بعد أن أبحر في الشعر ونجوومه أحببت أن أضيف لكم ما أستمده ذووقي بأسماء شعراء يضفون للمرح قصيده وللحرف نبره ولريشه فن
اليكم شاعر أضاف لمدينة الحسن البديع لوحة شاعرية ..
الشاعر : سلطان مجلي الجنسية :الأمارات أول ديوان صدر له : اربعه *اربعه عام 2005
أخر حلاوهـ
من يدها آخر حلاوة كوب شاي وْحب ضيف لكن به فكرة قصيده.. مثل هذي عندها من يدها أذوق طعم الشاي غير.. يْجي بكيف تجيبه.. وتوقف.. وأبطي.. لين تعن صدها أذوقه.. وانده عليها يا \"وفا\" السكر خفيف والله عليم اني أذوب بْشايها وبودها لكن لعانة شاعرٍ يميل للجنس اللطيف تدفعني احرجها وآخذ فكرتي من خدها احرج حياها.. وانتظر ردت فعلها.. يا لطيف.. لا قلت \"حطي أصبعك\" لوّن حياها وردها تحجب حياها بيدها.. وتقول لي خجلا (ثخيف) تقولها مزح وغلا.. ما تقولها من جدها فديت \"لذغة سينها\".. والغنج.. والدم الخفيف فديت ابوها كلها.. من حدها لي حدها هي تنحرج.. وانا هنا باحراجها العذب العفيف أعدل مزاجي بْشايها.. واقول تسلم يدها وفْ يوم ك العاده ولكن كان موقفنا طريف توّي بقول.. وقاطعتني.. وانحرجت بْردها تسألني (الثُكر) خفيف؟.. وْقلت إيه.. تْقول كيف!!؟؟ \"حطيت ايدي كلها في الكوب\".. واقفت بعدها
أربعه *أربعه
من فرحتي بالموعد اللي شرفه داعي نداك جيتك أحن من الطفل لاحضان أم ٍ ترضعه جيتك أسابق خطوتي وش ما أسابق في لقاك..؟ مشوار ياخذله سنه لك في سويعات أقطعه آجيك بر وبحر.. جو.. لومشي تستاهل عناك يا من إذا ضاقت بي الدنيا لقيت ابك السعه يتعبني المشوار..؟ عادي/ كلما جاني فداك لو موعدك فآخر بقاع الأرض والله ما ارجعه ياللي حضورك كنه الما.. والتراب يصير ماك وشلون باتيمم.. وصوت الما يثور بْمنبعه..؟ يا غاية القلب الذي ما جاز له إلاّ هواك لاجاك قلبي من ضماه لْمنبعك لا تمنعه واللي خلقني ان انا من كثر ما حبك واباك اني من الفرحه بموعدنا نسيت (القبعه) القبعه..؟ إي قبعه..؟! شف ويش سَوَّابي غلاك أقصد نسيت عْقالي اللي موضعك من موضعه شف وجه قلبي من الغلا من وين ما ينظر لقاك لوهي جهاته أربعه فأنت (أربعه×أربعه) ياللي أحبك حب كنه من هناك إليا هناك لا والله ان الحب لك ما عدت أقدر أجمعه قد نصفي الأول معك خذ نصفي الثاني معاك وان جيت أبي ربعي عليك الله لي لا ترجعه خذ بعضي.. وكلي وخذ.. ما قول لك يا غير هاك خذ من ضلوعي المستقيم..