بسم الله الرحمن
خلونا من المقدمات الطويلة واللي تاخذ لها خمس دقايق على بال ماتقرونها وخل أخش في الموضوع على طول << ماعندها وقت هالبنت عجلى :p
المهم أكيد إنكم فقدتوني هالكم يوم اللي مادخلت فيها وأكيد المنتدى ظلم << أقول يقولون ياشين الغرور والثقة الزايدة << إيه والله وأنا أشهد :)
والله شي يقهر صدق
يعني كل ماعجبني موقع أو منتدى أو شي من هذا القبيل << مايمديني على الكلمة أنا :p
المهم إنه كل ما عجبني موقع أدخله كم يوم ثم مدري وش يصير في النت عندي
وهالشي صار لي مع هالمنتدى الحلو
يعني ما أمداني أتهنى إلا وخلاص مدري وش جاه معد يدخلني للمنتدى
والله حركة قليلة أدب << البنت معصبة << إيه باااااين :p
عاد خل أقول لكم وش صار معي أمس بالكلية
طبعا حنا عندنا بروفيسور يعطينا إنجليزي وهالبورفيسور مصري وكل الكلية الظاهر يعرفونه لأنه مخوف بنات خلق الله
المهم كان أمس علينا
وهو يشرح طبعا معروف عنه يحب الفلسفة والسواليف
فقامت بنت تشارك معه وهي تقرا كان فيه كلمة إكسسوار بالإنجليزي فهو سأل البنت تعرفين وش الإكسسوار<<طبعا بالإنجليزي كلامه
قالت إيه
قال الحلق اللي إنتي لابساه يسمى إكسسوار << هذا الكلام بالعربي أو بالأحرى بالمصري :p
المهم أنا أمس يقالي مسوية فيها حاطة شريطة بشعري ورابطة الشريطة من فوق بفيونكة
فهو قال للبنت : فيه بنات بيحطوا فيونكة على شعرهم كإكسسوار << أنا يوم قال كذا مدري وش جاني مسكت راسي وغطيت الفيونكة وقمت أضحك وأناظر القاعة أخاف فيها كميرات وإلا شي << أمزح تراني
لا بس أشوا البنت اللي كانت تجاوب معه ماكانت لابسة حلق وإلا كان صدق شكيت في الموضوع ..
هذا موقف صار لي وحبيت أشارككم فيه
ودمتم سالمين
:: :: :: دلوعة أبوها :: :: ::
ياسلام على حظي مدري وش أسوي به..!! 
