هههههههههههههههههههههههههههههههههههههههه
يااهو فاتكم موقف امس لؤؤؤؤؤؤطه
تخيلو معي ..
دقت علي وحده من البنات وقالت تراي طفشانه ..
قلت لها انتي داقه على بيت من قالت بيتكم قلت ومن اللي رد قالت هيه تستهبلين انتي اللي راده يعني من ..
قلت خلاص حتى انا في البيت وطفشاانه
قالت لي طيب لايكثر وش رايك نطلع لغرناطه الساعه 9 والعشاء على حسااابتس << دايمن انا اللي اكلها
قلت اهم شي فيها وناسه يالله قدااااااااااااام
وانا اللي اسكر من السماعه .. ورحت عند ابوي قلت يابيي انا احبك ومااقدر اعيش بدونك انت ابي الذي حملني تسعه اشهر ووما انسى فضلك علي << صكني با الطاسه
قال اخلصي انتي ماتقووطرين عسل الا ورااتس شي ..
قلت شوف طال عمرك وسلمك الله ..يقولوون الابو اللي مايعطي بناته فلوس مافيه خير << صكني با الفنجال .. عادي عادي يا الربع لا اكسر خاطركم متعوده على الصكات لدرجه اني اذا جيت اسولف معه اجيب جنبه العده اللي هي فناجيل طاساات بياالات سكاريب ..الخ عشان يفلقني بها <<وجهي من كثر اللي يجيه من صكات ان شفتوه تحلفون انه طلاسم مامن ملامح ياااعالم عادي نكبر وننسى .. الموهيييم اني اقنعت الشيبه سلم لي عمره انه يعطيني قرووش ..
يوم ضمنت القطه وانا اللي ادق على وحده من البنات وقلت لها قدام تراي موافقه ع الطلعه <<تقصد ابوها وافق بس عشان البرستيج مايخرب ..
قالت والله اجل دوري لنا سواق..
قلت لها هيه وش تحسين به انتي .؟<<ماتحسوون اني انا اللي تكفلت بكل شي مع انها هي اللي داقه ..
وش رايس نتباننتس وندخل اسمتس ببطاقه العاائله.. قرووش ودبرت سواق وعلي بعد .
قالت لي مشكلتس محد قال لتس ارسبي وانا اللي اتلايط مع ان ها الكلمه فجرت فيني الف دمعه ودمعه بس يالله الحياه حلوه << صايرتن حسااسه ..
الموهييييييييم وانا اللي ادق على السواق وقلت له تجي العشا عشان انا فيه رووه
قال انا يبقى يفهم شي واهد بس ..؟@@ << حتى الهندي يهايط علي تهئ تهئ
قلت وش تبي انت وشش تحس به ..
قال الهين انا في بيت انتا مايقول سي بس انا يطلع يسم هو انتا يدق
<< اترجم انا اذا كنت في البيت ماتبون تطلعون بس اذا طلعت اشم هو تبون تطلعون..
قلت له اقول يابو هنود امش لايجيك كف ماسك طبلون مشكلتك والله محد قال لك صير سواق..
وانا اللي اسكر ورحت اخذ شور وانا اللي اقعد افكر وانا اتروووش والمويه تصب من فوقي .. وانا مغمضه وافرك با الصاابون .. ودخلت بعالمي وصرت افكر بلب حولي قلت والله ياهس هس انتس مظلومه الكل ينفخ عليس حتى ابو هنود يهايط .. انتيي لاززم تشربين حليب سعوديه لاززم تصيرين قويه.. مايصير تصيرين كمخه تضحكين بوجه كل من تشوفين ..
ما امدااني اخش جو الا والزنووبه تصك الباب وانا اللي افتح عيوني والصابون دخل بعيووني وكشتي طارت من الخوف الاهو اخوي يصرخ قائلا اخلصي يا هسهس ترى محنا فاضين لتس اطلعي طلعت روحتس روحي مراح جدي خويتس اشغلتنا با الجوال منذ ساااعه وربع اطلعي يالله يااوجه العنز ..
قلت له طيب طيب تم تم << اعذرووها من الخوف
قال تم .؟؟ الله يشفييك وانا اللي اسمعه يضحك..
