هلا بك حجازيه
ولا يهمك ابشري
بس عطيني وقت والله توي صاحي من النوم والمخ مقفل
يبغى لي كوب شاهي ينعش ذاكرتي ^_^
لكن ولا يهمك باذكر لكم قصه صغيره وانا في اولى ابتدائي
..الحلقة السادسه..
في اول يوم في دراستي كنت مبسوط لاني بادرس
حسيت خلاص اني كبرت وبانشغل في هموم الدراسه
دخلت المدرسه في اول يوم
كل شي جديد وكان احلى شي بسكوت الريكو وفشفاش سناكس وفديو كراتين عدنان ولينه ^_^
انبسطت بصراحه في اول يوم لانه كان كله لعب
وخذيت انطباع عن المدرسه انها لعب
بعد كم يوم تغيرت الاحوال
تدخل الفصل تحصل واحد يبكي يقول ابي امي تطلع تحصل مدرس يصارخ ويقول ادخل الفصل
من جد صارت قلق مااعجبني الوضع
وخاصه يوم جونا دكاتره علشان يعطونا ابره ضد الحمى الشوكيه هههههههههههه
صارت المدرسه جحيم بالنسبه لي
طلعت من الفصل حصلت مدرسنا قال يالله ادخل الفصل قلت له لا ابي اروح لامي
قال بلا دلع يالله ادخل الفصل
طنشته وجيت ابي انحاش
نزل عقاله وطردني دخلت الفصل وركبت فوق الطاولات ههههههههههههه
يطردني من هنا اجيه من هنا
وماادري كيف سويت وطلعت من الفصل
رحت للحوش حصلت واحد من عيال جيرانا وناسه فرحت
هههههههههههههه وهو مسوي مايعرفني لانه كان في ثالثه ابتدائي وانا بالنسبه له بزر علشان مايتفشل قدام زملائه
قلت له سعد ابي اروح لامي
قال لي وش اسوي بك رح لامك
قلت له اكل تراب ياولد منيره ههههههههههههه تفشل قدام زملائه
وكان يبغى يضربني وانحشت منه
رحت للجهه الثانيه وحصلت ثنين في عمري ماسكين واحد مسكين ويبغون يضربونه
جيتهم وقلت لهم وش فيكم عليه ليش تطقونه
قالوا وش دخلك
قلت شكلكم وماتعرفوني
شوي ماحسيت الا بالكف الي جاني يمشي مليون
اصدق اكذب هذا عطاني كف !!
جيت ابي اضربه سمعت صوت مدرس التفت له قلت يا استاد هذا طقني وعطاني كف
ناظر فينا قال تستاهل تهئ تهئ انا بغيت ابكي من القهر
طلع المدرس هذا اخو الي عطاني كف
قلت لا ابو الدراسه على ابو من اخترعها البيت اصرف
ومع الباب على طول وعلى البيت
واول مادخلت البيت قلت علي بالطلاق مااطب هالمدرسه مره ثانيه ولا ادرس ^_^
وتركت الدراسه الى السنه الي بعدها ^_^دمتم بود
طرزان
وانتظروا الحلقه السابعه
رد: يوميات طرزان لاتفوتكم 60 حلقه ^_^ 
