الفته العجيبه

مقادير الفته :

1- باذنجانه كبيره اتقطيعينها مكعبات وتقلينه

2- بطاط عدد 3 حجم متوسط اتقطعينها مكعبات وتقلينها

3- علبه نخي من محل النخي والباجلا مال الجمعيه

4- عدد 2 خبز لبناني اتقصيصينه مربعات وتقلينه

وعقب ماتخلصين قلاي لهم كلهم خلطيهم مع بعض في ماعون باير** او تبين اتسوينهم

طبقات كيفج

والخلطه اللي فوق عباره عن :

1- عدد 4 او 5 علب روب

2- عدد4 فص ثوم او اكثر او اقل انتي وكيفج

3- 3 ملاعق كبيره طحينه (هرده)

4- 2 ملعقه كبيره خل

وخلطيهم بالخلاط كلهم وصبيهم فوق المقاد ير اللي قبل

وللتزين بقدونس وصنوبر وشوية سماق وانتي فنج وذوقج

وبالهنا والشفا حبيباتي

وادعوا لي ))

مع السلامه في طبخه جديده

للمزيد من مواضيعي

رووووعه
شـكــ وبارك الله فيك ـــرا لك ... لك مني أجمل تحية .

النخي هذا ما اعرفه بس اسمعه في المسلسلات الكويتيه هههه


اتوقع انها طعمة دام فيها باذنجان وبطاطس


الف شكر لك اختي

juman96

حضوركِ اروع وماننحرم يا رب

شرفتي

تحيتي