شعر - أهدي بيت أو بيتين شعر لمن تحب

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني


وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني


ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني


أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني


زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني


غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني


إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني


أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

××

لي على الغـالي وشوفـاتـه ميــول مـن زود شوقـي لغرامـي أصنعــه
لـو حصـل لي شوفتـه همي يـزول وقتهـا أنسـى البشر وأجلـس معــه

××

أطيب من الطيب تلقانـا بطيبتنـا

وأشر من شر من ينوي يعادينـا

من عاش معنا يعيش بطيب رفقتنا

ومن خان فينا تبلوى في بلاوينـا

لا تقسى علي تراني اموت فيك