أعوجه ما انت بْموجعه خذني وانا شاريك مابي من رضاك الاّ رضاك دام أنت في وقت الرخا لا تنزل الحب أطلعه خلني بجول بْخاطرك لو با تسميه انتهاك يْبان في عيونك كلام مْتعبك ومجمعه اتبان كلمة حب ما هي حلوه الاّ من شفاك كلمه تسوي بين مجموعة ضلوعي معمعه اتشجع وْقل ما يردك من حياك الاّ حياك وقف شعر جنبي بها واسمع صدى واستمتعه قلها عشان مْتيمك يا تارك العالم وراك لا فٌضّ فُو من قالها وْلا فُضّ فُو من شجعه قلْها كذا والاّ كذي والاّ كذيّه أو كذاك كلي أذان ٍصاغيه وإلاّ الأيادي مربعه ما هو بخوف إلاّ احترامك يفرقك عن من سواك ما هو غلا إلاّ الغلا لوما تبعك آتبّعه هذا خفوقي ما تعود عالدلع والله بلاك قم دلّعه وش منتظر قم دلّعه.. قم دلّعه وهذا القصيد اللي كتبته فيك قلته من وراك شف كيف أبواب القوافي المحكمات مْشرعه هذه القصيده لك.. وهذي لك.. وتيّه لك.. وتاك خذ واحفظ اللي يعجبك وان جيت باكر سمّعه جيتك بقلبي مدري قلبي جابني لك واحتراك واللي ينادينا تعب صوته.. شحب ما نسمعه وفْ موعدك مدري من اللي شجع الثاني وجاك هو قلبي اللي جا معي..؟ والاّ أنا جيتك.. معه؟
ليه ماتزوجت ليه ما تزوجت..؟ مدري..!! يمكن لأْني نسيت ويمكن لأني بأشيا ما هي مْهمه انشغلت واعتقد ان الحكايه.. شي ثاني لو حكيت كل شي من حولي يرحل وانا واقف.. ما رحلت ما مهلني العمر يمضي إن وقفت وإن مشيت والطموح اكبر من اللي له بمجهودي وصلت قلت ليت العمر يرجع.. قال وقتي: وش بغيت..؟ قلت: أخذت أجمل سنيني.. وقلت: آآآآه.. أش بعد قلت..؟ قلت اخذت العمر مني .. وقلت اخذت ولا اكتفيت خذت من شف الطفوله البسمه وعنها غفلت خذت من حلمي الطموح وخذت.. اخذت ولا عطيت خذت من عقلي الجنون وليتك بْطيشي عقلت خذت مني اللي هويته.. هااااه؟؟!! وش مني خذيت..؟ خذت من لوسمت فيها الكون كلّه ما قبلت خذت من خوفي الأمان ورغم هذا ما وفيت آآآآه وش سويت فيني.. إلاّ قول اش ما فعلت..؟ طحت..قمت..وطحت..قمت وصحت باعلى الصوت جيت جيت أبا اسأل عني لكن.. منهو أسأل لو سألت..؟ كنت أدورني وأوصل لين عندي ولا لقيت إلاّ شبه انسان يشبهني ليامن مال ملت إستحيتك يازماني وانت عمرك ما استحيت ملت بي ما ملت لك.. لوّ انت مايل ما اعتدلت ما لواني الصعب وانته كنت صعب وما التويت كنت تلويني وأزعل.. وان لويتك ما زعلت كم حملت الدين فعل ومال ليت اني قويت كلما شلت اثتقلته.. وكلما شلتك ثقلت آآآه وش آخر دروبك؟ كم نعلتك واحتفيت لا تساهلتك صعبت ولا اصطعبتك ما سهلت كنت يا وقتي مدينه أنتخيها بيت بيت شوف كم باب ٍ في وجه اللي تعزوابك قفلت..؟ بس هانت يا زماني شئت هذا أم أبيت ضقت ما ضاقت دروبي.. طاح دمعي ما ذبلت طاح دمع ٍ ما بغيته.. لا تظن اني بكيت هذا آخر ما تبقا من همومي واعتزلت والعفو ما هو بمنك.. العفو منه سهيت جا با يسألني وانا اللي جيت اجاوب وانفعلت سائلي والعفو منك.. من كثر ما بي شكيت كنت تسألني على .........؟؟!! ياااااه ليتك ما سألت ليه ما تزوجت..؟ مدري..!! يمكن لاني نسيت ويمكن لاني بأشيا أكثر مْهمه انشغلت
02-01-2010
المواضيع المتشابهه 
العرض العادي
