بسم الله والحمد الله اما بعد ايها الناس كلن يبي يموت وكلن يبي يروٍح لربه فآتقو الله ياعباد الله اما بعـد :
<----- وش عنده :51:
راح زمان وجاء زمان ومافات مات والي فات نبي ننساه بها الصرح الشامخ ( لايجيني احد يقول وشفيك يانواف ماتعرف تكتب ) انني من هذا الصرح احذر من تسول له نفسه الاقدام على خطف ورعان او بزارين خلق الله وان يكف شره وينهى كره ويبعد الناس عن حره وجره وفي اخذ سبيل على عين غرهـ وحنا يشطار راح نبدا بقصه <----- ماني مصدق اني اتكلم كذا :51:
في ذلك الصباح الجميل صحتني امي العزيزهـ بسطل من الماء ماعمري شفت مثله ولا راح اشوف مثله والقهر انها تعبي السطل فل لدرجه اني غسلت وجهي وتوضيت ولو امي مو عندي كان تروشت من ذي المويه الي كبتها على ومن ما يدور في مخيلت امي ذا الايـام حسـب ما افـادتنا مصـادر موثـوقه انـها ناويـه تمـد بزبـوز مـن المطبـخ لغرفـتي عشـان تريـح نفسـها مـن شيـل السطل كل يـوم وتسـتخدم السطل في مــارب <--- حلوه مــارب ذي
اخــرى اكـثر نفـعا منـي قمـت طبـعا غصـب عنـي لانـي لـو حـاولت اتلكع فالنـوم اخـف شـي ممـكن انكمـخ فيـه الكـــرسي ... :51:
نــزلت قمـيص النـوم ولبــست ثيـابي <----- تحلف انك ماتنام بدون ملابس :51: ورتبـت شنطـتي ومـن زود البـراءه فيـني شنطـتي عليـها صـوره ببـاي وهـو لاقطـ شـفه زيـتونه :51: لقيـت اخـواني وابـوي مجتمعيـن للفطـور نشبـت للشـايب قـلت ابوي انـت متقـاعد ولا عنـدك شـغل وش يصحيـك تفطـر معنـا الصـبح همك بطنـك لذا الدرجـه تلقيـت كمـخه بسيـطه الســبب الوحيـد في بساطتـها ان عضـلات ابـويباقي ماتحـركت واخـذت وضــعها الطبيــعي طالـعت في عيـونهم لقيـت كـل واحـد غمصــته في عيـنه انـت اصلا ما ودك تطالـع في عيـونهم وهـم مصحصـحين كيـف عـاد وهـم توهـم صاحيـن من النـوم المـهم فكـونا منـهم بديـت افطـر وانـا عيـوني فالصحـن لسببيـن الاول انـي لـو طالـعت فيـهم ما اكلت يومين والثـاني انـي اصـلا لو ارفـع نظـري وارجـع اطالـع فالصحـن لقيتهم قاضيـن عـلى مستقبـله :51:...... <--- حشى حيوانات مو اخوان
اخـذت مصــروفي من ابـوي مبــلغا وقـدره ورحــت امشــي للمدرسـه في اثــناء حثـــي للخطـا وانـا متجـه لصـرحي التعليـمي الشـامخ :51: وقـفت جنبـي سـياره كرسيدا عـرفت انهـم يبـون المدرسـه من تشـخيصتهم اللـي شكـلها مقاولـه اداره التعليـم الا وهـي بنـت البكـار الراعـي الرسمـي لدشـير(جمع داشر وداشر يعني واحد صايع يعني ضايع يعني لاشغل ولا مشغله) هـذه الامـه قالـو مشيـنا نوصـلك قـلت قدام ويـوم هم رايحين المـهم تفـاجأت بـهم يسـلكون طريـق اخـر غيـر طـريق المدرسـه قـلت ويـن يابـو قـال بنفطـر بـس ونروح تونـا بـدري ومـع رقصـات بسـيطه عـلى انغـام عبد الحليم حافظ <---- شكلهم هذولا دشير مصر
فاجأني احـدهم يـوم جاب لـي عطـر قـال تبـي تعطـر قــلت هـات يابو نسـمع بـه ونشـم ريحـته ولا نذوقـه رش علـي من هنـا وانسـدحت من هنـا وعندمـا صحيـت مـن غفـوتي خوفـني المكـان اللي انـا فيـه وهنـا بـدأت تنكشـف خطــوره الوضـع بالنسبـه لي ......
