كلـــــــــــه منكم ياأعضااااااء المنتدى!!

السلام عليكم
طحيه طيبة.. وبعد
وشلونكم؟ وش آخر علومكم؟ انشالله تماااام..
انا والله علومي كلها غبــــــــــــــــــــرا
والسبب هو..أنتـــــــــــــــــــــــــــــــــــــــــــــــ ــم!!
^
^
^
^
ايه انتم ياذا المنتدى
تسألون وش دخلنا فيتس و فغبارتس
اقولكم السالفة:

اليوم ومنذ الصباح الباكر وقبل زقزقة العصافير قمت وبدون سابق انذار متضايقة ومالي خلق اروح الجامعة
قمت واخذت جولة في انحاء بيتنا وانقل لكم الصورة:

اخوي منسدح على الكنب بالصاله ماسك كتاب يقول انه يراجع وهو اصلن مافتح الكتاب الا للتو واللحظة لا ومن زود الدفارة فاتحه عالفهرس!
والقلق الثاني بالمطبخ يستعجل امي بالفطور ويصارخ من الصبح: جوعااان اخلصو علينا وبضعه وعشرين ونصف بيضات في فمه--------<<هذا عدد يفيد الكثرة
لا وبعد يزاحمهن بشفط الشاي شفطاا
والوالد الله يحفظه حايس باوراق
و ملفات ويصارخ : وينهي توها البارح فوق الطاوله---<<يقصد النظارةوهي بيده!
و اختي المصون تخصص نكد ولقافة----<<الظاهر انها وراثة بالعيلة
تدخل وتطلع : هاه هالبلوزه حلوة والا اغيرها مدري احسها غلط وقعدت على ذا الحال بضع وعشرين ساعة ونص.
وجدتي الله يحفظها مشتغلة دوريات : يالله فطور اصبحنا واصبح الملك لله
المهم..
وبينما انا قاعدة اتامل احوال الرعية الا وطلعت لي لمبة فوق راسي:علي نور!! والله فكرة رحت وانطلقت بسرعة بضع والف وعشرين ونص حصان للدرج الا وهو المنبر :
علل سمي درج بيتنا بهذا الاسم؟
ج :لانه يحتل موقع استراتيجي وسط البيت و لان أي كلمة ودك تنسمع وتصك طبلة اللي بالحي كله ترقى وتقول باعلى درجة من درجات حنجرتك المخملية الانثوية---<< امحق
فيرج الصدى كل بقعة والكل يسمع بكيفه او غصب--<<وهذا الغالب
المهم.. احم احم ---<< تجرب صوتها عشان بتصارخ
صرخت بحنجرتي الذهبية تقل سيارة اسعاف :يااهل البيت اجتماع طارئ جدا جدا جدا وبالغ الاهمية في تحديد مسالة مصيرية اما حياة ولا موت طارئ طارئ.. وشوي اشوف كل البيت مجتمعين عند الدرج ماشالله لبو نداء الوطن اقصد نداءي
: وش السالفة يامال الصرقعة على ذا الصبح ؟
وجدتي تصارخ: وش بتس طلعلتس بعرصي والا صرصور؟
فجمعت قواي :لو سمحتو توجهو للصاله ومن اللقافة كل قعد وهم ساكتين
:بسم الله والصلاه والسلام على رسول الله وبعد:
بصفتي ابنتكم الموقره واحد افراد الاسرة الكريمة اناشدكم..
يقاطعن اخوي كالعادة: وجع اخلصي علينا
كتمت غيضي مع ان ودي اتوطى ببطنه بس مشيتها لاخلاقيات الندوة اللي اعقدها:
وين كنا.. ايه اناشدكم واحيطكم علما بانه اليوم الاربعاء
الموافق الرابع من ابريل يعني 4-4 ----<< ياحبي لي رقم مميز :D
في هذا اليوم التاريخي .. قاطعتن اختي اللي داخله عرض وطول وافقي وعمودي بكل شي: وشو توحدت المملكة؟
جاوب اخوي صاحب المداخلات الفولاذية: لا ياغبية اليوم مبارة عالكاس بين...
عاد اعذروني قال اسمين صعبات ماقدرت القطهن حركات متابع للدوري الايطالي :D..
تمالكت اعصابي وقلت بهدوء :
اشش رجاء بدون مداخلات مال امها داعي خلكم راقين خل عندكم اسلوب--<<ايه مره
نرجع لمحور حديثنا اليوم الموافق 4- 4 لانه مهم في تاريخي الحافل بالاحداث التي يشار اليها بالبنان.
دخلت مداخله من الاخ الكريم: أي تاريخ الله يرحم والديك
-لو سمحتوا بدون مقاطعه. اسمعوا البنود عقب ابقولكم وشوله.
البنود وهي كالتالي:اولا:ابوي الله يحفظك ويخليك تاج راسي بما ان اللابتوب ودع الله يرحمه لو تكرمت ابي واحد جديد لا تقول بوه غيروه تعرف ان اسمه كمبيوتر شخصي يعني شخص واحد اونلي ون!! هو اللي يستعملوه
وبدات الاحتجاجات
قاطعتهم
ثانيا: يمه فديتس بما اني حدي ستايل ومعروفة بكشختي بالجامعة ابي نروح للسوق و اشتري ملابس جديدة تعرفين مستحيل اعيد البلوزة مرتين:)
اختي اللي داخله عرض: يامال العمى توتس من اسبوع شاريه
بضع وعشرين ونص بلوزه---- هذا العدد للكثرة كما ذكر انفا
ثالثا: اخي المصون ابيك تعطين الف من راتبك وابرجعه من المكافاة ولا وشوله سلف الا هبة
اخوي وكنه هاه كنه يستهزئ علي:ايه ايه ابشري
رابعا:اختي الحبيبة كما تعلمين تنظيف الغرفة علي اليوم فياليت تنظفينها بدالي ولو سمحتي انت لاني كما تعلمين ما احب الشغالة تدخل غرفتي
وكملت بسرعة قبل ماتقاطعن:والاخير تفز انت يابو صلعه تقل يقالك بتقلد مساري
انت تروح تشري كيكة كبيرة عليها اسمي
وانت ياجدتي عليتس ترقصين وكللللللللللللللوش-
ابوي قال:ايه ابشري بكل اللي قلتي بس وش المناسبه؟
عاد قلت:
في مثل هذا اليوم اليوم رزقكم الله اعظم نعمه
وأعظم شي بحياتكم
الا وهي
وبكل تواضع
اناااااااااااااااااااااا..
اليوم عيد ميلادي!!سكتو كلهم وكن سطول مويه انسكبت على رؤوسهم
وبعد برهة اجد المخدات –الوسادات – اللي بالصالة عالكنب تنهال علي من كل حدب وصوب واخوي: وجع وجع وجع وبعد وجع
الشره موب عليتس الشره عاللي معطيتس وجه ويسمعتس
واختي:الحمدلله والشكر يارب احفظ نعمه العقل
وامي: قومي يايمه والبسي بلا هالخرابيط
وجدتي:اقول يابنيتي شكل الاختبارات ماثرة عليتس العيد بقاله واجد حتى رمضان ماجا!!
انهمرت دموعي تقل شلالات نياجرا وطلعت وانا معصبة: اصلن ماحد معبرن بذا البيت
محد يحبن-دايم مضطهدة
وصكيت على نفسي الباب وما اسمع الا اختي تمر: الحمدلله والشكر يارب وامي وجدتي يدقون الباب بس مسويه قويه ومافتحت للحين
طولت عليكم ادري بتقولون وش دخلنا..
بس دخلكم وعشر وعشرين ونص
لاني امس شفت بالمنتدى ولد في مثل هذا ايوم
انا
الا انا ماعرفته بحياتي و لا طقيت له خبررر
بس انتم الله يسامحكم حطيتو الفكرة براااسي !!
بس بعد كل ذا
بل احتفال بلا وجع راااس
ماحد عبرنييييييييييييي :(
كلـــــــــــــــــــــه منكـــــــــــــــــــــــم !!!

