دون تبريـر
اسمـع كلامـي لا تقـول متعـدي
وانقل كلامي يـم مزيـد بتصويـر
مثل البحر لا صار جـزرآ ومـدي
هذي الحقيقـه قلتهـا دون تزويـر
عطني حلولك يـوم بيحـت سـدي
[/poem]