ماهي قصة أول طبخه لكم ؟!

/
:
\
:
/



السلام عليكم

موضوع باين من عنوانه

كيف كانت اول طبخة لكم
زينة ...
مالحة ... حلوة ... محترقة .؟؟

ومتى كانت أول زيارة لك عالمطبخ ,,, يعني كم كان عمرك ؟؟؟


وماذا كانت الطبخة وكيف كانت ردود الاهل ؟؟؟

وكيف كان احساسك بنفسك وقتها

والاهم لوين وصلت الان ؟؟

انتظر تفاعلكم

ملطوووش

بعد ماشوف تفاعل راح اقولكم عن اول طبخه لي الي من جد جت الاسعاف من سببها

وعن موقف صار وانا صغيره لما كنت ابي اطبق وصفه في كاكاو نسكويك ^-^

( الموضوع قابل للتثبيت )

/
:
\
:
/

موضوع رائع بياض^_^

وقصة اول طبخهـ

لما كنت بخامس ابتدائي

وسويت لاهلي شعيريه بالحليب ماخذتها من كتاب طبخ مسويهـ سنعه

بس في الاخير ماحد اكل الطبخهـ الا انا وامي عشان ماتفشلني :)

بس ماعلقو اخواني على طبختي ابد ^_*

وفي انتظار اول طبخه لك بياض

دمتِ بود

هههههههههههههههههههههههههه

زين والله ماحد علق

انا للحين وبعد مرور الف سنه للحين يعلقون مالت عليهم بس

يلا انتظرررررررر الباقي

وتسلمين لي يازوزو على المشاركه الحلوهـ

ومتى كانت أول زيارة لك عالمطبخ ,,, يعني كم كان عمرك ؟؟؟
كان اول طبخ لي في المطبخ لمن كان عمري 14 سنه



وماذا كانت الطبخة وكيف كانت ردود الاهل ؟؟؟

كانت الطبخه كبسه

<<قوويه مره وحده كبسه

كانت ردود اهلي اكلوها غصب عنهم

هههههههههههههههه
يسلمو سنوايت

ههههههههههههههههههه موضوع رائع جدا يسلمو بياض

اول طبخه لي كانت بصراحه كبسه وكان وقتها عمري 13سنه

وطبعا عفستها

كثرت الملح والفلفل ومدري ليش طلعت شكلها شربه مو كبسه

مويته كثيره والطماطم احمر زياده < عمتنا متوصيه ومكثره المقادير تبيها تطلع ولا في

الاحلام

يعني بكحلها وعميتها والحمدلله في النهايه تخلصت منها بعد ماجبت خبرها


احرقتها وحطيتها بكيس وعلى الزباله الله يكرمكم وبسرعه اشغل الشفاط وابخر البيت

قبل ماتجي امي لانها كانت عند الجيران في العصريه

وطبعا مامدى الريحه تروح ماسكه بالجدران والقدر تورطت فيه كله اسود وتعبت وانا ماطبخت
المهم امي
دخلت البيت قالت ريحه بخور مع حرق قلت ايه اناكذا وكذا المهم علمتها عذرتني والحمدلله

وتمت العمليه بسلام لان ابوي ماكان موجود ولا كان انواع التهزئ

بس من جد تعقدت وعلشان اطمن نفسي قلت المره الجايه معجنات احسن من الكبسه

وش كبسه احم احم






















ج

اول مـرهـ طبخت لحالي كان عمري14 حوالي ...


وكانت لحم مفروم عشان السمبوسه بس كنت مجبورهـ من اهلي اني اطبخها

فقمت وحطيت الزيت والبصل واللحم المفروم وبهارات وفي الاخير خربتها وحطيت عليها

شوي تانج وبكنج بودر ومسمار يقال لك بعاند اهلي ليه يجبروني والحمدلله وقتها محد اكل

السمبوسه والسسب ذكائي ودهائي>>>برااااا


ولما جيت في 2 ثانوي طبخت معكرونه بس على طريقتي الخاصه جبت حبات المكرونيا

وقليتها الين صار لونها بني غامق وبعدها طبختها مع دجاج وبطاطس وجزر و طبعا بوجود

كميه من الماء وبكل فخر حتى انا ما اكلتها >>>رفاله اكييييدهـ ماذا تسميهـا :)


سنوايت انفضحنا يااختي بس اهم شيء الاخلاق >>> برااااا

مشكوره سنوايت وبانتظار اول طبخه لك :)

يلا بقولكم عن فضايحي هع
اول مره سويت طبخه كان عمري تقريبا 18 او 19 < كل الي قبلك 14 او 13 يالرفله
وسويت معكرونيه والصراحه سويتها من كيفي ماحد علمني
وطلعت رووووعه وعجبتهم كلهم

المصيبه كانت في ثاني مره ^-^
اختي جت تشحذني تكفين سوي لنا المكرونيه الي سويتيها الاسبوع الي فات
عاد انا قمت ويعنني معصبه مالي خلق والصراحه بغيت اطير من الفرح ان احد يشحذني
وان طبختي عجبتهم
بس المشكله في المره الثانيه نسيت انا وشلون سويت الطبخه في المره الاولى ^-^
سويت لهم مكرونيه كلها دهـــــــــــــــــــــــن وساااااااااااااااامجه وماستوت
حرام اختي الكبيره مريضه وتاكل علاجها بالليل قبل لاتنام هي اكلت علاجها قبل لاتتعشى
ولما تعشت وحاااااااااااامت تسبدها من الدهن رجعت ورجعت العلاج معه بس مانتبهت

ثاني يوم راحت للسوق والحمدلله يومها رحت معها للسوق لعانه مابي شي بس رايحه لعانه
ومن حظها لان اغمى عليها بالسوق والسبب انها رجعت العلاج من بعد عشاي ^-^
واتصلنا عالاسعاف وناسه ركبت الاسعاف ^-^ < راكبه مراجيح مو اسعاف

----------------------------------

الحين بقولكم عن شغله سويتها وانا عمري 14 سنه وللحين اهلى يعايروني بهالشغله ^-^
تعرفون بودرة الكاكاو نسكويك حقت نستله
كان مكتوب وراها طريقة حلا على ماعتقد
ومن ضمن المقادير ملعقتين كبار بودرة الكاكاو
بالبدايه اخذت ملعقتين كبار حقات الاكل العاديه
بس حسيت انها شويه
رحت جبت ملاعق المرق ^-^ قلت يمكن يقصدون هالملاعق
مادريت الا خواتي الكبار داخلات علي يالخبله وش تسوين
قلت هم يقولون ملاعق كبار < ياعمري ع البراءه
كان تطردني اختي من المبطخ وهي فاطسه من الضحك وتجلس تسويلي هالحلا
ومن فتره سويت لهم عشا محترم وحركات وعجبهم حيل
عاد اختي تكلم زوجة اخوي بالرياض وتمدح لها العشا وتشهييها ^-^
قالت ايه بياض تطورت من عقب ملاعق المرق < السالفه صار لها ســنين وللحين مانسوها هههههههههههههههههه
بس الحمدلله الحين صايره طباخه منحرفه < محترفه يابنت الناس
ويلاااا بأنتظار فضايحكم يابنات وياشباب