هذ الهوى ذي قتل

يا من هويتي معي بحر الهوى ما نسيته = وكيف بنسى المقل
تلك السنين قد حوت اجمل عمر قد لقيته = سجلت ما قد حصل
لو يشتروا عمر ظاع اني اكيد قد شريته = فيه الجمال اشتمل
ضاع الهوى والصفى ما ضاع ما زد لقيته = ولو عليه با تسل
ياليت بساعه تعود تعيد ما كنت ريته = بتكون ساعة جلل
الله من احلى سنين قلبي بها قد سليته = والحب فيه انهمل
اشرعت فيها الشراع والبحر كله عصيته = ماكان فيه الزعل
يا سائلي عن هوى ذاك الهوى قد لضيته = جعلت نظمي غزل
ما كل من به سوى كل الهوى قد حجيته = قد كنت فيها المثل
حنيت عليها حنين من بعدها ما سليته = واليوم كلي كسل
من يلقها استحلفه يحكي بما قد حكيته = يمكن تطيب العلل
بحر الهوى هو عميق ياعابره قد عليته = قد شفت فيه الزلل
اجعل شراعك شديد بحر الهوى قد حويته = قد كان قولي زجل
يا طير فوق الغصون اوصل كلام احتزيته = قلبي حوته العلل
قل للمليحه تطل لسني عطش ما سقيته = رحيقها هو عسل
طله ولو بالرموش ما ذنبي اللي سويته = حبل الوصال انفصل
وان ما تجيني فقول قد مات وانا عزيته = والموت ما به خجل
واوصا على القبر كم ورده من اللي ذريته = الورد ذي ما ذبل
واقروا عليه القصيد بعد الدعاء ذي هجيته = زيدوا الدعاء للبطل
وان حد سئل ما حصل قولوا الهوى لو دريته = هذ الهوى ذي قتل

خفيا حزين

اخيتي المها
الف مليون شكر وثناء لك سيدتي على هذا الحضورالعذب ورقيق
تقبلى مني اجمل باقه ورد
اخوك خفايا حزين