بصراحه !!
ترددت في كتابة الموضوع .. وفكرت فيه كثير ..
لكن هيضني موقف !!
وحاب انه نتناقش .. بظاهرة الـ ( مغازل .. ) و الـ ( الترقيم.. ) !!!
وكيف رُبط .. إلزاماً .. بـ ( لبس ) البنت او الرجال !!!!
اولا :
المشكله ...
* انه تجيك البنت .. محترمه نفسها ولاهيب يم الرجال ..
وتلاقيه يلاحقها ويتبسّم ويحتك ويغثها ..
وبالآخر يا يحط الرقم بالكيس او الشنطه ..والا يقول لها شغـّـلي بلوتوثك!!
او يلاحقها لسيارتها وتوصل انه ينشب لها الين توصل بيتها !!
* او يجيك الرجال .. محترم حاله ولا يناظر فيها وماشي في امان الله ..
وتجيك طااااايره مليون .. ترتز قدامه .. يعني ( شوفني ) !!
وتبتليه بعمره .. والا والله انها مره قد وصلت ان وحده عطت الرقم للسيرفر .. وقالت .. عطه هذاك اللي جالس على
ذيك الطاوله ..!!!!! << في أحد المقاهي ..
الله يا الدنيا صاروا البنات يرقمون .. مو بس يترقمون!!
والله انه شي .. يحزن ..
انا مااقول انه يفشل ..
لا والله .. الا يقطع الوجه !!!!!
وكثيييييييير قصص .. نسمعها ..
وياما مواقف .. نشوفها !!
والمشكله .. انهم مايستحون ..!!
ثانيا :
انا ادري انه فيه بعض الآراء ..
بتقول ..انه طريقة لبس البنت للعبايه ..او طريقة حجابها او غطاها ..
.. يحدد .. ويشجع .. ويدل
فأقول انا هنا ..
وش مفهومكم للبنت الي تلبس عباية كتف وتتحجب !!! او تتلثم .. ؟؟؟ او .. او ..
يعني لاااااازم وبالضروره .. انها تكون تبي تترقم او ان جُل إهتمامها ان الشباب يغازلونها؟؟؟
يعني هذا دليل انها مو محترمه؟؟؟
و ماتربت؟؟
او انها فاجره .. فاسقه .. سافره ؟؟؟ >> مثل مايقولون بعض الناس!!!!
يمكن هي تربت على كذا .. خلاص يعني؟؟
نحكم عليها بالفجور والسفور وبس ..
ايش تعرفون عن اخلاقها ..؟؟ تربيتها ؟؟
<< لاحظوا تراني ماقلت عبايه مخصره و ( مزركشه )
ولا قلت فل ميك آب .. هنا كلام ثاني ..
والله لايبلانا ..
** نقطه ** .:
كل من لبست عبايه على الراس ..
وتغطت زين .. معناته انها ملتزمه ..؟؟؟؟؟؟؟
محترمه؟؟؟؟؟؟؟
<<< الخمووووووووني !!!
آآآآآآه على ماشفت بس آآآه
بس انا ما أعمم..
صدقوني مو الكل .. مو الكل
مو تجي وحده تلبس عبايه ع الراس
وتقول لي وش مشكلتك معنا؟
انا ماعندي اي مشكله ..
اللهم ابي اوضح النقطه !
واللي شفتها .. بـ ( عباية راس !! )
وتغاااااااااااااااااااااازل واااااااااااااااااحد قدااااااااااااااااااام عييييييييييييني !!!
والله على مااقول شهيد ..
مع كامل احترامي..للي يلبسون عبايات ع الراس..
وانا متأكد ان شالله انه مااحد معانا من هالنوع الي ( ينافق ويظهر مالا يبطن )
وانا مااقول على عباية الراس شي !!
لا والله لا والله ..
هذه قناعه وحريه شخصيه و احترمها جداً ...
وحتى الي بعبايات الراس المحترمات.. ماسلموا من المغازل !!
حتى اللي متحجبات او متلثمات ومحترمات .. ماسلموا من المغازل !!
ثالثاً :
ووش مفهومكم للي يكشخ ويتزين ويتعطر ؟
.. يعني انه رايح يغازل !!
او يستعرض ؟؟
هذا غير اللي يلبس جينز و لو ويست او برمودا
و يكون مره استايلش ..
لبس وشعر سبايكي والا آفرو وحركات شباب ..
معناته انه منحرف و غير سويّ او انه صايع .. ضايع ؟؟
او انه ليس خير مثال للشاب المسلم >> مثل مايقولون بعض الناس!!!
والا الي يربي لحيته ويلبس ثوب قصير .. مُـنزه!!!
وماااااااااااله ولا عليييييييه ومحححححترم !!!!
يعني مااحد قد سمع ان واحد بلحيته يغازل !!!!؟؟
او واحد .. متزوج .. ويغازل؟؟
وكمان هنا مانعمم ..
مو كل ملتحي يغازل ولا كل متزوج يغازل خخخخخخ
.. إنما هم قِله جداً جداً ..
لكنهم موجودين !!
ولو ذكرت قصه مريت فيها .. بيقول البعض .. كذب !!
او بيقول البعض الآخر افتراء ..
ويمكن يقولون : ( قال وش دراك أنها كذبة قال من كبرها) !!
وانا ماراح احط نفسي في موضع نقاش معاهم ..
لأنه ماعندي دليل او اثبات على كلامي .. الا كلامي !!
وهم يحتاجون الـ ( مصدر ) خخخخخ
رابعاً :
س : هل نحكم على الناس .. ونجزم بآحاكمنا عليهم .. من خلال مايلبسون ؟؟؟؟
او مايظهرون علينا به ..؟؟؟
يعني الي تتلثم .. او ماتتغطى.. صايعه .. فاجره .. سافره!!
وتطلع بس عشان تستعرض وعشان يغازلونها الشباب؟؟
والي يلبس الجنز .. ويهتم بشعره ويتزين .. يكون راعي بنات و صايع!
وينظر له انه فاشل وسطحي ..؟؟؟
ملاحظه ::
انا ماانكر انه فيه ... بنات .. يستخدمون اللبس والعطر والميك آب ..
كوسيلة إغراء وجذب للشباب ..
هذا لا يعني ان الأغلبيه من البنات كذا ..
ومو كل من تحجبت او تلثمت .. هذا غرضها !!!
وانا ماانكر بعد انه فيه شباب .. يستغلون زينهم وكشختهم لنفس الغرض ويتعمدونها !!!
ومو كل من تزين وتكشخ واهتم بنفسه .. هذا غرضه..
س : هل يحق لنا اننا نعمم ونحكم على الكل .. انهم كما ذكرت ؟؟؟
قال سبحانه : (( و لا تزرُ وازرةٌ وِزر أُخرى )) .. صدق الله العظيم .
وبالأخير .. " التزام الشخص " بوجهة نظري .. في قلبه وعقله وقناعته ..
وليس على مايظهر لنا .. من لباس !!
بالتالي .. لا يحق لنا ان نحكم على الناس .. بأنهم خَيرون او فسقه !!
فقط لما يلبسون !!
موضوع اشغلني .. وحاب اشوف آرائكم فيه ..
احس اني قلبت روسكم ..
بس يلله معليش !! خخخخخخ
تحياتي لكم موضوع عجبني وحبيت تشاركوني فيه
الترقيم والمغازل .. سببها .. لبسنا ولبسكم !!!!! 
