قام المنشد المعروف حامد الضبعان
بإنشاد الأبيات التي قالها خالد عبدالرحمن
بعنوان ـ يامرحبا ياصاحبي ـ
بصوت وآداء جميل ورائع من المبدع حامد الضبعان
وحقيقة هذا النشيد وسبب تسميتي له بهذا العنوان :
((خالد عبدالرحمن وحامد الضبعان يشتركان في قصيدة واحدة ))
هو أنه قد عرضة قبل أيام قناة الساحة محاورة «الشيلة» «الردية»
بين خالد عبدالرحمن وناصر القحطاني
طبعا من دون أي موسيقى ..
وتستمر المحاورة بين الإثنين حتى نهاية القصيدة المكونة من عشرين بيتا..
وتم عرض الكليب على قناة الساحة دون الإعتماد على المؤثرات الإخراجية بطريقة فن المحاورة «الشيلة»
ـ وبعدها قام المنشد حامد الضبعان ـ
بإعادة تسجيل الأبيات التي ألقاها خالد عبدالرحمن بصوته الرائع والجميل ..
ـ ادخل وحمل النشيد الحصري ـ
حجم الملف : 1.9 ميقابايت
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
=========================
=========================
=========================
وللإستزادة الآن اترككم مع المحاوره بين الشاعران/
ناصر القحطاني
و خالد عبدالرحمن
نـــاصر:
سلام والمركب عليه اثنين والساعه تدور
والموج هادي والوعد قدام والرحله ذهاب
إن غابوا الاجواد ماغابوا من اقفاص الصدور
دق الجرس والعلم عجل به بعد طول الغياب
خــالد:
يامرحبا ياصاحبي واعبر بنا سبع البحور
عليّ ادير البوصله وانت الله الله فالزهاب
انا سمعت انك تحديت الذيابه والنمور
والعام لك قلب خضر واليوم ماكنك شباب
نــاصر:
الوقت قاسي والفتى يبقى على الشده صبور
وإن ماغدا الرجال ذيب يطيح بأنياب الذياب
حتى الصديق الله وكيلك صار دمه مايفور
وأنا لقيت الاصدقا معظمهم أشبه بالسراب
خــالد:
لا تامن الدنيا ولكن لايجي قلبك فتور
أحد يشوف احلى البنات ولا يجي فيه انجذاب؟!
ماللحباري فالقنص ياكود هدات الصقور
وإن ماكفخ طير الفضاء معناته إن الراس شاب
نــاصر:
كلش ولا قطع الرجا فالطيبات من العطور
لكن على شرع الله وسنة نبيه والكتاب
بيض العذارى عسجديات الجسد ضمر الخصور
سود العيون مجدلات الروس تلعات الرقاب
خــالد:
بالله قل لي مابرا جرحك بعد بدر البدور
ماعوضوك الفاتنات (الذاهبه) والجرح طاب
كم واحد لا مرته مزيونه بعمر الزهور
ضاعت علومه والصواب الله يجيبك يالصواب
نــاصر:
أحد على الدنيا وهو كنه من أصحاب القبور
وأحد يجي ويروح مع خله وهو تحت التراب
يا اللي نسيت ان الهوى يبقى على مر العصور
بنشدك عن برق سرى بك وانت من فوق السحاب
خــالد:
معلمك ياصاحبي بالسالفه والعلم نور
وش بك تقول الشمع ذاب .. الشمع مايمديه ذاب
والبارق اللي مرني وانا ادعي بقلب شكور
هذاك خير طاح بأرض الغير والرب استجاب
نــاصر:
وش بينك وبين المدينه والشوارع والقصور
ماقد شبعت من الخلا الخالي ومن روس الهضاب
الناس ماتبطي ولو راحت مراويح الطيور
ترمي تعبها فالبيوت وتستريح من العذاب
خــالد:
البر يشرح كل صدر ويقلب الضيقه سرور
وأنا إلى جيته يمر الوقت مااحسب له حساب
يا ما حلا طوي الخبوت وسجة الخاطر شهور
ولا معك غير النشاما اللي يعزون الجناب
خـالد عبـدالرحمن ـ وحـامد الضـبعان ـ يشتركان في قصيدة واحدة - ادخـل وحـمل 
.. {
}