هههههههههههههههههههههههههههههههههههههههههههههههههه ه
والله انك تهبلين
حبيبتي ولا يهمك
امري بس انتي وش تبين
والله كلامك يفطس ضحك
كل سنه وانتي بألف خير
ياأحلى حلا

يا عسى هالضحكه دووووووووووووووووم يالمصدر..

و أكيد أنتم أسرتي الثانيه اللي افتخر بوجودي بينهم

واذا على عيد ميلادك ماعليك ابحتفل معك واقولك كل عااااام وانت ببضع وعشر وعشرين الف خير
حتى لو كان عقب سنــــــــــــة!!

وأكيد تهانيكم لها معنى كبير بقلبي ومكانه خاااااااااااااااااصة
دامها منكم
لا والله يكفيني..

تعالي بقولك سر

ايه الموهبه موجوده لاتخاف---
بس المواقف اهي اللي تفجرهن-ايه هين


مشكوووووووووووووور على مرووووورك

ياعساهاااااااااااااااااا
دووووووووووووووووووم هالضحكة
وانت الخير لكل عاااااااااااااااااااااااااااااام

يسلم قلبك يالغااااااااااااااالية

يسلمووووووووووووووووووووووووووو

ههههههههههههههههههههههههههههههههههههههههه
ههههههههههههههههههههههههههههههههههههه
الله يرجك
ياشيخه
والله فطست من الضحك
وهم صادقين وشو عيد ميلاد
وذا الخرابيط---لا تعصبين
لا من جد كل عام وانتي بخير
وبضع وعشر وعشرين سنه
تعيشينها بسعاااادة
ياااااااااااااااااااااااااااارب

كل عام وانتي بخير >>>>>>>>>>>>> كانها متاخره


لكن والله مادريت






الغلط منك المفروض تقوليلهم قبلها بــ اسبوع





عشان الواحد يجهزلك اللي تحبيه >>>>>>>>>>>>> طراق . خيزران جديد. رفسه.

هههههههههههههههه
ههههههههههههههههه
الله يرجك حلا فطستيني
من الضحك وعقبال مليون سنه يارب
وتستاهلين كل خير انتي بس اشري بأصبعك
وامري وحنا في المنتدي لاجل عينك نطامر احنل كم عندنا من حلا
يسلموووووووووووووووووووووووووووووووووووو