شعر - أهدي بيت أو بيتين شعر لمن تحب

أنا يجتاحني رجفه , لو اسمـع بـس , وقـع اخطـاك
اجل وش عاد لـو شفتـك ؟؟ , حشـا , والله تموتنـي

.... اسمك كتبته بالرصاص ومحيــته

اللي جاني كفاية .. ماظن انه قليل
شوف حالي وعيوني تلقى انت الدليل

الموت هيِّن والبلا وش ورا الموت
عند الحساب .. يهون سهم المنايا

باكر نموت وتصبح قبورنا بيوت
وعقب القصور بضيقات الزوايا

فجوف الارض وكل من حولك سكوت
وتعاقبن بالقبر عـوج الحـنايا

يارب يا منجي نـبـيــك من الحـوت
سترك وعفوك يوم كشف الخفايا

باكر ليا جيـنـا على داعي الصوت
شيبان واطفال وشباب وصبايا

ندعي وحـنَّا بين باكي ومـبـهـوت
ورحنا لها ننقاد مثل السبايا

يا رب تهديني قبل لحـظه الـفـوت
وتـغـفـر ذنوبي يا كريم العــطايا

أشكيك همٍ داخل الصدر مكبوت
وأيّـَامي اللي بالخـطـايا مـلايا

إن لاذ بك من كان طايع و مبخوت
في من يلـوذ المرتكب للخطايا

يا رب يا قادر على كل طاغوت
لا ياقـف اللي وحّـدوا بك خـزايا

رحماك لا منّا صحينا من الموت
والـيـا وقـفــنـا عـنـد بابـك عـرايـا