..::..][..::.. تــــرى الــكذابـ يــروح الــ نـ ــار ..::..][..::..

.

على ذاك الرصيف أسهر وأنادي بكل جنون القار ..

أكلم شارعٍ خالي سواده من سواد الليل ..


ترى ما هو فلس ولا بقلبي قلت الأشعار ..

ولكن واقعي يفرض عليّ أكتب بلا تعديل ..


أنــا راح العقل مني وعندي للجنون أعذار ..

معاناتي إذا بوصف يفوق الوصف والتعليل ..


من اللي قد وقف مثلي يواجه لعنة الأقدار .؟!

رضى يبقى ويتحمـّــل .. عشر أضعاف همه يشيل ..


من اللي ثبــّت أقدامه يقاوم شــدّة التيــار .؟!

ويعرف إن النخل وهو النخل راح وجرفه السيل


من اللي حب له طفله وحلم من يوم كانوا صغار ..

يتوج حبه بفرحه وأمــه تحضنه بتهليل ..


يمـّــر الوقت وسنينه تمر ويستوون كبــار ..

ويتغـرّب لجل حلمه يسابق كل شباب الجيل ..


ويرجع رافعٍ راســه بعد ما صار هو طيـّـار

ويبقى من حلمه الوردي زفاف يرفض التأجيل ..


يجيها يقول حان الوقت تعالي نكشف الأسرار ..

طفح كيل الصبر ماعاد في صبري وصبرك كيل ..


ويذكرها بوقتٍ صار مع مرّ الزمن تذكــار ..

بـأيــام الطفولة يوم يغرقها غلا وتدليل ..


يمازحها وتردد له ( ترى الكذّاب يروح النار ) ..

يجافيها وتهمس له ( أعرف إن الجفا تمثيل .! )..


وتدمع عينهم لأثنين يهلون الدمع مدرار ..

ترى الذكرى ولو حلوه طواريها تهدّ الحيــل ..


وتسرح في وسط عيـنـه..تفكر..ترتجف..تحتار ..

يسألها عسى مــا شرّ ؟ ويطيح من إيديها المنديل ..


وتنزل ع الركب وتقول تسامحني على اللي صار .؟!

حشا والله مــا خنــتـّـك ولكنــه حصل تبــديــل ..


تراها غيــبــتـك طــالت وتدري وقتنا غــدّار ..

كبرت وخفت تتـأخر وخير البر بالتعجيــل ..


ويشهق يلمح الخاتم..يحس القاع تحته دار ..

ولا يستوعب الموقف بليـّا شرح أو تحليل ..


يسود الصمت..ولا كلمه ونظره كلها استنكار ..

شلل صاب اللــسان وصاب كفين العـتـب تكبيل ..


دقيقه تمر..طعمها مرّ..نهاية عمر..موت أزهــار ..

خسارة حب..ضياع فـ درب..نار تشب..عذاب و ويل ..


ويسرح لو بعيدة تهون ولكن كيف بنت الجار ..

ويكسر صمته بصرخة تعدت في مداها سهيل ..


ويفقد وعـيــه وينزل على قاع الثرى منهــار ..

مصيبة كيف يتحمـّــل.؟ ترى ما بالأمر تسهيل ..


مابينه وبين غرفتها..ممر ونخلة وجدار ..

وهذا اللي يعذبه ويزود طينه تبليل ..


يشوف اللي سرق عمره سكن ويــاها نفس الدار ..

غدا جار وله حق نزل في محكم التنزيل ..


ويتخيله يغازلها ويقول إنه عليها يغار ..

ويتردد صدى همسه ولمسه وضحكه وتقبيل ..


يناظر دارها وفكره ورى ذيك الستاير حار ..

وشبـاك الهوى عتمه وبعد م زادوا التضليل ..


يقرر زوجها يبني ويرفع مستوى الأسوار ..

ويتصرف على كيفه عنده منهم توكيل ..


ومكسور الجناح اللي بلا ذنب يذوق أمرار ..

يصارع حسرته ويجر بعد ذيك الهزيمة ذيـل ..


يفكر كيف طاوعها الضمير تكون شي ضار ..

بعد ما كانت لعمره عمر يحسب مداه طويل ..


خذت كل مابقى منه ومن عقله خذت الأفكار ..

وبرواز الوعد مايل خذته تخاف قال وقيل ..


عطت بروازه لغيره وخلت في الحشا مسمار ..

وآخر كلمه قالتها رجاءً ما أبيك تعيل ..


ورد بكل غضب يسأل تحسبيني من أهل الثار .؟!

أنــا وقتي غدا ملكي ولا يتحمل التعطيل ..


وداع الله وإذا بعدك مرض إيماني العطــار ..

أنــا لي رب ما يهمل بقرآ كتابه بترتيل ..


وإذا كانت مسافات المنازل بيننا أشبار ..

لـ خليها سفر وأيام وأساوي كل شبر بميل ..


وإذا قالوا علي مجنون أو ملبوس أو صابه زار ..

لـ ناجي شارع خـالي لـ وحده في توالي الليل ..


بقول إن الـ ج ـنون أرحم كتبت من الـجـنون أشعار ..

وصدق شعري يتحدى الذي قال الشعر تمثيل ..

وأعيش العمر أرددهـــا ( تــرى الـكــذاب يــروح الـ نـ ـــار )..

براءة كانت الجملة ولكنه حصل تبديل ..


حكاية عمري من يوم الطفولة لين صرنا كبار ..

في هذي الصفحة شفتوها وعايشتوها بالتفصيل ..


أبي أي شخص ينورني ومن أبياتي بس يختار ..

حرف ماشكى من همّ ويبشر مني بتعديل ..


بعدها بعلن إفلاسي وبترك عالم الأشعار ..

لأني ما قدرت أعطي لـ حزني في الشعر تعليل ..


وبرجع للـسرير اللي من غيــابي شكى محـتـــار ..

وأريــح عيــن شوّهـهــا سـواد يشــبه التكحيل ..


وفي آخر بيــت بسـألكم..عرفتوا ليش أنــاجي القار .؟!

قولوا للثريــا من تنــاجي لو خذلــها سهيـــل .؟!

******



*

للمزيد من مواضيعي

وإذا كانت مسافات المنازل بيننا أشبار ..
لـ خليها سفر وأيام وأساوي كل شبر بميل ..
وإذا قالوا علي مجنون أو ملبوس أو صابه زار ..
لـ ناجي شارع خـالي لـ وحده في توالي الليل ..
وفي آخر بيــت بسـألكم..عرفتوا ليش أنــاجي القار .؟!
قولوا للثريــا من تنــاجي لو خذلــها سهيـــل .؟!

صح لسانك مليون
أبيات جميلة ورائعة
لاخلا ولا عدم
يسلموووو على الطرح الروعة
دمتي بكل خير

كلمات رائعه ومبدعه00
يعطيك العافيه سنيوريتا00
دمتي بود00

سيدتي .. سنيوريتا

مشكورهـ على القصيده الرائعه والمعبره
هذا ماهو غريبه على إنسانه بحجم ورقي سنيوريتا
وأتمنى ماتغيبين عنا .. لأننا فقدنا إبداعاتك
يعطيك العافية وبإنتظار روائعك وإبداعاتك

لك مني أرق وأعذب التحايا
الـعـاشـق الـحـزيـن

تسلموون يا الغالين..
لاعدمناكمـ