يوم طلعت وكشخت ومريتها للبيت وادق الجرس عليهم ويطلع لي واحد كبر البااب لدرجه اني ما انتبهت يوم انفتح البااب صرت ارفس بطنه على بالي انه البااب واضغط به على بالي انه الجرس الا ويكح وقال لي عمىىىىىىىىىىىىى وانا اللي يطير برقعي من الهوا والسعابيل اللي طلعت من فمه قلت له ياخوي مشكلتك والله صايرن كنك بااب مشكلتك يلا ناد اختك
قال طيب لاتنفخين الحين بتجي
وانتظرها انتظرها الين صرت مخلل با السيااره ثمن طلعت يوم ركبت السياره وانا اللي ارفسها وتطيح وتركب مرتن ثانيه ...
المهم انا رحنا .<<احلفي
يوووووووم دخلنا المجمع بعد ما تسكعنا واخذنا جوله وكم تهزيئه بطني قااااام يضرب بوواااري من الجوع
قلت لها اقول مشينا للمطاعم بنتعشى الدنيا انقلب لونها اسود عندي<<اذا جاعت وخروو عن طريقها.
المهم انا رحنا وجلسنا على الطاوله وقالت يالله بروح اطلب قلت معصي رجلي على رجلتس
قلت اكيد هماتس بتعشيني ..
.........
المهم يووم واحنا رايحين بنطلب قالت لي ياهس هس علميينن كيف اطلب با الانقليزي..
وقتها حسيت اني قويه ولي كلمه ..
قلت لها شووفي يااااذس از .. ترا الانقليزي سهل جدا يبيله شووويه تفكير<<صار مسأله حسابيه
المهم قالت اقول لايكثر وعلمينن بسرعه قبل لانوصل ترى والله ليجيتس بووقس يرجعت لايام الطفوله
قلت لها طيب طيب<<<بيني وبينكم انا خفت منها
قلت لها قول لي له اكس كيوزمي قف مي ذا منيو ..<<يعني تكفى عطني القائمه هههه
ومع الطريق قاعده اقولها قولي تسذا وتسذا وتسذا وهي تسمع لي وانا اصحصح لها يوم وصلنا كان فيه شلة شباااب .. قالت وبكل ثقه قف مي ذا ومن << خربتهااا <<الترجمه يعني قالت عطني ها الحرمه
@@ <<< تسذا صارت عيووووني
وانا اللي افطس عليها ضحك والعالم دوريهم من الضحك والفلبيني مايدري وش الطبخه
ههههههههههههههههههههههههههه والله اني ما انسى ذا اليوم
المهم واحنا اللي نطلب وناكل وكل ماشفت فرتها افطس ضحك
هههههههههههههههههههههههههههههههههههههههههههههههههه ههههههههه
وبعد ماتعشينا قالت يالله لستار بوقس <<تقصد ستار بوكس
ناخذ لنا موكا قبل لا نطلع وشي اسمه انقليزي ابعديني عنه اللغه العربيه اطلق شي ..
وانا اللي اضحك وقلت لها اصلا انتي مالتس وجه تكلمين احد بعد الموقف قالت لي نعم احسن كنت ابي ابااشر لتس والحين ضفي وجهتس قلت ايه اصلا انتي لقيتيها من الله ذا الزله
المهم انا رحنا يوم دخلنا هي سبقتني وهو مدري وش قال لها وهي تقول ايش هلا سم وهو يتكلم وهي تقول سم ايه هلا ههههههههههههههههههههههههههههههههههههههههههههه
وانا اللي افطس ضحك والعالم فطست ضحك معي ..
حتى انا الرجال انهبل منها هههههههههههههههههه
قمت ارقع لها وطلبت اللي نبيه وطلعنا
وركبنا السيااره وانا فااااااااااااااااااطسه ضحك عليها
يوم وصلت عند بيتها وانا اللي ارفسها وطاحت وهجيت با السياره
هههههههههههههههههههههههههههههههه
الفاائده من كل ابو الهرج ذا :
+ اذا منت بلبل عنقليزي خذ لك مترجم باي مكان عشان ماتنحط بها الموقف
+ مشكله اذا خاويت درووج فاحسن الصديق وقبل لاتصداق اشرط ان يكون معه جميع الغات
رد: ما تهرج عنقليزي اجل لاتدخل 