:51:
بيــن كومـات مـن اسجاير والقليـل مـن انـواع المعسـل فتحـت عيــوني ولقيـت ثلاثـه اشنـاب واقفيـن فـوق راسي بادرتهـم ببيـت شـعر عشـان ما يحسـون انـي خايـف
وانـي تكانـه هـل غادر الشـعراء مـن متردمـيّ +++ ام هـل تركـت الدار بعـد توهمـي :51:
صــكني واحـد منـهم بـكف عن ميه كـف ارتعدت منـه فرائـصي قـال كـم رقـم ابـوك يا ورع عطيـته الرقـم وطــلع هاتـفه الموبايــلي ودق عليـه وصـار بيـنهم الحـوار ؟؟
الخــاطفين:سـلام عليـكم
ابـوي: عليـكم السـلام مـن معـي
الخــاطفين: انـت ابـو نــــوافــــ
ابـوي: احتمـال كبيـر <---- ملـكع ابـوي اللـه يهديـه :51:
الخــاطفين:اسـمع ولـدك رهيـنه عندنـا ولـو ما دفـعت خمسيـن الـف في ثـلاث ايـام تـرى بيــنذبـح ولـدك
ابـوي:اللـه يبشـركم بالخيـر اجـل خلـوه عنـدكم وان بغيـتو مصــروفه ابشــرو بـه غيــر شـي بـس
فـي هذه الاثـناء::: انطلقـت صـرخه مدويـه منـي بــآبــآ <--- من عيال ماما وبابا
انـا وسـط الاشـرار سيقتلــوني تفـاجأت بـرد ابـوي ما ترحـم فرقـني خشـمك بــالله انـت ولـد ادمـي انــت ووجــهك الظــاهر انـنا رميـنا ولـدنا فالزبــاله ونسيــنا رضــاعته وانـت اللـي كبـرت والورع طـاح فالزبـاله اجـل فيـه ابـو ما يقـدر يفـرق بيـن اصبـع رجـله الكبيـر ووجـه وولــده الخـلا وقفـل السـماعه
قفـلت ( يعني زهقو ) مـع الخاطفين يـوم اخـذنا شـوي جاتهـم رسـاله مـن ابـوي مكــتوب فيـها ان الولـد اللذي خطفـته غيـر صحيـح فضـلا تـاكد مـن الولـد الصحيــح وشكــرا برضـو قفـلت معـهم زيـاده وحســو انـهم فعـلا بلشـو بـي ولا يقـدرون يفكـوني قـالو خلـوه يمكـن ابـوه يمـزح وماهـو مصـدق فاليـل اذا فقـد ولـده بنـدق عليـه مـره ثانيـه اسـتاذنت من الشبــاب واخـذت لـي غطــّـه ليـن المغـرب يـوم صحيـت رجعـو اتصـلو عـلى ابـوي
الخاطفين:الـو سـلام
ابـوي:هـلا عليـكم اخلـص عنـدي شـغل
الخــاطفين: هـاه ما ودكـ تدفـع الفـلوس وتفـك ولـدك
ابـوي: انسـى المــوضوع ولا عليـك مـن الولد بشـرني عنـك بـس :51:
ابـوي: اخبـار علـوم
الخــاطفين: طيـب عطـنا حـق البنـزين واخـذه
ابـوي: يجيـب اللـه مطـر توصـون شـي وقفـل السمـاعه في وجـههم بـعد
رجـعو علـي انا وصفـقوني قـالو ياخـوي ذا ابـو والا شــغاله ما يبـي يدفـع فيـك حتـى خمسيـن ريـال واللــه لـو انـك ســواقـه ليـدفع فيـك عـلى الاقـل حـق اقـامه :51: وقـعدو يصفقـوني ليـن انسـدحت
قـمت السـاعه 12 ليـلا وانا بالمستشفى وفيني كسور ورضوض بالمخ وتكسر بالخشم الايمن وتقشعر <--- مدري وشو ذا
وابوي جاني بالمستشفى واخذني <--- طلع ابوي ذيب قال مالي غير اخذه من المستشفى قبل لا فقد ولدي صدق هالمره ومرت هالخطفه على سلام
<--- والله لو اني جنيفر ماطلبو فيني فلوس
( وجه واحد من المشرفين يقول نواف يوم انخطفت كم عمرك ) :51:
.... مآ يستفــاد ..!!
1* لو اني مخطوف مانزلت هالموضوع <--- يدرون انك منت بكفو احد يخطفك
2* هنا يكمل او يترتب على الخطف حنان الاب وابوي طلع مافيه حنان غير اخر شي :51:
3 _ اهدا هذا الموضوع لطلاب والطآلبات :51:
تحياتي
المخطوف سابقا/ نوافــــ
رد: نـــواف والخـــاطفين 
